Аймақтар • 20 Тамыз, 2024
Қонаев қаласы жаңа оқу жылына дайын ба
Қалалық білім бөлімінің басшысы Қаламқас Сәрсенбаеваның ақпаратына сәйкес, биыл 14 мектепке (ауылдық округтерде 5) барлығы 1300 бала 1-сыныпқа қабылданды, деп хабарлайды Egemen.kz.
Ұлттық спорт • 19 Тамыз, 2024
Қыркүйектің 8-13 күндері аралығында Астанада V Дүниежүзілік көшпелілер ойындары өтеді. Байрақты бәсекеде 21 спорт түрінен жарыс өтетін болса, соның ішінде ұлттық құрамамыз көкпар, теңге ілу, жамбы ату, аударыспақ, тоғызқұмалақ, құсбегілік пен бәйге сынды ұлттық ойындардан бақ сынамақ. Дүбірлі додада ел намысын қорғайтын көкпардан ұлттық құраманың мүшелері осы күні Жаңашар аулындағы олимпиадалық оқу-жаттығу алаңында дайындық шараларын күшейтіп жатыр.
Шаруашылық • 17 Тамыз, 2024
Алматы облысында акваөсіру өндірісін осы жылы 6 мың тоннаға, ал 2030 жылға қарай 20 мың тоннаға жеткізу жоспарланып отыр. Бүгінде облыс көлемінде 30-дан астам балық өсіру шаруашылығы тұрақты түрде жұмыс істеп келеді. Кейінгі уақытта олардың қатары жаңа балық шаруашылықтарымен толығып жатыр.
Аймақтар • 16 Тамыз, 2024
Игі бастамаға жұрт болып жұмылды
Жаңа оқу жылы жақындаған сайын оқушыны мектепке дайындау жұмыстары қыза түскен. Ата-ана мен ұстаздар үшін нағыз қарбалас шақ. Осы орайда әлеуметтік жағдайы әртүрлі санаттағы отбасылардың балаларына қолдау көрсететін «Мектепке жол» акциясы биыл да жалғасын тапты. Бұл іс-шарадан шалғайдағы ауылдардың оқушылары да шет қалмай, мейірімді де қайырымды жандардың қамқорлығын сезінуі қуантады. Солардың қатарында Кеген ауданының Тұйық орта мектебі мен оқушы саны жүзге жетпейтін Жалаулы орта мектептерінде жарқын істер жүзеге асып жатыр.
Энергетика • 16 Тамыз, 2024
Қоғамдық талқылау тақырыбы – АЭС тиімділігі
Қонаев қаласында елімізде атом электр стансасын салу турасында қоғамдық талқылау өтті. Қазақстанның Азаматтық Альянсы ұйымдастырған кездесуге сарапшылар, қоғамдық ұйымдар өкілдері мен өңір тұрғындары қатысты.
Өндіріс • 13 Тамыз, 2024
Байсерке балмұздағы Сауд Арабиясында сатылады
Азия нарығындағы ең ірі балмұздақ өндіруші, сонымен қатар шетел нарығына отандық балмұздақты жеткізуші болып саналатын «Шин-Лайн» компаниясының жетістігі көп-ақ. Алматы облысының Байсерке аулында орналасқан фабрикада осы күні заманауи балмұздақ өндірісі шоғырланып, сүт өнімдері, мұздатылған жартылай фабрикаттар, қамыр, әртүрлі кеспе шығару жұмыстары жолға қойылған.
Спорт • 10 Тамыз, 2024
Олимпиада жүлдегерін құшақ жая қарсы алды
Бүгін Алматы қаласының халықаралық әуежайында грек-рим күресінен Парижде өткен жазғы Олимпиада ойындарының күміс жүлдегері Демеу Жадыраевты салтанатты түрде қарсы алу рәсімі өтті.
Шаруашылық • 08 Тамыз, 2024
«Егінжайда» қозғалды елдің қамы
Президент жанындағы Ұлттық ғылым академиясының ұйымдастырумен Қазақ егіншілік және өсімдік шаруашылығы ғылыми-зерттеу институтының базасында «Егінжай күні» ғылыми-практикалық семинары өткізілді. Дала төсінде өткен бұл іс-шараға ғалымдар, агрономдар, фермерлер мен сарапшылар жиналып, ауыл шаруашылығындағы толғақты мәселелер төңірегінде ой қозғады. Аграрлық саланың озық технологиялары орналастырылған ауыл шаруашылығы көрмесімен танысты.
Өндіріс • 07 Тамыз, 2024
Алатаудың етегіндегі халық тығыз қоныстанған Еңбекшіқазақ, Қарасай, Жамбыл, Іле, Талғар аудандарында осы күні үш ауысымды 39 мектеп бар, яғни 26 мыңнан аса оқушыға орын жетіспейді. Осыған орай, облыста үш ауысымды мектептер мен оқушы орны тапшылығын жою мақсатында «Жайлы мектеп» жобасы аясында 53 мектеп салыну жоспарланған. Биыл 26 жайлы мектептің құрылысын аяқтап, пайдалануға беру көзделген.
Еңбек • 06 Тамыз, 2024
Қара жолдың бойында жатқан Қаратұрық ауылдық округіндегі 6 елді мекенде 13 мыңнан аса адам тіршілік етеді. Негізгі кәсіптері – мал шаруашылығы. Десе де кейінгі жылдары жеке кәсіптің кілтін тауып, несібесін молайтып отырғандар қатары еселеп артқан. Соның нәтижесінде биылға арналған салық жоспары 59 млн 447 мың теңге болса, бүгінде округ бюджетіне 57 млн 910 мың теңге түсіп, жылдық болжамның 97 пайызы орындалған.
