Бұл – біздің ертеңгі тағдырымыз!

Елбасы Нұрсұлтан Әбішұлы Назарбаевтың билік тармақтарының өкілеттіктерін қайта бөлу туралы Үндеуін тари­хи маңызы зор бас­та­ма ретінде қуана қабыл­дадық. Мемлекеттік деңгей­дегі кез келген шешім мақсатсыз болмай­ды. Бұл тәуелсіз еліміздің келешегін ойлағаннан жасалып отырған қадам екені айтпаса да түсінікті. Алып елдің тағдыр-талайына қатысты аса маңызды мәселелерді шешу жалғыз Пре­зи­дентке шын мәнінде тым ауыр салмақ. Егемен ел болған­нан-ақ президенттік бас­қару жүйесін таңдап алғанымыз дұрыс бол­ғанын уақыттың өзі дәлел­­деді. Осы ұстаныммен әлем­­дік деңгейдегі қаншама жетіс­­­тік­­терге жеттік. Әлем жаңа мем­­лекет­ті көріп, жаңа эконо­микамыз бе­н жаңа қоға­мы­мызды мойындады. Десек те, нағыз демо­кратиялық ел болу үшін билік бір қолға шоғырланбағаны абзал. Билік тармақтары­ның өкілеттігі мен құзы­рын қайта бөлу мәселесін Елбасымыздың өзі көтеріп отыр. Бұл ол кісі­нің мемлекет болашағын бол­жап, жоғары парасатпен қабыл­даған шешімі: дара билік­тен алқалы дана билікті жөн көріп отыр. Жариялылық сал­та­нат құр­ған елде саяси жүйе халыққа не­ғұрлым жақын, түсінікті болуы шарт. Бұл Үн­деу сондай үрдіске шақы­руы­мен құнды. Сондықтан, осы­нау қадамның тарихи маңыз­дылығына дау жоқ. «Қазақстан – жас, көп ұлт­ты, болашағына сенімді және қарқынды дамып келе жат­қан мемлекет! Біз тәуелсіз Қазақ­станның 25 жылдық даму жолынан өттік. Алдағы 25 жылда бұдан да биік белестер күтіп тұр. Мем­ле­кет құру жолында теңдессіз, мол тәжірибе жинап, жаңа кезеңге қадам басып отырмыз. Алдымызда қан­дай қиындықтар кездессе де, олар­ды еңсере алатынымызға се­нім­дімін. Біздің басты күшіміз – бір­лікте», – деді Президент Нұрсұлтан Назарбаев жақында ғана жариялаған Қазақстан халқына «Қазақстанның Үшінші жаңғыруы: жаһандық бәсекеге қабілеттілік» атты Жолдауында. Ендігіде Үкімет пен Парл­а­ментке жүктелетін жауап­кер­шілік жүгі де арта түспек. Бұл реформаның барысында Ата Заңымыз бен өзге де құқықтық нормаларға, құзырлы органдардың бағыт-бағдарына өзгерістер енгізілуі тиіс. «Кеңесіп пішкен тон келте болмас» демекші, Прези­дент Жарлығына сәйкес, конс­титуциялық реформалар жобасын тәуелсіз еліміздің халқы ортаға салып, талқылауы тиіс. Сол кезде ел ертеңін ойлаған азаматтар үнсіз қалмауы керек. Бұл – біздің ертеңгі тағдырымыз! Бекзат АЛТЫНБЕКОВ, Қазақстан халқы Ассамблеясының мүшесі, Жезқазған қалалық қоғамдық келісім кеңесінің төрағасы Қарағанды облысы, Жезқазған қаласы