Қоғам • 08 Қыркүйек, 2022
Өндірісті өңірде жазатайым жарақат алу фактілері тыйылмай тұр. Жыл басынан өндірістік жарақат бойынша 67 оқиға тіркелсе, 2 адам алған жарақатының салдарынан оқиға орнында көз жұмған. Қайғылы жағдайдың екеуі де энергетика саласындағы алпауыт компанияларда орын алды.
Аймақтар • 08 Қыркүйек, 2022
Жетістікке жетелейтін жетпіс жоба
Павлодар облысында жетпіске жуық инвестжоба жүзеге асырылуда. Биылғы алғашқы жеті айдың қорытындысы бойынша экономиканың негізгі салаларында өсудің оң динамикасы байқалады. Ауыл шаруашылығы – 2,5, құрылыс – 8, баспана құрылысы – 16,6, инвестиция тарту 7,5 пайызға өскен. Соңғы көрсеткіш бойынша облыс елімізде көш бастап келеді.
Аймақтар • 08 Қыркүйек, 2022
Қостанайдағы табиғи апаттан зардап шеккен жұртқа павлодарлықтар да елдің алды болып жәрдемдесуде. Жерлестеріміз гуманитарлық көмек жіберуді соңғы екі күнде барынша еселеді. Жергілікті халықтан жиналған азық-түлік пен түрлі керек-жарақтарды, құрылыс материалдарын еріктілер мен азаматтар екі жүк машинасына тиеп жөнелтті.
Білім • 07 Қыркүйек, 2022
Павлодар облысындағы қос бірдей ауылдық мектептің оқушылары Мәдениет үйі мен бастауышқа арналған аядай ғана ғимаратта білім алуға мәжбүр болып отыр. Оқу нысандары күрделі жөнделіп жатқанына байланысты жергілікті білім бөлімдері осындай шешім қабылдаған. Сондай-ақ Павлодар, Екібастұз, Ақсу қалалары мен Ақтоғай, Баянауыл, Ертіс, Успен, Павлодар және Аққулы аудандарында жалпы саны 17 мектепте жөндеу жұмыстары әлі күнге аяқталмаған. Өңірдің білім беру басқармасы жөндеуді мерзімінде аяқтай алмаған мердігерлер бойынша сотқа 10 талап арыз беріпті. Тағы 12-сі дайындалу үстінде.
Аймақтар • 06 Қыркүйек, 2022
Павлодарда футбол бапкері суға батып кетті
Қайғылы оқиға Кенжекөл ауылы маңындағы резиденцияның жанында болған, деп хабарлайды Egemen.kz.
Аймақтар • 05 Қыркүйек, 2022
Айтыс өтті Ертіс бойын дүбірлетіп...
Ашық аспан астындағы Ertis Promenade сахнасында республикалық ақындар айтысы өтті. От ауызды, орақ тілді сөз сүлейлері жергілікті жұрттың шөлін қандырып, рухани кеш сыйлап қана қойған жоқ, дода соңында алған жүлделерін толығымен Қостанайдағы алапат өрттен зардап шеккен ағайындарымызға аударды.
Экономика • 04 Қыркүйек, 2022
Транзиттік көліктер дизель отынын құйып әкетуде
Өңірдегі жанармай құю стансалары (ЖҚС) өкілдерінің айтуынша, бүгінде ішкі нарықта дизель отынына шамадан тыс жоғары сұраныс байқалады. Ресей, Өзбекстан және Қырғызстанмен шекаралас аймақтарда трактор отынына сұраныс артып кеткен. Сұраныстың еселенуінен Қазақстанда жанар-жағармайды тұтыну көлемі өсуде. Бұл мәселе аталған мемлекеттерден транзитпен өтетін ауыр жүк көліктерінің дизельді көп мөлшерде құйып әкетуі салдарынан туындап отыр. Контрабандалық жолмен шығару фактілері де аз емес.
Қоғам • 02 Қыркүйек, 2022
Өтеусіз грант – өркендеуге жолдама
Жаңадан бизнес бастаған азаматтарды және жас кәсіпкерлерді қолдау мақсатында облыста қайтарымсыз грант беру ісі жалғаспақ. Шағын және орта кәсіпкерлікті қолтығынан демеуде соңғы екі жылда бұл ұлттық жобаға жетері жоқ. Осы уақытқа дейін өңірде жалпы саны 28 азаматтың әрқайсысы 5 млн теңгеден алған.
Қоғам • 02 Қыркүйек, 2022
Түрікменстаннан Керекуге көш келді. Он бір отбасыдан тұратын қандастарымыз Ертіс-Баян өңіріне аман-есен жетіп, осында тұрақтап қалудың қамына кірісті. Атажұртын аңсап жеткен ағайынды жергілікті жұртшылық пойыздан салтанатпен қарсы алып, құрмет-қошеметін көрсетіп, дәм-тұзын ұсынды.
Ахмет Байтұрсынұлы • 31 Тамыз, 2022
Құран деп сақтап жүргені А.Байтұрсынұлының «Маса» кітабы болып шықты
Керекуде ұлт ұстазы Ахмет Байтұрсынұлының «Маса» кітабының түпнұсқасы табылды. Төте жазумен теріліп басылған көне кітапты жуықта Аққулы ауданының тұрғыны Бұқар жырау атындағы облыстық әдебиет және өнер музейіне әкеліп тапсырған екен. Жәдігердің парақтары әбден сарғайғаны болмаса, жазулары айқын көрінеді. Жергілікті тарихшылар әзірше оның қай жылы шыққанын тап басып айта алмай отыр.
