Аймақтар • 24 Тамыз, 2021
«Қазақстанның 100 жаңа есімі» жобасы жеңімпаздарының өткен өмір өткелдері мен бағындырған биік белестеріне зер салып көрген адам табыстың табан астында келмейтініне көз жеткізе түседі. Бүгінде іргелі шаруашылықты басқарып, еліміздің экономикалық-әлеуметтік дамуына елеулі үлес қосып жүрген Инна Корнееваның тағдыры да қайыспас қайсар мінез бен табанды еңбектің қоспасынан өрілген.
Аймақтар • 22 Тамыз, 2021
Жұртты дүрліктірген жұлдызқұрт
Қостанай облысында жұлдызқұрт көбейіп кетті. Дами келе көбелекке айналатын бұл зиянкестер ауыл шаруашылығы алқаптары мен үй аулаларындағы бау-бақшаларды жұмсақ жапырақсыз қалдырып, жолында кездескен өсімдіктің бәрін талғамай жайпап өте шығады екен. Мамандардың айтуынша, тіпті бір түнде бүтін бір күнбағыс не зығыр алқабын дақылсыз қалдыруы мүмкін. Көбелек жұлдызқұрттарының үлкен көші Ресейден шығып, Қостанай облысы арқылы Батыс Қазақстанға бет алып барады екен.
Коронавирус • 20 Тамыз, 2021
«Вакцина қабылда!» акциясы басталды
Қостанайға Қытайдың Sinofarm компаниясы шығарған Vero Cell вакцинасының 43 мың дозасы жеткізілді. Облыстық денсаулық сақтау басқармасының мәліметінше, қазір жаңа әкелінген вакцина өңірдегі екпе пункттеріне таратылып жатыр.
Аймақтар • 20 Тамыз, 2021
Қостанайдағы УК-161/1 түзеу мекемесінде интернет-дүкен ашылды. Облыстық қылмыстық атқару жүйесі департаментінің мәліметінше, мұнда отырғандардың туыстары енді азық-түлік, гигиеналық заттар және темір тордың арғы жағына өткізуге рұқсат етілетін басқа да тауарларға тиімді бағамен интернет арқылы тапсырыс бере алады.
Өнер • 19 Тамыз, 2021
Қостанай облыстық тарихи-өлкетану музейінің бейнелеу өнері бөлімінде өңірге белгілі суретші Александр Захарченковтың «Акварель бояуының болмысы» атты көрмесі ашылды. Көрме жұмысы барысында суретші А.И.Никифоров атындағы көркемсурет мектебінің шәкірттері мен бейнелеу өнеріне қызығушылығы бар бірнеше ересек адамға арнап шеберлік сыныбын өткізді.
Қоғам • 19 Тамыз, 2021
Жалған мониторингтік топтар пайда болды
Қостанай облысында жергілікті әкімдіктің атын жамылып бизнес нысандарды аралап жүрген жалған тексерушілер пайда бола бастады. Олар карантин талаптарын бұздың деген желеумен кәсіпкерлерді қорқытып, өздерінің бұл заңсыздыққа көз жұма қарағаны үшін олардан ақшалай сыйақы талап етеді екен.
Экология • 18 Тамыз, 2021
Қазақстанда соңғы онжылдық ішінде дала қырандары күрт азайып барады. Қатары жыл санап сиреп бара жатқан қанатты жыртқыштардың бұл түрін орнитолог мамандар да ерекше қамқорлыққа ала бастады. Мәселен, шілде айында Қазақстан биоалуантүрлілікті сақтау қауымдастығының қызметкерлері Қостанай және Ақтөбе облыстарының оңтүстігіне дала қырандарына арналған 71 жасанды ұя орнатқан.
Тарих • 17 Тамыз, 2021
Түркияда оқыған «қазақ жолдастар» кімдер?
Таяуда Қостанай облыстық архивін ақтарып отырып, мынадай бір қызық дерекке тап болдық. Торғай уездік большевиктер комитетінің 1922 жылғы құжаттарының ішінде Мұса Ахмедов деген кісінің арызы мен қысқаша өмірбаяны сақталып қалыпты. Арыз иесі өзін РКП(б) қатарына алу туралы өтініш білдіреді. Мұндай өтінішті бір емес, бірнеше рет жазған.
Коронавирус • 15 Тамыз, 2021
Қостанай облысында мейрамханаларға түнгі 2.00-ге дейін жұмыс істеуге рұқсат етілді. Ал қоғамдық көліктер демалыс күндері де жүре беретін болды. Өңірдің эпидемиялық ахуалы әлі де мәз емес, жедел штабтың мәліметіне сүйенсек, соңғы тәуліктің ішінде аймақта COVID-19 жұқтырған 264 науқас анықталып отыр. Соған қарамастан, облыстың бас санитарлық дәрігерінің орынбасары Владимир Нечитайло бұрынғы қаулыға карантин талаптарын жеңілдету туралы бірқатар өзгерту енгізді. Бұл өзгерістер пандемия басталғалы кәсібі тұралап қалған бизнес нысандардың қайта жандануына жол ашып отыр.
Коронавирус • 13 Тамыз, 2021
Қостанай облысында Ashyq жүйесінің көмегімен қоғамдық орындарда, көпшілік ортада еркін қыдырып жүрген «қызыл» мәртебелі – 175, «сары» мәртебелі 146 адам анықталды. Олардың ішінде Лисаков, Рудный, Қостанай қалаларының, сондай-ақ Қостанай және Алтынсарин аудандарының тұрғындары бар екені анықталып отыр.
