АСТАНА. 5 сәуір. Бразилияда 2016 жылдың 1 қаңтар күнінен бүгінге дейін шошқа тұмауының асқынған түрінен 71 адам қайтыс болды. Бұл туралы ТАСС ақпарат агенттігіне сілтеме жасаған egemen.kz тілшісі хабарлады.
H1N1 вирусынан көз жұмғандардың басым бөлігі Сан-Паулу штатының тұрғындары. Сондай-ақ, аталған кесел түрін Санта-Катарина, Баия, Минас-Жейрас штаттарының және Рио-де-Жанейро қаласының тұрғындары да жұқтырған.
Бразилияның денсаулық сақтау министрлігінің хабарлауынша, H1N1 респиратор синдромына 444 адам шалдыққан. Бұл көрсеткіш соңғы бір апта көлемінде 45 пайызға артты. Қазіргі кезде Сан-Паулу қаласының басшылығы шошқа тұмауына қарсы вакцина егуді бастады.
Аян Әбдуәли.
Дерек: ТАСС.
Фото: insidetoronto.com.