Тереңкөлдегі «Зеленая роща» жалпы білім беру мектебінде балаларға арналған дәстүрлі «Улыбка» жазғы демалыс лагері биыл да ұйымдастырылды. Лагерьдің барлық тәрбиешілері өз мектебіміздің мұғалімдері. Олар әр баланың ерекшелігін, мінез-құлқын, қызығушылығын жақсы біледі.
Лагерьдің ашылуы дәстүр бойынша 1 маусымда өткен болатын. Балаларды күлкілі клоундар мен ертегі кейіпкерлері қарсы алған-ды. Олар содан бері лагерьге бірнеше рет келіп, түрлі конкурстар мен ойындар өткізіп, жұмбақтар жасырды, жарыс өткізді.
Оқушылар үшін түрлі тілдік сабақтар өткізілді. Қазақ тілі пәнінің мұғалімі Ы.Тұрсынханова «Тіл – тірегім» атты үйірме ұйымдастырып, онда балалар қазақ тілі бойынша интеллектуалдық білімдерін көрсетті. Ағылшын тілінің мұғалімі А.Темірболатованың жетекшілігімен балалар «Lingvоkids» үйірмесінде ағылшын тілін белсене үйренді.
Сабақтардан басқа, тәрбиешілер ойын-сауық шараларын, спорт жарыстарын, викториналар мен әртүрлі конкурстарды өткізді. Мұның бәрі балалардың шығармашылық тұрғыда жетілуіне көмектеседі.
Жалпы, балаларды білімге қызықтырудың да түрлі педагогикалық тәсілдері бар. Жаз мезгілінде балдырғандардың уақыттарын босқа өткізбей, денсаулықтарын жақсартып, білімдерін жетілдіруіне «Улыбка» лагері игілікті ықпал етті.
А.Боқаева,
«Зеленая роща» орта мектебінің мұғалімі
Павлодар облысы,
Тереңкөл ауданы
