Қоғам • 19 Қазан, 2020
Көргені – қорлық, тартқаны – зорлық
«Бас жарылса – бөрік ішінде, қол сынса – жең ішінде» демекші, жалпақ жұртқа жайыла бермейтін жайттар болады ғой. Әсіресе отбасы, ошақ қасындағы оқиғалар көбіне-көп «жабулы қазан жабулы күйінде» қалатыны белгілі. Сондай оқиғалардың сорақысы – тұрмыстық зорлық-зомбылық. Өкініштісі сол, әлі жеткен соң әйелін таяқтап, бассыздыққа салынып баласын сабайтындар елімізде күн санап көбейіп барады.
Саясат • 09 Қазан, 2020
Пара бермей, бара берсе қайтеді?
Жегі құртқа айналған жемқорлық пен жең ұшынан жалғасқан сыбайластық қай салада болсын қарқынды тамыр жайып барады. Ел экономикасын елеулі шығынға батырып отырған әрекеттерден әлі де арылатын түріміз жоқ. Бара берудің орнына пара беретін, ала берудің үстіне ала беретіндерге қарсы тұрар айла-шарғы қалмады ма?
Қоғам • 07 Қазан, 2020
«Жас келсе – іске»: Әлеуметтік лифтінің әлеуеті жоғары
Мемлекет басшысы Қасым-Жомарт Тоқаев өзінің сайлауалды бағдарламасында Президенттік жастар кадрлық резервін құру қажеттілігі туралы айтқан болатын. Бұл тапсырма ойдағыдай орындалып, ел басқару ісіне араласатын таңдаулы жастардың қатарына қосылуға ұмтылған 13 мың азаматтың арасынан бабы мен бағы келіскен 300 жас отандасымыз іріктелген еді. Ұлт болып үкілеген сол 300 азаматтың арасында «Тұрғын үй-коммуналдық шаруашылығын жаңғырту мен дамытудың қазақстандық орталығы» АҚ басқарма төрағасының орынбасары Нұрбек Серіков те бар.
Қоғам • 07 Қазан, 2020
Полицияның міндеті – халықтың қорғаны болу
Бүгінде елімізде жергілікті полиция қызметін «Жұртқа жақын полиция» қағидаты бойынша реформалау мен Қазақстан полициясы жұмысының «сервистік модельге» көшуі туралы көп айтылады. Себебі еліміздегі құқық қорғау органдарының алдында тұрған бүгінгі міндет сервистік жедел полиция қалыптастыру ғана емес, сонымен қатар оның ашықтығын да қамтамасыз ету болып отыр. Заман талабы тәртіп сақшыларынан қоғамда туындаған мәселелерді азаматтармен бірлесе шешіп, тұрғындармен барынша тығыз қарым-қатынас орнатуды алдыңғы орынға қояды.
Саясат • 07 Қазан, 2020
Бұл – белсенді азаматтарға берілген мүмкіндік
Nur Otan партиясындағы ішкі іріктеу ел тағдырына елеңдейтін азаматтардың дүбірлі додасына айналды. Белсенді отандастарымыз сайлауалды тұғырнамаларын ұсынып, ел алдында еркін көсіліп қалды. Енді соның нәтижесі қандай деген заңды сауал да пайда болған еді. Бірер күн бұрын аяқталған партияішілік сайлаудың қорытындысы кеше Орталық коммуникациялар қызметінің алаңында өткен баспасөз мәслихатында баяндалды.
Саясат • 06 Қазан, 2020
Партия мүшелерінің дауысы есептелді
Nur Otan партиясы ішкі іріктеудің алғашқы кезеңін аяқтады. Партияішілік сайлаудың бірінші кезеңі бойынша сайлаушылардың дауысын есептеу жұмысы кеше тәмамдалды. Праймериз өткізу жөніндегі Орталық ұйымдастыру комитетінің ақпаратына сәйкес төрт күнге созылған дауыс беруге 662 687 адам қатысыпты. Бұл – тіркелген сайлаушылардың 84,2%-ы.
Саясат • 05 Қазан, 2020
Праймериз қатысушыларына дауыс беру аяқталды
Осы жылы тамызда Елбасы Нұрсұлтан Назарбаевтың бастамасымен Nur Otan партиясында елімізде бұрын-соңды болмаған жаңа форматтағы ішкі іріктеу – праймеризге қатысушыларды тіркеу басталған еді.
Саясат • 05 Қазан, 2020
«Қызыл куәлікпен» әлі қоштаса алмай жүр
Он алты жасқа толып, жеке куәлікке қолы жеткен күнді көп адам ұмыта қоймайды. Себебі есеюді, азамат болуды ең алдымен осы құжат куәландыратындай еді. Ол ол ма, осындай куәлік алған азамат ел мен жер алдындағы қандай да бір жауапкершілікті, азаматтықты сезіне бастайды ғой. Бақсақ, мұндай сезім барлық адамға тән емес сияқты. Өкінішке қарай, азат елдің азаматтығын айғақтайтын құжатсыз жүргендердің саны өткен сегіз айда 867-ге жетіп отыр.
Саясат • 01 Қазан, 2020
Мигранттар мәселесі оңтайлы шешілді
Жаһандық пандемия алқымнан алған кезде амалдың жоқтығынан біздің еліміздің де шекара есігін бекітуіне тура келді. Алайда, Қазақстан Азия мен Еуропаны жалғайтын негізгі транзиттік дәліз саналатындықтан шекара есігін мүлде шегелеп тастадық деуге тағы ауыз бармайды. Мысал ретінде еліміздің Сыртқы істер министрлігінің 243 мигрантқа транзиттік дәліз ұсыну мәселесінде Өзбекстан мен Тәжікстандағы әріптестерімен келісімге келгенін айтуға болады.
Саясат • 30 Қыркүйек, 2020
Берешекті қайтарудың берекесіз тәсілі
Қандай да бір қарыз алған соң қайтаруға асыққанға не жетсін. Алайда қаржылық жағдайы тығырыққа тіреліп, қайтарғысы келсе де қайтара алмай жүргендер аз емес. Әсіресе қарызды банктен алып, пайызға малтыққандар көп. Мұндайда қарыз беруші көбіне-көп коллекторлар мен жеке сот орындаушыларына жүгінетіні белгілі. Олар өз кезегінде берешекті өндіріп алу үшін барын салып бағады...
