Аймақтар • 02 Қазан, 2023
Қала күні мерекесі аясында Таразда «Киіз Fest» ұйымдастырылды. Ұмыт қалып бара жатқан дәстүрді жаңғырту, ғасырлар бойы жалғасып келе жатқан мұраны бүгінгі жастар арасында насихаттау мақсатында қолға алынған іс-шараға 12 топ қатысты.
Руханият • 02 Қазан, 2023
«Темір наркомның» соңғы күндері
ТҮРКСОЙ ұйымының шешімімен 2023 жыл мемлекет және қоғам қайраткері Темірбек Жүргенов жылы болып жарияланған-ды. Осыған орай қазақ және Кіндік Азия мемлекеттерінің оқу-ағарту саласы мен мәдениетін дамытуға өлшеусіз үлес қосып, 39 жасында сталиндік қуғын-сүргін құрбаны болған көрнекті тұлғаның 125 жылдығы Ақтөбеде аталып өтті. Іс-шараға Алматыдан Ұзақбай Құлымбетовтің қызы, Қазақстанның еңбек сіңірген қайраткері, ардагер ұстаз Орынша Қарабалина-Қазыбаева, жазушы Зейнеп Ахметова арнайы келді. Ақтөбе қаласындағы Ұзақбай Құлымбетов атындағы №64 және Бауыржан Момышұлы атындағы №62 мектептерде «Баукеңнің тәлімі» тақырыбында оқушылардың Орынша және Зейнеп апайлармен кездесуі өтті. Ырғыз ауданында осы топырақтан өнген үш арыс –Телжан Жаманмұрынов, Ұзақбай Құлымбетов, Телжан Шонанұлына арнап ас берілді.
Тағзым • 02 Қазан, 2023
«Жігіттің сұлтаны еді Әбдіғапар»
Арқалық қаласының жанындағы Жаңақала ауылы енді ресми түрде 1916 жылғы Торғайдағы ұлт-азаттық көтерілісі қаһармандарының бірі Әбдіғапар Жанбосынұлының есімімен аталады. Осыған орай тұғырлы тұлғаның есімін ұлықтаған мәдени іс-шара өтті.
Әдебиет • 02 Қазан, 2023
1972 жылдың қоңыр күзі. Сабақтан шығып, жауып тұрған жаңбырмен жағаласып бір топ студент келе қалған автобусқа жапа-тармағай мініп алдық. Ол кезде мен Киров атындағы мемлекеттік университеттің филология факультетінің үшінші курс студентімін. Менімен бірге автобусқа кірген студенттер оқуға биыл түскен балалар екені сөздерінен білініп, даурығып, су болған шаштарын сілкіп тастап, топтасып тұра қалып әңгіме боратты. Сол кезде біреуі «мен сендерге өлең оқиын, соны тапсаңдар, сыйлығым бар» деп тамағын кенеп өлең оқи жөнелді:«Ақ бұлттар, қара бұлттар, ала бұлттар,Байқасақ аспанда да алалық бар.Біреуде жас та болса, даналық бар,Біреуде қарт та болса шалалық бар».
Форум • 02 Қазан, 2023
Астанада 12-13 қазанда Орталық Азиядағы ең ірі IT-форум – «Digital Bridge 2023» өтеді. Халықаралық форумға Мемлекет басшысы Қасым-Жомарт Тоқаев, әлемдік компаниялардың жетекшілері, IT-инновация саласындағы үздік халықаралық және отандық сарапшылар, өңірлердің түкпір-түкпірінен венчурлық инвесторлар қатысады деп күтіліп отыр.
