Қоғам • 21 Маусым, 2024
Ал өз тіліңді құрметтеу – парызың. Әр қазақ үшін бойтұмарға айналған Қадыр ақынның әйгілі сөзінің қадіріне жеткен қазақ қызы жат елде көпті тәнті етті.
Жәдігер • 20 Маусым, 2024
«Өлеңге Жамбыл жүйрік, әнге Кенен, Су жорға Үмбетәлі қара дөнен», деген құлагер ақын Ілияс Жансүгірұлы жырының айғағы дәл осы сурет іспетті. Тарихи фото 1943 жылы Жамбыл ауылының ауласында түсірілген.
Театр • 19 Маусым, 2024
Тұрандот ханшайымның жұмбағын шешуге асық көрермен үшін Қазақстанның еңбек сіңірген қайраткері Алан Бөрібаев пен италиялық режиссер Давиде Ливермор тандеміндегі классикалық туынды тамаша тарту болғаны сөзсіз.
Театр • 15 Маусым, 2024
«Теңіз терең емес, адамның жаны терең» деген ұлы Мағжан әйел жанының қатпар-қатпарын қазбалай зерделеуші еді ғой өзінің «Шолпанның күнәсі» шығармасында. Расымен де әйел болмысының қыр-сырына бойлап, құпиясын ашу – тіршілік пайда болып, адам адам болғалы бері әлі де кілті табылмай келе жатқан жұмбақ әлем. Сондықтан болса керек, бұл тақырыпқа қалам тербемеген шабыт иесі жоқ. Күні кеше Қ.Қуанышбаев атындағы Қазақ ұлттық музыкалық драма театрында тұсауы кесілген италиялық драматург Эдуардо де Фелиппоның «Әйел құпиясы» лирикалық драмасы да сол жұмбақтың шешімін табуға ұмтылған шығармалардың бірі.
Байқау • 12 Маусым, 2024
Елорда төрінде мамыр айында шымылдығы түріліп, шілдеге дейін жалғасатын бірегей өнер думаны – «Опералия-2024» халықаралық музыкалық фестивалі жарқын бағдарламасымен көрерменін қуантып келеді. Соның бірі – «Астана опера» сахнасында өткен жұлдызды гала-кеш. Айтулы шара әлемдік деңгейдегі көптеген үздік орындаушылардың басын қосып қана қоймай, классикалық және заманауи туындылар ұлттық қойылымдармен жарасымды үйлесім тапқан тамаша бағдарлама ұсынды.
Кино • 05 Маусым, 2024
«Жамбыл. Жаңа дәуір». Бас шаһар төрінде тұлға туралы тағы бір тамаша туындының тұсауы кесілді. Атауы айтып тұрғандай, жыр алыбы жайындағы жаңа фильм ақын ғұмырының соңғы 9 жылынан сыр шертеді.
Өнер • 05 Маусым, 2024
Дәстүрлі әнші, «Дарын» Мемлекеттік жастар сыйлығының лауреаты Асқар Мұқият есімі студент кезінен-ақ жақсы таныла бастады. Күмбірлеген қоңыр дауысы қазақтың кең даласын еске түсіретіндей ерекше тартымды һәм бояуға бай әуезділігімен тыңдаған жанның құлақ құрышын қандыратын. Ұстазы, Қазақстанның халық әртісі Қайрат Байбосынов шеберханасынан шыңдалып шыққан дүлдүл дарын Қазақ ұлттық өнер университетін бітіргеннен кейін де тыңдарманын тамсантуын тәмамдаған жоқ.
Өнер • 05 Маусым, 2024
«Опералия» – бірегей өнер думаны
Елорда төрінде «Опералия» халықаралық музыкалық фестивалі шымылдық түрді. Түрлі елдер мен дәуірлердің мәдениетін біріктіретін театр думаны 31 мамырдан 13 шілдеге дейін жалғасып, көрермендерге опералық қойылымдар, балеттер мен концерттік өнер көрсетулерді қамтитын мазмұнды бағдарламасын ұсынады.
Қоғам • 04 Маусым, 2024
Түркияның бірінші ханымы Эмине Ердоғанның қолдауымен жыл сайын «Көп ғасырлық талғамдардың тоғысқан жері: Жеті өңірдегі түрік асханасы» атты апталық өтеді. Соның аясында еліміздің бірқатар өңірінде де түрік асханасы ұйымдастырылды.
Өнер • 30 Мамыр, 2024
Құлагердің ажалы һәм азалы Ақан
Көңілдегі көрікті ойдың кестеленіп қағазға түскенінің бәрі өнер ме? Жоқ, әрине! Біздіңше, жүректі қозғап, көңілге ой салғаны, жанды тазартып, сананы сілкінткені – жауһар. Қазақстанның еңбек сіңірген қайраткері Асылболат Смағұловтың шеберханасына бас сұққанда назарымызды бірден өзіне бұрғызған бұл картина бояу палитрасының парасатымен ғана емес, ондағы кейіпкердің қайшылыққа толы характерімен де еріксіз жанында ұзақ кідіртті.
