Білім • 29 Қыркүйек, 2021
Еліміздің ең үздік ұстаздары бас қосты
Тобыл өңіріне Білім және ғылым министрі Асхат Аймағамбетов жұмыс сапарымен келді. Министр ең алдымен облыс әкімімен бірге Қостанайдағы Ыбырай Алтынсариннің ескерткішіне гүл шоқтарын қойып, ұлы ағартушының рухына тағзым етті. Қостанайда биыл Тәуелсіздіктің 30 жылдығымен қатар, Ыбырай Алтынсариннің 180 жылдығы да кеңінен аталып өтуде.
Руханият • 28 Қыркүйек, 2021
Көрнекті мемлекет және қоғам қайраткері Өзбекәлі Жәнібеков негізін қалаған «Торғай әуендері» фестивалі – осы өңірден түлеп ұшқан талай таланттың жолын ашып, үлкен өнерге жолдама берді. Өткен аптаның аяғында Арқалық айтулы фестивальдің елу жылдық белесін атап өтті. Торғай төрін екі күн бойы ән-күйге бөлеген мерекелік шара биыл бокситі бітіп, енді өңдеу өнеркәсібіне иек артқан қаланың 65 жылдығы мен ұлт аяулысы, тарихшы, этнограф Өзбекәлі Жәнібековтің 90 жылдығына арналды.
Аймақтар • 28 Қыркүйек, 2021
Заңсыз тексеріс үшін жазаға тартылады
Қостанай облысында бірнеше шенеунік кәсіпкерлерді заңсыз тексергені үшін заң алдында жауап беретін болды. Былтыр Мемлекет басшысы Қасым-Жомарт Тоқаевтың бастамасымен шағын және орта бизнес нысандарын тексеруге үш жылға дейін мораторий жарияланғанына қарамастан, Сарыкөл ауданының мемлекеттік қызметшілері сол өңірде қоқыс полигонын ұстайтын «Тазалық-Сарыкөл» серіктестігіне тексеріс жорығын жиілетіп жіберген.
Бизнес • 26 Қыркүйек, 2021
Шектеуде ширыққан шағын бизнес
Пандемия басталғалы шағын бизнестің де тынысы тарылып, бұған дейін өркендеп тұрған талай шағын кәсіпорындардың өндірісі тұралап, табысы ортайып қалғаны белгілі. Мемлекет басшысы Қасым-Жомарт Тоқаев биылғы Жолдауында бұл жағдайға ерекше тоқталып, күрделі кезеңнің қиындығын еңсеру үшін 700 мыңнан астам кәсіпкерге түрлі жеңілдіктер мен жаңа мүмкіндіктер берілгенін, бұл мақсаттағы мемлекеттік қолдау әлі де жалғасатынын айтты. Індетке қарсы карантин шаралары бірде қатайып, бірде жібіңкіреп тұрған елең-алаң кезеңге қарамастан, ел ішінде білек түріп бизнес ашып, шағын да болса кәсібін дөңгелетіп әкеткен азаматтар жүр. Шектеуде ширыққан талапты жандардың істеп жатқан тіршілігі көңілге мұз көбесін жарып шыққан жауқазындай жылу ұялатады.
Бизнес • 23 Қыркүйек, 2021
Кәсіпкерге жер бермей, жігерін құм қылады
Мемлекет басшысы Қасым-Жомарт Тоқаевтың Қазақстан халқына Жолдауында пандемия зардабы, әсіресе шағын және орта бизнеске ауыр тиіп отырғаны айтылды. Бүгінгідей күрделі кезеңде кәсіпкерлердің жұмысына кедергі келтіру мемлекетке қарсы жасалған ауыр қылмыс ретінде бағалануы керектігін ескерткен Президент: «Кәсіпкерлер шенеуніктер тарапынан заңсыз қысым көрсе, бірден прокуратура органдарына жүгінгені жөн», деді.
Аймақтар • 22 Қыркүйек, 2021
Тобыл өңіріне тропикалық көбелектердің жылжымалы экспозициясы келді. Климаты ылғалды, ыстық аймақтарды мекендейтін қанаттылардың үйшігі арнайы құрылғымен жабдықталған. Оны инсектариум деп атайды екен. Оның ішінде кәдімгі ет жаятын ағашқа ұқсайтын бамбук таяқшасында жұлдызқұрттар ілініп тұр. Бұл жерде көбелектің қалай пайда болатынын көре аласыз. Мәселен, біздің көз алдымызда бір жұлдызқұрт жыбыр ете қалып, қанатын жайды.
Аймақтар • 22 Қыркүйек, 2021
Қостанай облыстық мәслихатының кезектен тыс отырысында денсаулық сақтау саласын жас мамандармен толықтыру мәселесі қаралды. Аймақта медицина қызметкерлері жетіспейді. Облыстық мәслихат депутаттары бұл мәселенің оңтайлы шешілуі үшін биыл өңірге келетін жас мамандарға берілетін көтермеақы мөлшерін көбейту туралы шешім қабылдады.
Коронавирус • 20 Қыркүйек, 2021
Кәсіпорындарды тексеру басталды
Қостанайда кәсіпорын жұмысшыларының короновирусқа қарсы екпе алған-алмағанын тексеру басталады. Тексеру рейдтерін өткізу алгоритмі КВИ-дің таралуына жол бермеу жөніндегі салааралық комиссия отырысында мақұлданды.
Аймақтар • 17 Қыркүйек, 2021
Әлеуметтік желіде «Қостанай қаласындағы №7 мектептің оқушыларына ата-аналардың рұқсатынсыз вакцина егіліп, салдарынан 2 оқушы көз жұмды. Тағы үш бала жансақтау бөлімінде жатыр» деген жаманат хабар тарап кетті. Облыстық денсаулық сақтау басқармасы жұртты дүрліктірген бұл ақпараттың жалған екенін ресми түрде мәлімдеді.
Руханият • 16 Қыркүйек, 2021
Қостанайдағы Ыбырай Алтынсариннің мемориалдық мұражайында екі қызыл кірпіш сақтаулы тұр. Сөреге «Ыбырай Алтынсарин мектебінің іргетас кірпіші, 1884 ж. 2000 жылы Алтынсарин мектебінің түлегі, философия ғылымдарының кандидаты, А.Байтұрсынов атындағы ҚМУ профессоры Қалқаман Жақып табыс етті» деп жазылған. Алдыңғы буын зиялылар бұл кірпішті «Қалқаманның қызыл кірпіші» деп атап кеткен. Ұлы ағартушының көзіндей болған құнды жәдігердің бұлай аталуының да өзіндік сыры бар.
