Руханият • 17 Қаңтар, 2024
Қызылордадағы облыстық тарихи-өлкетану музейі ел қолында сақталған талай жәдігерді жарыққа шығарып, ортақ игілікке айналдырып келеді. Жуырда музейде қазақ еліне Ислам дінін таратушы тұлғалар жайлы шежіренің қазақшаға аударылған нұсқасы таныстырылды.
Аймақтар • 17 Қаңтар, 2024
Сырдария арнасы кейінгі жылдары елді алаңдатып-ақ тұр. Бұрнағы жылдары жазда солып аққан өзен қыста толып, лықсыған мұз арнадан асып, жұрт әбігерге түсіп жататын. Қазір ол ұмытылды. Торғай миын қайнатар жазда жылғасы жылтырап қалса, қыста да бұрынғы жағалауына жете алмай жүр. Осыдан да көлден балық сүзгендер мен несібесін жерден тергендер «Балықшы күнде – арманда, егінші жылда – арманда» дегеннің кебін киіп отыр.
Аймақтар • 15 Қаңтар, 2024
Журналистер мінген көлік жол апатына ұшырады
Бүгін түске қарай Жаңақорған ауданындағы Құттықожа ауылына бара жатқан Toyota Hiace автокөлігі апатқа ұшырады, деп хабарлайды Egemen.kz.
Экология • 11 Қаңтар, 2024
Жалпы кезінде жарыса аққан Әму мен Сыр қатар толтырған теңіздің кешегісін көріп, айдынында жүзгендердің әңгімесін тыңдасаңыз қазіргі Кіші Аралды кәдімгідей қомсынып қаласыз. Дегенмен де ұшан теңіздің осы алақандай пұшпағын аман алып қалу оңай болған жоқ. Жергілікті жұрт сонау 1989 жылы-ақ ұлы теңізден бөлінген айдынның алдын әлденеше рет бөгеп, суы аса тұзданып, тіршілігі тоқтауға жақын қалған шалқар суды сақтап қалудың қамын жасаған. Бірақ су молайып, тұздылығы азайған жойқын су құмнан тұрғызылған бөгетті әлденеше рет шайып, талай мәрте еңбек еш кетті. Ұлы теңізге құлаған мол сумен бірге мыңдаған тонна балық ығып, ащы суда қырылып қалды.
Медицина • 10 Қаңтар, 2024
Дер кезінде дәрігерге қаралса, қай аурудың да алдын алуға болады. Дегенмен сырбойылық дәрігерлер кейінгі жылдары аймақта бүйрек ауруына шалдыққандар арасында жастардың қатары артып бара жатқанына алаң болып отыр. Экологиялық аймақ саналатын өңірде оның себебін де алыстан іздеудің қажеті жоқ. Сондықтан да дер кезінде скринингтік зерттеулерден өткен дұрыс екенін айтады мамандар.
Кәсіпкер • 09 Қаңтар, 2024
Қызылорда қаласының іргесінен орын тепкен Бесарық – жұрты жаңалық пен жақсылыққа жұмылған ауыл. Бүгінде Сырдария ауданына қарасты бұл ауылдағы әр шаңырақ мал ұстап, облыс орталығын етпен қамтамасыз етіп отыр. Жыл тоғысында осы берекелі Бесарықта бөдене фермасы ашылды.
Ауыл • 27 Желтоқсан, 2023
Қызылорда облысында елді мекендерді газдандыру жүйелі түрде жалғасып жатыр. Биыл да 12 ауылға «көгілдір отын» кіріп, аймақты газбен қамту көрсеткіші 75 пайызға жетті.
Аймақтар • 26 Желтоқсан, 2023
Қазір елімізде жол құрылысы бір ізге түсіп, күре жол арқылы жолаушы мен жүк тасымалы артып келеді. Аймақтар арасында жол-көлік инфрақұрылымы жағынан Қызылорда облысы көп өңірден алда тұр. Биыл облыста жол инфрақұрылымын дамытуға 37,1 млрд теңге бөлініп, 603 шақырым автомобиль жолдары, көшелер және көпір өткелдері жөнделіп жатыр. Былтырғымен салыстырғанда жолға қаралған қаржы екі есе ұлғайса, келер жылға республикалық бюджетке 53 млрд теңгенің 84 жобасы ұсынылып отыр. Бірақ Сырдағы ағайынды алаңдатып отырған бір мәселе – көп жылдардан бері айтылып келе жатқан «Бейнеу – Шалқар» күре жолының жобасы.
Аймақтар • 21 Желтоқсан, 2023
Жуырда Жалағаш кентінде 50 отбасы баспаналы болды. Осыған байланысты ұйымдастырылған рәсімге облыс әкімі Нұрлыбек Нәлібаев қатысып, тұрғындарды құттықтады.
Аймақтар • 21 Желтоқсан, 2023
Қызылордада «Inno.Fest Qyzylorda-2023» инновациялық жобалар фестивалі өтті. Аймақ дамуына серпін беретін жаңа инновациялық идеяларды қолдап, ІТ бағытқа қызығушы жастардың жобаларын қаржыландыруға жол ашатын байқауға қатысқан 250 команда арасында өңір жастарынан бөлек Астана, Түркістан қалаларының өкілдері болды.
