Бұл – ахуалды реттеуге қосылған нақты үлес

Астанадағы Сирия жөніндегі кездесу қорытындысы бойынша Қазақстан Республикасы Сыртқы істер министрлігінің баспасөз қызметі түсініктеме берді. Онда былай делінеді: «Ас­та­нада Ресейдің, Түркия мен Иранның жоғары деңгейдегі сарап­шылары бұрнағы күні Астана процесі аясында Сирия үкіметі мен әскери оппозициялық топтар арасындағы келіссөздердің бірлескен техникалық тобының алғашқы отырысын өткізді. Сонымен қатар, оған Біріккен Ұлттар Ұйымы мен Иордания делегациясы қатысты. Іскерлік және сындарлы жағ­дайда өткен бұл кездесу Сирия­дағы соғысты тоқтату режі­мін орнықтыру мәселелерін тал­қылау үшін құрылған Аста­на платформасының қажетті­лігін көрсетті, оның Қазақстан Пре­зиденті Нұрсұлтан Назарбаевтың қолдауы мен беделінің арқасында құрылғаны белгілі. Елбасының бітімгершілік бастамалары мен шиеленіскен жағдайларды реттеу мен әлем елдерінің арасындағы текетіресті жұмсартуға қосқан сүбелі үлесі халықаралық аренада кеңінен танымал». Қазақстанның Сыртқы істер министрлігі, сондай-ақ, БҰҰ Бас хатшысының Арнайы өкі­лі Стаффан де Мистураның қол­дауы­мен және оның белсенді қатысуымен ұйымдастырылған Сириядағы ахуалды реттеу жөнін­дегі Астанадағы кездесу Же­нева процесін қолдауға бағыт­талғанын атап өткен. Осы орайда, техникалық топтың шамамен үстіміздегі жылғы 15-16 ақпанға жоспарланып отырған келесі отырысы БҰҰ аясында Женева бейбіт келіссөздерінің кезекті раундын өткізуге қажетті жағдай жасауға мүмкіндік береді деп сенеміз, делінген түсініктемеде. Түсініктеменің қоры­тын­ды­сында мүдделі тараптардың кездесуі үшін Қазақстанның алаң ұсынуы және Астананы бітім­­гершілік кіндігі ретінде көр­сету біздің еліміздің 2017-2018 жылдардағы БҰҰ Қауіпсіздік Кеңесінің тұрақты емес мүшесі ретінде Сирия ахуалын реттеу процесіне қосқан нақты үле­сі болып табылатыны атап көрсе­тілді. «Қазақстан өңірлік және жа­һандық қауіпсіздікпен байланыс­ты мәселелерді іс жүзінде шешу үшін барлық күш-жігерін жұмсап, дәйекті түрде қадам жасайтын болады», делінген түсініктеменің соңында.