Коронавирус • 28 Қазан, 2021
Індет басталғалы бері Сыр бойында 18 639 адам вирус жұқтырыпты. Осы науқастардың 82 пайызы биыл тіркеліп отыр. Былтырғы жылдың осы кезеңімен салыстырғанда аурушаңдық көрсеткіші 3 есеге дейін ұлғайған. Жазда бой бермей кеткен дерт соңғы 2 айда төмендеп, жұрт көңіліндегі қорқыныш та сейіле түскендей.
Қоғам • 27 Қазан, 2021
Қызыл төлқұжатты «қимай» жүргендер бар екен
Елімізде мәртебесі реттелмеген және жеке басын куәландыратын құжатсыз жүрген азаматтарды анықтау бойынша акция жүріп жатыр. Акция аясында республика бойынша 6 мыңнан аса құжатсыз жүрген азамат анықталып, олардың көпшілігіне өздеріне тиісті жеке басын куәландыратын құжат табысталған. Бұл туралы Қызылордадағы өңірлік коммуникациялар қызметінде өткен брифингте ІІМ Көші-қон қызметі комитетінің азаматтық, иммиграция және эмиграция басқармасының бастығы Ғани Шымырбаев мәлімдеді.
Аймақтар • 26 Қазан, 2021
Сыр мұнайының тарихы өткен ғасырдың сексенінші жылдарынан басталып, Құмкөлден шыққан «қара алтын» осыған дейін аграрлық салаға арқа сүйеп келген облыс экономикасының негізгі тірегіне айналып сала берді.
Аймақтар • 25 Қазан, 2021
Қызылордадағы «Облыстық жастар ресурстық орталығы» мүшелері биыл жұртқа жәрдем көрсетіп, игілікті істердің басында жүрді. Осы жылғы 1 наурыз – Алғыс айту күнінде өткен брифингте облыс әкімі Гүлшара Әбдіқалықова кәсіпорындар мен ұжымдарды, жеке адамдарды жақсылық жасауға жұмылдырудың маңызын атап өтіп, сырбойылықтарды «Қайырымды істер марафоны» жалпыұлттық жобасына үлес қосуға шақырған еді.
Экология • 22 Қазан, 2021
Сырдарияның шынымен сарқылғаны ма?
Бірнеше мемлекеттің аумағын кесіп өтіп, алып даланың алқасындай Кіші Арал теңізіне құятын Сырдарияның соңғы жылдары мазасы кетіп-ақ тұр. Егін-тегіннің уақытында арнасы төмендеп, қыста кемеріне қайта келетін өзеннің қазіргі кейпі тіпті адам аярлық. Арнасы ортайып қалған дарияның баяғы дүлей мінезін сағына бастағандаймыз. Биыл облыс диқандары егілетін күріш көлемін қысқартып, өзен суының әр тамшысын санап жүріп науқанды әупіріммен өткізді.
Экономика • 21 Қазан, 2021
543 млрд теңгенің өнімі өндірілді
Қызылорда облысының тоғыз айдағы әлеуметтік-экономикалық даму қорытындысы бірқатар салада өсім бар екенін көрсетіп отыр. Жыл басынан бері облыстағы өнеркәсіп кәсіпорындары 543 млрд теңгенің өнімін өндіріпті. Оның ішінде пайдалы қазбаларды өндіру – 5,3, тау-кен өндіру өнеркәсібінде қызмет көрсету – 13,6 және өңдеу өнеркәсібі 12,6%-ға артқан.
Экономика • 15 Қазан, 2021
Шылаушынның шығыны аз, пайдасы көп
Сыр бойындағы Қазалы ауданының төрт тұрғыны тың кәсіп түрін бастап жатыр. «Қазалы Агро KZ» жауапкершілігі шектеулі серіктестігіне топтасқан жігіттер кәдімгі шылаушын өсіруді қолға алыпты. Жердің құнарын арттыру үшін дамыған елдерде кең танылған бұл кәсіп түрін қазір Қазақстанның әр түкпірінде кәдеге жаратып отырғандар кездеседі.
Әдебиет • 13 Қазан, 2021
Сыр бойында халық ауыз әдебиетінің таңдаулы үлгілерін, аңыз-әңгімелер мен батырлар жырының, қисса-дастандардың ел аузындағы нұсқаларын жинақтап, «Сыр өңірінің фольклорлық антологиясы» атты үштомдық шығару қолға алынған. Жуырда осыдан 2 жыл бұрын басталған жоба аясындағы алғашқы том – «Жанқожа батыр» жинағы қолға тиді. Тәуелсіздігіміздің 30 жылдығына арналған тартудың тұсаукесері Ә.Тәжібаев атындағы облыстық әмбебап ғылыми кітапханасында өтті.
Білім • 07 Қазан, 2021
Жеңімпаз ұстаздар жүлделі болды
Қызылордадағы Н.Бекежанов атындағы музыкалық драма театрында облыс әкімі Гүлшара Әбдіқалықованың қатысуымен «Ұстаз аты – биік, әрі мәңгілік» атты салтанатты жиын өтті. Білім саласы өкілдерінің мерекесіне арналған шараға ардагер ұстаздар, мектеп мұғалімдері мен жас педагогтер шақырылды.
Егемен Қазақстан • 30 Қыркүйек, 2021
Көне тарих сүрлеуі Сырда жатыр
«Egemen Qazaqstan» және «Казахстанская правда» газеттерінің «Атамекен» ақпараттық-танымдық экспедициясы Сыр бойына келіп жетті. Тарих тәбәрігін түгендеуге арналған сапарымыз дүние тылсымын қобыз сарынынан іздеген түгел түркіге ортақ тұлға Қорқыт ата жатқан топырақтан басталды. Экспедиция құрамында облыстық ішкі саясат бөлімінің мамандары, «Сыр бойы» газеті, «Qyzylorda» телеарнасының тілшілері болды. Әр нысанда аудандардағы жергілікті өлкетанушылар мен тарихшылар қатарымызды толықтырып отырды.
