Энергетика • 24 Қаңтар, 2024
2024 жыл: Қандай энергетикалық бастама жүзеге асады?
Еліміздің Орталық Азиядағы ресурсқа аса бай ел екені белгілі. Бірақ байлық бар да, оны тиімді пайдалану бар. Бізде осы екінші мәселе қатты ақсап тұр. Әрі кейінгі бірнеше жыл бедерінде төмен көміртекті дамуға көшудің тұрақтылығы мен жаһандық трендіне баса назар аудару күн тәртібінің алдыңғы шебіне шықты. Сондықтан еліміз энергетикалық тұрғыда тағдыршешті кезеңге де келіп жетті деуге болады. Содан болар мемлекет энергиямен жабдықтаудың қауіпсіздігі мен сенімділігін қамтамасыз етуге бағытталған бастамаларды жүзеге асыруға ниетті.
Қазақстан • 23 Қаңтар, 2024
«Эйр Астана» әуе компаниясы биыл IPO-ға шығатынын мәлімдеді. IPO, яғни компания акцияларын бастапқы жария орналастыру үдерісі Лондон биржасында (LSE,) Астана халықаралық биржасында (AIX) және Қазақстан қор биржасында (KASE) жүзеге асырылмақ. Жұмыс қаңтардың соңында басталады деп күтіліп отыр. Ұсынысқа қазіргі акционерлер BAE Systems Limited (акциялардың 49 пайызы) және «Самұрық-Қазынаның» (акциялардың 51 пайызы) үлесі кіреді. Сонымен қатар 120 млн доллардың қағазы сатылымға шығарылады.
Экономика • 22 Қаңтар, 2024
Ақша-несие саясатындағы өзгеріс
Ұлттық банк базалық пайыздық мөлшерлемені осымен қатарынан төртінші рет төмендетіп, ақша-несие саясатын жұмсартуға ниетті екенін аңғартқандай. Мөлшерлеме 15,75 пайыздан 15,25 пайызға түсірілді. 2022 жылдан басталған 16,75 пайыз деңгейіндегі қатаң мөлшерлеме 8 ай бойы салтанат құрды. Оның дәуірі 2023 жылдың тамызында тәмам болып, 16,50 пайызға төмендетілді. Одан кейінгі, қазандағы отырыста мөлшерлеме 16,00 болып бекітілді. Қарашада 15,75 пайызға төмендету туралы шешім қабылданды. Енді міне, тағы да төмендетілгелі отыр.
Әлем • 18 Қаңтар, 2024
Ресей мұнайы және санкция салқыны
Ресей мұнайы төмпештеген сайын төбеге ұмтылатын доп секілді. Санкция салынған сайын еңсесі көтеріле түскендей. Әрине, баяғы еуропалық тұтынушылардың қарасы күрт сиреді. Оның есесіне Азияның өзінен-ақ алпауыт импорттаушылар табылып отыр. Әрі-беріден соң Азияға жатпайтын кейбір елдердің өзі арзан орыс мұнайын сатып алғанды қолай көреді. Санкт-Петербург тауар-шикізат биржасының мәліметтері бойынша ресейлік мұнай бағасын бақылау нәтижелеріне сүйене отырып, орыс «қарамайына» шекті баға түріндегі санкциялар 2023 жылдың қарашасына дейін тиімсіз болды деп тұжыруға болады.
Форум • 18 Қаңтар, 2024
Давос форумы: Жаһан экономикасы еңсе тіктей ме?
XX ғасырдың 70-жылдары неміс экономисі Клаус Шваб негізін қалаған Дүниежүзілік экономикалық форум осы аптада кезекті жұмысын бастады. Форум жаһандық проблемалардың шешімін табу мақсатында мемлекет пен жеке сектордың күш біріктіруін мақсат тұтады. Форум ұдайы Давоста өтіп келеді және осы жолы да дәстүрінен айныған жоқ. Биыл жетекші саясаткер, ғалым, экономист, сарапшы мамандар жасанды интеллект, әскери қақтығыс пен соғыс, климаттың өзгеруі және жұмыссыздық проблемаларын талқылайды.
Сараптама • 17 Қаңтар, 2024
Орталық Азия табиғи апаттарға дайын емес
Дүниежүзілік банк сарапшылары Орталық Азия (ОА) елдері табиғи апат тәуекелдерін қаржыландыру үшін мемлекет-жекеменшік серіктестікті дамытуға тиіс деп санайды.
Қаржы • 16 Қаңтар, 2024
Елімізде ақша аудару жүйесі (ААЖ) арқылы халықаралық ақша аударымдарының көлемі айтарлықтай қысқарды. 2023 жылдың қаңтар-қазанында ААЖ арқылы шетелге жіберілген қаражат көлемі 806,9 млрд теңгені құрады, бұл былтырғы сәйкес кезеңдегіден 7,2 пайызға аз.
Қаржы • 16 Қаңтар, 2024
Таяуда Қазақстан қаржыгерлер қауымдастығы 2023-2024 жылдардағы Қазақстан мен әлем экономикасына қатысты даму қорытындылары мен болжамдарын ұсынды.
Депозит • 15 Қаңтар, 2024
Ұлттық қор: Әр балаға – 300 доллардан
Қаржы министрлігі 2024 жылдың 1 қаңтарындағы жағдай бойынша Ұлттық қордың түсімдері және оны пайдалану туралы есепті жариялады. 2023 жылы қорға 6,41 трлн теңге түскен, оның 4,56 триллионы – мұнай секторынан тікелей түскен табыс. 1,82 трлн теңге – инвестициялық кіріс. 4,07 трлн теңге трансферт есебінде пайдаланылған.
Қаржы • 15 Қаңтар, 2024
Шетел валютасына сұраныс төмендеді
Ел тұрғындары арасында доллар мен еуроны таза сату былтырмен салыстырғанда төмендеген. 2023 жылдың қаңтар-қарашасында доллардың таза сатылымы 1,55 трлн теңгені құрады, бұл 2022 жылдың сәйкес кезеңімен салыстырғанда 3,2 пайызға аз. Еуро көрсеткіші бір жылда 27,7 пайызға, 201,96 млрд теңгеге дейін төмендеді.