Спорт • 25 Қыркүйек, 2023
Азия ойындарының екінші күнінде Қазақстан қоржынына тағы үш қола медаль түсті. Бұл күні Ханчжоу төріне көтерілетін спортшылардың арасында алтынға лайықты басты фавориттер болмағанымен, медаль алады-ау деген спортшыларымызға жанкүйер болдық.
Спорт • 24 Қыркүйек, 2023
ХІХ Азия ойындары ресми түрде ашылды
Бұрнағы күні Қытайдың Ханчжоу қаласында Азия ойындарының алауы ресми түрде тұтанды. 45 мемлекеттен келген 12 мыңнан астам спортшы енді 15 күн бойы өзара мықтыны анықтайды.
Спорт • 22 Қыркүйек, 2023
Кеше Қытайдың Ханчжоу қаласындағы Атлетикалық ауылда еліміздің Мемлекеттік туы салтанатты түрде көтерілді. Көк туды көтеру салтанатына ел құрамасының спортшылары мен спорт саласын басқарушы мамандар қатысты. Іс-шара барысында бес мемлекеттің – Қазақстан, Бутан, Ирак, Оман, Бахрейн тулары көтеріліп, әнұрандары шырқалды. Ресми іс-шарада біздің құрама қыз-жігіттерінің қатары өзге елдің спортшыларынан анағұрлым көп болды. Ел делегациясын Ұлттық Олимпиада комитеті Спорт департаментінің директоры Елсияр Қанағатов, комитеттің бас хатшысы Андрей Крюков, Туризм және спорт министрлігі Спорт және дене шынықтыру істері комитеті төрағасының орынбасары Айгүл Бектенова, бокстан ұлттық құраманың бас бапкері Мырзағали Айтжанов, регбиден ұлттық құраманың бас жаттықтырушысы Анна Яковлева, бокстан әлем чемпиондары – Асланбек Шымбергенов, Сәкен Бибосынов, Махмұт Сабырхан бастап шықты.
Футбол • 07 Қыркүйек, 2023
Отыз мың жанкүйердің өкініші. Қазақстан Финляндия құрамасынан 0:1 есебімен жеңілді
Футболдан 2024 жылғы Еуропа чемпионатына іріктеу аясында Қазақстан құрама командасы Финляндия командасымен кездесіп, 0:1 есебімен жеңіліс тапты.
Спорт • 06 Мамыр, 2023
Әлем чемпионаты: 13 салмақта - 20 қазақ боксшысы
Бүгінде бокссүйер қауымның назары Ташкент шаһарына ауған. Өзбек елінің астанасында төрткүл дүниенің боксшылары қатысқан әлем чемпионаты өтіп жатыр. 107 елдің 538 боксшысы қатарында 13 салмақ дәрежесі бойынша өнер көрсететін қазақ оғландары да бар. Әзірге екі боксшымыз жарыс жолынан шығып қалды. Бірақ бұл – бөлек әңгіме. Біздің бүгінгі айтпағымыз басқа. Кезінде Төле би төрелік айтқан шаһар төрінде бес елдің атынан әлемдік додаға жеті қазақ оғланы қатысып жатыр. 13 салмақта – 20 қазақ боксшысы. Тұңғыш рет. Тарихи сәт.Бейжің Олимпиадасында Бақыт Сәрсекбаев пен Қанат Исламның жеңіс тұғырында қатар тұрғаны рухымыздың айрықша асқақтатып еді. Енді міне, шетелде жүрген қандастарымыз да оза шауып, жаһандық додаға қатысып жатыр. Ендеше, тарихи сәттің кейіпкерлерін «Egemen Qazaqstan»-ның жақынырақ таныстырғанын жөн көрдік.
TOKYO2020 • 04 Тамыз, 2021
Қыздар күресінен ел намысын қорғаған Эльмира Сыздықова бірінші айналымда қырғыз балуанына еш қарсылық көрсете алмады. Осылайша, Рио Олимпиадасының қола жүлдесіне қол жеткізген жерлесіміз Күншығыс елінен жүлдесіз қайтты. Қазақстан Президенті жанындағы Орталық коммуникациялар қызметі алаңында Нұр-Сұлтан мен Токио арасында тікелей бейнеконференция байланысы арқылы брифинг өтті. Оған Спорт және денешынықтыру комитетінің төрағасы Серік Сәпиев, Грек-рим, еркін күрес және әйелдер күресі федерациясының вице-президенті Гүзель Манюрова қатысты.
Спорт • 03 Тамыз, 2021
Қамшыбек Қоңқабаев: Бар күшімді келесі жекпе-жекке жұмсаймын
Газет оқырмандары бұл күнде бокстан Қазақстан командасының капитаны Қамшыбек Қоңқабаевтың Токио Олимпиадасында жартылай финалға шыққанынан хабардар. Қамшыбек енді жартылай финалда америкалық Ричард Торреспен кездеседі.
Спорт • 03 Тамыз, 2021
Енді еркін күреске елеңдейміз...
Еркін күрестен Әсет Серікбаев баптайтын Қазақстан құрамасының балуандары 4 тамызда Олимпия ойындарындағы алғашқы белдесулерін бастайды. 2016 жылы Рио-де-Жанейрода өткен Олимпиадада еркін күрес балуандары алты салмақтың бесеуінде жолдама алып тұрып, бірде-бір балуанымыз жүлде алмай қайтқан еді. Биыл да еркін күрес шеберлері бес салмақта белдеседі. Нәтижесі қалай болар екен?
Спорт • 02 Тамыз, 2021
Нұрлан АҚҮРПЕКОВ, Әбілхан Аманқұлдың жеке бапкері: Жанкүйерлерден кешірім сұраймын
Бокстан Қазақстан командасының мүшесі Әбілхан Аманқұлдың жеке бапкері Нұрлан Ақүрпеков шәкіртінің жеңілісінен соң шағын сұхбат беріп, жанкүйерлерден кешірім сұрады.
Спорт • 28 Шілде, 2021
Жеңіске сан емес, сапа жетелейді
Гәп санда емес, сапада екеніне Токио төрінде әбден көзіміз жетті. Екі миллионға жетер-жетпес халқы бар Косовоның спортшылары төрт күннің ішінде Олимпиаданың 2 алтын медалін алып, елінің әнұранын асқақтата шырқатты. Ал бар болғаны 9 спортшымен Олимпиада қалашығына ат басын тіреген түрікмендік спортшылардың ішінен зілтемірші Полина Гурьева күміс медаль иеленді. Ал 90-нан аса спортшымен Токиоға барған Қазақстанның еншісінде 3 қола ғана бар...
