Экология • 17 Мамыр, 2023
Топырақтың тозуы – тоқшылыққа төнген қауіп
Президент Қасым-Жомарт Тоқаев VІІІ сайланған Парламент Мәжілісінің бірінші сессиясының ашылу салтанатында сөйлеген сөзінде топырақтың құнарын сақтап, оны жақсарту үшін жүйелі шаралар қабылдау қажеттігін, ауыл шаруашылығы жерлерін тиімді пайдалану үшін бақылауды күшейтуді тапсырды. Бұл ретте елімізде тіршілік атаулыға нәр беретін топырақтың құнары мен құрамын зерттеумен Ө.Оспанов атындағы Қазақ топырақтану және агрохимия ғылыми-зерттеу институтының мамандары айналысатынын атап өткен жөн. Топырақ құнарлылығын арттыру, оның қоры мен ауыл шаруашылығында пайдаланылатын жерлерді тиімді пайдалану негізінде еліміздің азық-түлік қауіпсіздігін ғылыми қамтамасыз ету – институттың негізгі міндеті.Институт ғалымдары топырақта болып жатқан өзгерістердің заңдылықтарын анықтау, егістіктің өнімділігін арттырудың инновациялық технологияларын әзірлеу және оларды өндіріске енгізу бағытында қарқынды жұмыстар атқарып жатыр. Алайда бұл қазіргі заманның жаһандық мәселелері – деградация мен шөлейттенуді шешу үшін жеткілікті ме, топырақтың тозуы мен құнарсыздануының басты себебі неде деген сауалдар төңірегіндегі өткір де өзекті ойларын бүгінгі дөңгелек үстел басында тілге тиек етті. Топырақтың тозуы мен құнарсыздануы Алматы облысында да алаңдатарлық күйде екені тақырыпқа арқау болды. Бұл жөнінде ортаға пікір салғандар – «Ө.Оспанов атындағы Қазақ топырақтану және агрохимия ғылыми-зерттеу институты» ЖШС басқарма төрағасы, ауылшаруашылық ғылымдарының кандидаты, доцент Раушан Рамазанова, топырақ құнарлылығы және биологиясы бөлімінің меңгерушісі, ауылшаруашылық ғылымдарының кандидаты, доцент Мария Әменқызы, топырақ экологиясы бөлімінің бас ғылыми қызметкері, ауылшаруашылық ғылымдарының докторы Гүлжан Бейсеева, тұздалған топырақтарды мелиорациялау бөлімінің меңгерушісі, ауыл шаруашылығы ғылымының магистрі Мақсат Пошанов, агрохимия бөлімінің меңгерушісі, ауылшаруашылық ғылымдарының кандидаты, доцент Бақытбек Әміров.
Спорт • 15 Мамыр, 2023
Алматы облысында жауырыны жерге тимеген балуандар белдесуі өтті. «Алатау арланы» деп аталған бұл додада «Қазақстан барысы» атағы үшін белдесетін республикалық турнирге жолдама сарапқа салынды.
Аймақтар • 14 Мамыр, 2023
Шекаралық аймақтағы Сүмбе ауылының тұрғындары үшін жақында жағымды жаңалық болды. Ол – ауылдың сән-салтанатын асырып, рухани ошағына айналатын мәдениет үйінің пайдалануға берілуі еді.
Медицина • 10 Мамыр, 2023
Дүниеде көрмеу, естімеуден асқан қорлық жоқ шығар. Өкінішке қарай, саңырау жандардың қатары өспесе кемімей отыр. Бүгінде Алматы облысында есту қабілетінен айырылған мыңнан аса науқас есепте тұрады.
Отбасы • 10 Мамыр, 2023
Жуырда Алматы облысында тұрмыстық зорлық-зомбылықтан зәбір көріп, жапа шеккен әйелдер үшін 50 орындық әлеуметтік көмек көрсету орталығы өз жұмысын бастады. Орталықтың ашылуына өңірде әйелдерге қатысты қылмыстық оқиғалардың жиілеуі себеп болып отыр.
Ұлттық спорт • 03 Мамыр, 2023
Қазақстан халқының бірлігі мен тірлігін, ынтымағын паш ететін мерейлі мереке күні Қазақстан ұлттық спорт қауымдастығы, Алматы облысының әкімдігі, Мәдениет және спорт министрлігі мен Ақпарат және қоғамдық даму министрлігінің қолдауымен Панфилов ауылдық округіндегі Қобыланды батыр атындағы ипподромда ұшқыр бәйгеден «Qazaq World Cup» турнирі өтті. Оған көршілес қырғыз ағайындардың жокейлері қатысты. Қырықтан астам тұяғымен жер тарпыған тұлпардың бабы мен бағы сыналған бұл ұшқыр бәйге елімізде тұңғыш рет ұйымдастырылды.
Ауыл • 02 Мамыр, 2023
Мал шаруашылығын кәсіпке айналдырған Кеген ауданында 54 334 ірі қара, 30 549 бас жылқы бар. Аталған аудандағы шаруа қожалықтар саны – 1 501 болса, оның алтауы асылтұқымды шаруашылық санатында. Атап айтсақ, «Каз мясо» ЖШС-і 4 200 бас абердин ангус, «Көлсай құрылыс» ЖШС-і «Әулиекөл» аталатын асылтұқымды ірі қара өсіруде.
Қоғам • 30 Сәуір, 2023
Табиғаты талайды тамсантқан таулы өлкенің төсін ат тұяғымен дүбірлетіп, көкпардың көрігін қыздырып жүрген бозбаланы ауылдастары түгелге дерлік Никоша деп атайды. Бала күнінен аттың жалына жармасып, тақымына түскен тай-құлынның құлағында ойнауға әуестігі оны ортасынан ерекшелеп, танымалдылығын арттырды. Бүгінде атқұмар Никоша көк серкені тақымға басып, көмбеге тастайтын ұлттық ойын – көкпар тартудың хас шебері.
Үкімет • 27 Сәуір, 2023
Сенат төрағасы Мәулен Әшімбаев Алматы облысы мәслихатының депутаттарымен кездесіп, Мемлекет басшысының тапсырмаларынан туындаған міндеттерді талқылады.
Медицина • 26 Сәуір, 2023
Тойханадағы «емхана» немесе төзімі таусылған талдыбұлақтықтарды кім тыңдайды?
8 мыңнан аса халық тіркеуде тұратын Талдыбұлақ ауылындағы дәрігерлік амбулаториясына күрделі жөндеу жұмыстары жүргізілетініне байланысты «Алатау» дәмханасына көшірілген медицина мекемесінің бүгінгі жай-күйі жаға ұстатарлық. Бастапқыда екі-үш айға деп жайғасқан мекеменің жұмыс істеп жатқанына екінші жылға айналып барады. Содан бері ешқандай медициналық талапқа сай келмейтін тойхананың даңғарадай залына қатарласа орналасқан дәрігерлер бала мен қартты, ауру мен сауды сапырылыстырып, қатар қабылдап жатқанына жұрт күйінеді.
