Қызылорда облысы Төтенше жағдайлар департаментінің қызметкерлері Ұлы Отан соғысының тыл ардагерлері мен еңбек сіңірген азаматтық қорғау ардагерлерін Халықаралық әйелдер күні мерекесімен құттықтады. Бұл туралы Kyzylorda-news.kz ақпараттық агенттігі хабарлады.
Департамент қызметкерлері ардагер М.Платонова мен Г.Родичтің үйіне барып, оларға сый-сияпат жасады. Сонымен қатар оларға жылы лебіздерін білдіріп, зор денсаулық тіледі. Ардагерлер өз кезегінде естеліктерімен бөлісіп, қызметкерлерге алғыстарын жаудырды.