Қоғам • 10 Тамыз, 2023
Қаламгер мұрасын насихаттаған оқушылар
Жетісу төрінде Қытай қазақтары арасынан шыққан, айтыс өнерінің дамуына зор үлес қосқан қаламгер Андас Омарақын оқулары өтті. Былтыр Андас әулеті ел ішінде «Үлгілі отбасы» атанған. Содан бері оқушылардың білімін шыңдап, газетке жаздырып әрі әдеби танымын кеңейтіп келеді. Оған осы іс-шара тағы бір дәлел.
Білім • 10 Тамыз, 2023
Жетісуда білім саласы ақсап тұр
Әне-міне оқу жылы басталады. Ал Жетісу облысы әлі етек-жеңін жинай алар емес. Білім көрсеткіші қағазда жоғары болғанымен, түлектер мемлекеттік тест кезінде төмен нәтиже көрсеткен. Шалғай ауылдардағы интернет желісі сын көтермейді. 81 білім шаңырағында ыстық тамақ ұйымдастырылмаған. Ал жөндеу жұмысы аяқталмаған мектептер халықты әбігерге салып отыр.
Еңбек • 08 Тамыз, 2023
Еңбек адамына анықтама беріп көрейікші? Біздіңше, еңбек адамы дегеніміз – ерінбеген адам. Мемлекетке алақан жаймай-ақ, өзінің идеясымен шағын кәсіп бастап, өзге де адамдардың басын біріктіріп, бір мақсат аясында жұмылдыра алған тұлға. Демек кез келген азамат қолынан келетін істі қорықпай бірінші бастаған жан. Ал Жетісуда – мұндай еңбек адамдары көп.
Қоғам • 08 Тамыз, 2023
Жауын жауып, лай көшсе, Жетісу жолдары балмұздақтай еритінін ел көріп жүр. Әсіресе Кербұлақ ауданына қарасты үлкен тасжолдың тағдыры көпті алаңдатып қойды. Мәселен, Сарыөзек – Көктал бағытында жүк көлігі асудан тоқтай алмай, тұрғындар зардап шеккен. Талай жылдан бері жаркенттіктер Талдықорғандағы перзентханаға Алматыны айналып келіп жүр. Жаңадан төселген қара жолдың өзі сын көтермейді.
Аймақтар • 08 Тамыз, 2023
Жаздың соңғы айы да жылыстап барады. Бұл мезетті естен кетпестей етіп өткізгенге не жетсін?..
Медицина • 02 Тамыз, 2023
Қиын-қыстау заманда жетісулықтар корей халқын бауырына басса, бүгінде олар медицина саласында отандық дәрігерлермен тәжірибесін бөлісіп келеді. Бұл игілікті іс Жетісу жерінде жылда қайталанып, тұрғындар үшін үлкен көмек болып отыр. Осы ретте Оңтүстік Корея мамандары Талдықорғанға келіп, 33 операция жасады.
Туризм • 02 Тамыз, 2023
Сауалды осылай қойғанымыз дұрыс шығар, өйткені сұлу сарқыраманы көрмеген кісі оның тарихи келбетінен бейхабар болары анық. Шетелдің қолмен бояп қойған кішігірім өзен-көлін жыр қылудың қажеті жоқ, жол түссе, Жетісуға тартыңыз. Табиғаттың тағы бір таңғажайып тартуы сізді қарсы алады. Бұл – аты аңызға айналған Бұрқанбұлақ.
Мәдениет • 31 Шілде, 2023
Біз де «Алтынаймен» бірге арман қуғанбыз. Жете алдық па, жете алмадық па, білмедім, бірақ осы әуеннің ырғағында балауса күніміз бен сәби сезіміміздің силуэті бар. Әннің риясыз достықты насихаттайтынын ол кезде бағамдай алмадық. Бірақ құдды жауапсыз махаббаттың құпиялы сөзі секілді естілетін. Тіпті осы өлең мен жақсы көрген сыныптағы ең сұлу қыз Алтынайға арналғандай көрінетін-ді.
Қоғам • 31 Шілде, 2023
Батыр мұрасы архивке табысталды
Батырдың ерлігі баршаға үлгі. Осы мақсатта Астана қаласының мемлекеттік архиві және Қолжазбалар және сирек кітаптар ұлттық орталығының ұйымдастырумен Кеңес Одағының Батыры, ақын-жырау, соғыс ардагері Ғабдолла Мәмбетовтің мұрасы архив қорына табысталды.
Қоғам • 30 Шілде, 2023
Мақаланың маңдайына жазғандай әңгіме Алексей жайлы. Дәл қазір біз үшін бұл Алексейдің басқа «алексейлерден» бағасы биік болып тұр. Иә, мәселе – оның сөзінде… Ол неге таза қазақша сөйлейді? Не себепті қазақ мектебіне барады? Мемлекеттік тілді білмегендерді мәңгүрт санайды. Оқушыға бұл сындарлы ой қайдан келді, мақсаты не? Біз бүгін соны айтамыз.
