Күрес • 02 Шілде, 2018
Ержан Шынкеев – «Қазақстан барысы»
Кеше Астанадағы «Барыс Арена» мұз айдыны сарайында Қазақстан Республикасының Тұңғыш Президенті Нұрсұлтан Назарбаевтың жүлдесі үшін қазақ күресінен VIIІ «Қазақстан барысы» турнирі өтті. Еңселі елордамыздың 20 жылдық мерейтойына орайластырылып өткен биылғы додада еліміздің ең мықты деген 37 балуаны бақ сынады.
Өнер • 02 Шілде, 2018
«Адамзаттың Айтматовы» атанған алып тұлғаның 90 жылдық мерейтойы бүгінде еліміздің әрбір өңірінде аталып өтуде. Ал жазушының өмірінде Жамбыл жерінің орны бөлек. Шыңғыс Айтматов кезінде Жамбыл қаласындағы Луговой мал дәрігерлік техникумында білім алған. Сонымен қатар заңғар тұлға Әулиеата өлкесін әрдайым құрмет тұтатынын шығармаларында да жазған. Осы орайда жамбылдықтар да әйгілі жазушының мерейтойын лайықты деңгейде атап өтті.
Қазақстан • 02 Шілде, 2018
Автоматтандырылған қызмет саны артуда
Орталық коммуникациялар қызметінде «Бәйтерек» ұлттық басқарушы холдингі» АҚ басқарма төрағасының орынбасары Әнуар Омарқожаевтың қатысуымен «Қазақстан Республикасының Президенті Н.Ә.Назарбаевтың «Төртінші өнеркәсіптік революция жағдайындағы дамудың жаңа мүмкіндіктері» атты Жолдауын іске асыру шеңберінде «Бір терезе» қағидасын қолдану арқылы бизнесті мемлекеттік қолдау үдерістерін цифрландыру барысы» тақырыбында баспасөз мәслихаты өтті.
Білім • 02 Шілде, 2018
Ұлттық бірыңғай тестілеуді қорытындылады
Орталық коммуникациялар қызметінде ұлттық бірыңғай тестілеу қорытындысына арналған баспасөз мәслихаты өтті. Жиынға қатысқан «Ұлттық тестілеу орталығы» РМҚК директоры Рамазан Әлімқұлов ҰБТ қалыпты және штаттық режімде өткенін мәлімдеді.
Аймақтар • 02 Шілде, 2018
Жамбылда жиырма жаңа нысан ашылды
Бүгінгі таңда тәуелсіз еліміздің айнасы болған Астана қаласына 20 жыл толып отыр. Әлемдік деңгейдегі алып шаһар жалпы жаһанға еліміздің бейбітсүйгіштігін, достыққа беріктігін, татулықты ту еткен мемлекет екенін әйгіледі. Елбасы Нұрсұлтан Назарбаевтың салиқалы саясаты шеңберінде күн санап қарыштап дамыған айбынды Астана бұл күнде қазақ ұлысының ғана емес, жалпы түркі халықтарының ортақ шаңырағына айналды. Әлемге сәт санап дамудың даңғыл жолына түскен еліміздің бүгінгі асқақ болмысын танытты. Бас қаланың мерейтойына орай елімізде кең көлемде түрлі шаралар ұйымдастырылып, әрбір өңір елорданың еңселене түсуіне үлес қосуда. Бұл орайда жамбылдықтар өңірде «20 жылдыққа – 20 нысан» акциясын ұйымдастырып, Астана қаласының мерейлі мерейтойына ерекше тарту жасады.
Өнер • 02 Шілде, 2018
Даланың рухы мен бабаның ғұрпын бедерлеген шебер
Қазақы болмыстың қайнарынан қанып ішкен әр шаңырақтың төрінде ілулі тұратын домбыра ұлттық мұрамызды ұлықтаған құрал ғана емес, ұлтымыздың жаны дерсің. Бабаның көзіндей, қазақтың өзіндей болған қастерлі аспаптың қадір-қасиетін құрандай құрметтеп, құлжадай қадірлеген халқымыз домбырасы жоқ үйді мұрасы жоқ үйге теңеуі тегін емес. Ғасырлар бедерінде қатталған даланың рухы мен бабаның ғұрпын бүгінге жеткізген аңыз аспаптың тамыры тым тереңде жатыр. Әр домбыраның өзіне тән үні болады десек, сол үнді асқақтататын да, аспандататын да нағыз шебердің қайталанбас қолтаңбасы. Жиырма бес жылдан бері осы мақсатты мұрат тұтқан алматылық шебер Ердос Рақымбековтің шағын шеберханасына бас сұғып, серпер өнердің сырына бойлағандай болдық.
Өнер • 02 Шілде, 2018
Қазақ пен домбыра егіз, бөлінбейтін біртұтас ұғымға айналып кеткелі қашан. Төріне шығарып, қастерлеп келген сол қасиетті қара домбыраның бүгін, міне, ұлттық деңгейде ұлықталуы, тойлануы – шын мәніндегі өнердің үлкен оқиғасы, мұқым қазақ болып сүйіншілейтін айтулы жаңалық.
Қазақстан • 02 Шілде, 2018
«Этноауылда» «Көшпенділер әлемі» атты халықаралық этнофестиваль өтті
Өткен аптаның демалыс күндері Мәдениет және спорт министрлігінің тапсырысы бойынша әрі Астана қаласы әкімдігінің қолдауымен елорданың жанындағы «Қазанат» атшабары аумағында орналасқан «Этноауыл» ұлттық-мәдени кешенінде ежелгі бабаларымыздың жауынгерлік һәм шеберлік өнерін жаңғыру мақсатында «Көшпенділер әлемі» атты халықаралық этнофестиваль өтті.
Қазақстан • 02 Шілде, 2018
Ақмола бізді жаймашуақ күнімен қарсы алды
Біз бала кезімізде сағым қуып өстік. Ол да анда-санда бір көрініп, алыстап жоқ болып кететін. Соңынан бір топ бала айғайлап жүгіріп, улап-шулап, көргенімізге мәз болатынбыз. Сағымның ішінен биік үйлер, алып шаһар көретін едік. Құдайдың құдыреті, қазір Астана келбетін көрген сайын сол сағым ортасынан байқайтын, қызылды-жасылды жарқырап көрінетін алып шаһар есіме түседі. Қызықты қараңыз, бұл күні мен сол сағымды кездестіре алмай жүрмін. Әйтпесе, сол дала, сол жол, сол ел. Адамдарға болашақты көрсететін сағымның жоғалуының сыры неде? Меніңше, біз көрген сол сағым Астана бейнесінде ақиқатқа айналды. Қала шындыққа айналып, сағым жоғалды.
Қазақстан • 02 Шілде, 2018
Бұл жылдың басты жаңалығы – қаңтар айында республиканың жаңа Әнұраны қабылданды. Оған сазгер Ш.Қалдаяқовтың 1950 жылдары жазылған «Менің Қазақстаным» әні алынды. Сондай-ақ тәуелсіздіктің 15-ші жылында елдегі тұрақтылық пен ұлтаралық, дінаралық татулық келісім тауып, экономикалық тұрғыдан 2000 жылмен салыстырғанда ІЖӨ екі есе артты. Осы жылы шекара мәселесі толық шешімін тауып, халықаралық құжаттармен бекітілді. Саяси саналуандық пен парламенттегі көппартиялық, тәуелсіз сот жүйесі, омбудсмен, алқа билер сот институты қалыптасты. Сонымен қатар академик Ахмет Жұбановтың 100 жылдық мерейтойы ЮНЕСКО көлемінде атап өтілді.
