Экономика • 08 Тамыз, 2022
Консорциум мүмкіндігі тағы төмендеді
Біраз уақыт тынышталғандай көрінген КТК қаупі қайта бас көтерді. КТК деп отырғанымыз – мұнай экспорттаудағы біздің басты маршрутымыз болып саналатын Каспий құбыр консорциумы. Бұл құбыр жыл басынан бері бірнеше рет істен шықты. Бірінде – дауыл, бірінде – мина іздеу, ал бірінде жөндеу жұмыстары себеп болғанымен, сарапшылар соның бәрінде саяси мүдде басым екенін айтады. Консорциумның мұнай тиеу мүмкіндігі тағы төмендеді.
Қаржы • 08 Тамыз, 2022
Қазақстан нарықтық экономикалы ел дегенімен, мемлекет бәрібір баға саясатына араласуға мәжбүр. Жақында мемлекет әлеуметтік маңызы бар азық-түлік тауарларына (ӘМАТ) бөлшек сауда бағаларын бақылауды енгізді. Оның мақсаты – әділ және болжамды баға белгілеуді қамтамасыз ету.
Қазақстан • 07 Тамыз, 2022
Жол сапасы туралы айтыла бастаса зар илейміз. Елімізде жалпы ұзындығы 96 мың шақырым болатын автожол бар. Соның 24 мыңы – республикалық, 71 мыңы жергілікті маңызға ие. Бірақ қай өңірдің жолы туралы айтсаң да қолыңа ілінер ілік көп. Өңірлер арасын жалғайтын жолдарды былай қойғанда, алақандай қала ішіндегі жолдардың өзі жыл сайын сүріліп, жыл сайын төселіп жатады. Егер көлік бөлшектері базарында сеңдей соғылысып бөлшек іздеген жүргізушілерді көрсеңіз, онда оның көлігінің бұзылу себебінде Қазақстан жолдарының үлесі аса мол деп білгейсіз.
Қазақстан • 03 Тамыз, 2022
«Майшелпегінен» қағылған майнерлер заңды нарыққа шыға бастады
Бірер жыл бұрын ғана майнинг біз үшін бөгде ұғым еді және онымен айналысушылардың «қара нарықты» қыздырып жатқанын ептеп түсінуші едік. Қытай қысымынан кейін Қазақстанды паналаған майнерлер біздің электр энергиямызды пайдаланып, миллиондаған биткоин өндіруге көшкен-ді. Тіпті бір облыстың жылдық энергиясын жағып жібергендері де кездескен. Майдан қыл суырғандай етіп мемлекет олардың біразын тапты, жапты. Ресми дерек бойынша қазір ел аумағында 330 ұйым майнингпен ресми түрде айналысады.
Қаржы • 03 Тамыз, 2022
Депозит бойынша мөлшерлемелер көтеріледі
Қазақстанның депозиттерге кепілдік беру қоры 2022 жылдың қыркүйегіне теңгедегі депозиттер бойынша ұсынылатын ең жоғары мөлшерлемелерді бекітті. Жеке тұлғалардың ұлттық валютадағы депозиттерінің барлық түрі бойынша ең жоғары мөлшерлемелер өзгеріссіз қалды және тамыз айындағы мәндер деңгейінде сақталған.
Қаржы • 03 Тамыз, 2022
Бірыңғай жинақтаушы зейнетақы қорының зейнетақы активі бойынша есептелген инвестициялық табысы 352 млрд теңгені құрайды. Жалпы, 2022 жылдың 1 шілдесіндегі жағдай бойынша азаматтардың БЖЗҚ-дағы жинағының көлемі 13,4 трлн теңгеге жеткен. Бұл өткен жылдың сәйкес кезеңімен салыстырғанда 4,8 пайызға көп.
Қаржы • 02 Тамыз, 2022
Ірі компания акцияларын қалай сатып алуға болады?
Қазақстанның қор нарығы биыл қыз-қыз қайнайын деп тұр. Еліміздегі аса ірі ұлттық компаниялардың бірі «ҚазМұнайГаз» АҚ акциялары IPO-ға шығарылмақ. Яғни акцияны қарапайым азаматтар да иеленіп, жыл сайын дивиденд алып отыра алады. IPO «акцияларды бастапқы жария орналастыру» деп тәржімаланады. Бұл кездегі акция құны қолжетімді болады және осы арқылы компаниялардың да ел алдындағы жауапкершілігін ұштай түсу көзделеді.
Экономика • 01 Тамыз, 2022
Осыдан біраз уақыт бұрын «Атамекен» ҰКП Төралқасы жанындағы Агроөнеркәсіп кешені комитетінің төрағасы Жигули Дайрабаев Агробанк құру арқылы фермерлердің қолайлы несие алуына жағдай жасау жөнінде ұсыныс айтқан еді. Бірақ бұл ұсыныс кезінде Үкімет тарапынан да, қаржы секторын бақылаушы органдар тарапынан да қолдау таппаған болатын. Жақында Ж.Дайрабаев тағы бір бұйымтайдың шетін шығарып, «ӨКМ операторы» қаржысы есебінен 50 млрд теңге қаржыландыру көлемінде ауыл шаруашылығы техникаларын жеңілдетілген лизингпен беру бағдарламасын іске қосу жөнінде Мемлекет басшысына тікелей өтініш білдірді.
Экономика • 31 Шілде, 2022
Шетелдік ірі компаниялардың қызығушылығы артып келеді
Пандемия салқыны тимеген сала жоқ, вирус таралуынан ірі компаниялардың да жұмыс жүйесі бұзылды және ол табыс бөлігіне де елеулі әсер етті. Қазақстан нарығында қызмет етіп жатқан ірі компания өкілдері жақын күндерден жағымды өзгеріс күте қоймайды. Басылды деген пандемия қайта күш алды, ал Ресей мен Украина арасындағы қақтығыс күн санап өршіп бара жатыр.
Қаржы • 31 Шілде, 2022
Бума-бума рубльден құтыла аламыз ба?
Үкіметтің «Қазақстан Республикасының қаржылық тұрақтылығын қамтамасыз етудің кейбір мәселелері туралы» қаулысы бойынша, екінші деңгейлі банктердің 31 тамызға дейін ел аумағынан қолма-қол рубль ақшасын шығаруына рұқсат берілді. Бұған дейін Ұлттық банк отандық банктерде ішкі валюта нарығының сұранысынан асып түсерліктей деңгейде рубльдің жиналып қалғанын мәлімдеген еді.
