Әлемдік бәсекеде атымыз озады

Елбасы ХХІ ғасырдағы ұлттық сана туралы «Мен халқымның тағылымы мол тарихы мен ықылым заманнан ар­қауы үзілмеген ұлттық салт-дәс­түр­ле­рін алдағы өркендеудің берік діңі ете отырып, әрбір қадамын нық басу­ын, болашаққа сеніммен бет алуын қа­лаймын» деп жазды. Бұл ХХІ ға­сырдағы тарихи кезеңде өзіміздің ұлт­тық құндылықтарымызды бұзбай, дәс­тү­рімізді ұмытпай жаңғыруымыз керек де­ген сөз. Яғни, заман талабына сай өмір сүру, даму дегенді білдіреді. Осы жаң­ғыруда ұлттық сананы жоғалтып ал­мауға меңзейді.

Бағдарламаны іске асыру ел бо­ла­ша­ғы саналатын жастардың бойында қа­зақ­стандық ұлтжандылық, азаматтық біре­гейлік және бүкіл Қазақстан хал­қы­­ның ынтымақтастық сезімдерін одан әрі күшейте түсетін болады. Отан – от­ба­сынан басталады демекші, әр­бір қа­з­ақстандық шаңырақта алдымен ын­ты­мақ, татулық болғанда ғана ел­де тұ­рақтылық орнайды, сонда ғана аза­мат­тық құндылықтарды баланың бойына сіңіруге болады. Елбасының бүгінгі таң­да рухани жаңғыру мәселесін көтеріп оты­р­­ғаны қажетті экономикалық-әлеу­мет­­тік тұрақтылықтың орнығуымен бай­ла­нысты деп ойлаймын.

Патриотизм, ұлтжандылық – туған та­рих пен мәдениеттен, ана тілінен, туған от­басынан нәр алады. Ал белсенді жасампаз патриотизм елдің жетістіктерімен, за­ма­нымыздың қаһармандарының нақты іс­терімен қуаттанып, нығайтылуға тиіс. Пра­г­матизм мен ұлттық бірегейлікті сақ­тау ұғымдарының осы тұста маңызы ар­та­­тыны белгілі.

Ұлттық бірегейлікті сақтау барысында Елбасының тікелей бастамасымен құ­рылған, таяуда ғана 25 жылдық ме­рей­тойын атап өткен Қазақстан халқы Ассам­­блеясының рөлі жоғары тұрғанын ерек­ше атап өту қажет. Бұл қоғамдық-сая­си ұйым республикамыздағы ұлта­ра­лық татулықты сақтауға шексіз үле­сін қосып келеді және оның өміршең екен­дігін уақыттың өзі дәлелдеп отыр. Ассам­блея шаңырағының астында топ­тасқан түрлі этностардың өкілдері біре­гей қазақстандық ұлт болу жолында жа­ра­сымды жұмыстар атқаруда.

 Тағы да ерекше айтып өтетін мәселе – жа­ңа гуманитарлық білім. Білім сал­танатын кемелдендіру арқылы біз бә­секелестігі технологиялық тұрғыдан ға­на емес, ішкі дүниесі де қатар дамыған Мәң­гілік Елге, тәуелсіздігі мызғымас мем­лекетке айналамыз. Қазіргі дамыған за­ман­да білімді адам ғана табысқа жете ала­ды, сондықтан еліміз білім беру жүйе­сіне көп көңіл бөліп отыр. Осы ба­ғытта Ел­басының негізгі ойы білімді жас­тар­дың арқасында ғана ұлтымыз табысты бо­лады деп тұжырымдалады. Ұлттық жә­не рухани күші толық қалыптасқан мем­лекеттің кез келген бәсекеде аты оза­ры анық.

Тарихтың тайғақ кешуінен өтіп, енді ғана еңсесін көтерген Отанымыз үшін әр­бір қадамымызды байсалдылықпен, мың ойланып, зерделеп басқан жөн. ХХ ғасырда қазақ халқы талай қасіретті ке­зең­ді басынан кешірді. Революциялық жол­д­ың бәрі түбінде тұйыққа тірелетіні та­рихтан мәлім. Сондықтан да, Елбасы да­мудың эволюциялық түрі дұрыс жол екенін алға тартады. Бүгінгі таңда бас­шы­лыққа алып отырған басты стра­те­гия­мыз 2050 жылға дейінгі даму жолы­на бағытталған болса, «Болашаққа ба­ғ­дар: ру­хани жаңғыру» алдағы мың­жыл­дық­тар­ды болжап жасалған.

Сананың ашықтығы болмаған, тұйық, тек бүгінмен өмір сүретін қоғамның ер­тең­гі күні бұлыңғыр. Осы орайда Мем­ле­кет басшысы қоғамдық сананы жаң­ғыр­туың негізігі қағидаларын қа­лып­тас­тыру жөнінде ұлт алдына басқа да мін­-
­­д­еттер қойды. Олар – Үшінші жаң­ғы­ру­­ға ұласқан рухани жаңғырудың басты төрт жа­ңалығы. Біріншіден, ұлттық сана, ұлт­тық бірегейлік. Екіншіден, латын әліп­биі­не көшу. Біз мұның уақыт талабынан туындап отырғанын жақсы түсінеміз.

Одан басқа айтар мәселе, ұлттық экономиканың өрлеуінің басты өзегі заманауи ғылым қауымдастығының жаңа­лық­тарын жас ұрпаққа беру болып табылады. Осыған байланысты, Елбасының ұсынысымен «Жаңа гуманитарлық білім. Қазақ тіліндегі 100 жаңа оқулық» жобасы қолға алынып отыр. Осының бәрі тарих, саясаттану, әлеуметтану және т.б. ғылымдар төңірегінде жастарымызға толыққанды білім алуға көмектесетініне кәміл се­не­міз. Сонымен қатар, сананың ашық­ты­­ғы бағытында ағылшын тілінің мә­се­лесі айтылады. Ағылшын тілі ол жа­­һандық әлемнің қақпасы іспеттес. Ел­басы «Өзімдікі ғана таңсық, өзгенікі – қаңсық» деп кері тартпай, ашық болу, басқалардың ең озық жетістіктерін қабылдай білу, бұл – табыстың кілті, әрі ашық зерденің басты көрсеткіштерінің бірі деп жазады. Елбасының идеясы – болашаққа жол бастау! Оның бар­лық міндеттерін орындау ұлттың руха­ни жаң­ғырып, кемелденуіне сөзсіз жет­е­лейді.

Елбасы нұсқаған жолмен жүре отырып келесілерге қол жеткізуге болады. Алдымен, өзіміздің ақпараттық қауіп­сіз­дігімізді арттырамыз. Ұлттық жә­не руха­ни кодымыздың тек жағымды жақ­та­рын бойымызға сіңіреміз. Гума­ни­тар­лық білімді жаңалап қоймай, әлеу­меттік және саяси ғылымдарды жаңа пішімге көшіреміз. Әлемдік әдебиеттерді өз тілі­мізде сөйлетіп, ғалымдарымыздың кә­сібилігін шыңдаймыз. «Туған жер» бағдарламасы арқылы туған жерін, елін сүюді жаңа және жүрекке жақын жол ар­қылы дамытамыз. Жастарымызды өлкесінен аймағына, аймағынан еліне қызық­тырып, қызықтыру арқылы сүйіс­пен­шілігін көтереміз, жаңа деңгейге шы­ғарамыз.

Елбасының аталған саяси маңызы зор құ­жатта халыққа жүктеген тапсырмаларын орындау ісіне біздің бәріміз белсене ат­салысатын боламыз.

Елбасының мақаласы ертеңгі күнге деген сенімді арттырып, қойылған мін­дет­терді орындау барлық Қазақстан аза­маттарының әл-ауқатын жақсартуға жағ­­­дай туғызады, халықаралық дең­гей­де мемлекеттің рөлін арттырып, Қазақ­стан­ның Үшінші жаңғыруына оң ықпал етеді. Бұған біз кәміл сенеміз.

Фахриддин ҚАРАТАЕВ,
Мәжіліс депутаты