Қоғам • 06 Қараша, 2019

Сыбайлас жемқорлыққа қарсы қызмет күшеюде

38 реткөрсетілді

Сыбайлас жемқорлыққа қарсы іс-қимыл агенттігінің Төрағасы Алик Шпекбаев пен «Халықаралық бағдарламалар орталығы» АҚ Президенті Айнұр Кәрібозова кездесіп, ынтымақтастық туралы Меморандумға қол қойды. Бұл туралы агенттіктің баспасөз қызметі хабарлады. 

Меморандумның мақсаты - «Болашақ» халықаралық стипендиясымен қоса шетелде кадрларды даярлау, қайта даярлау және біліктілігін арттырудың халықаралық бағдарламалары аясында сыбайлас жемқорлықты жалпыға бірдей қабылдамауды қалыптастыру, сонымен қатар сыбайлас жемқорлық құқық бұзушылықтар жасауға ықпал ететін себептер мен жағдайларды анықтау.

Кездесу барысында Агенттік Төрағасы мамандар іріктеу кезінде шетелдік оқу орындарының түлектеріне, «Болашақ» бағдарламасының стипендиаттарына, магистр және PhD докторы дәрежесін иеленгендерге басымдық берілетінін және Сыбайлас жемқорлыққа қарсы қызметтің 11 қызметкері Еуропа мен АҚШ-тың жетекші жоғары оқу орындарының түлектері екенін атап өтті. 

Алик Шпекбаев «Болашақ» халықаралық стипендиясы арқылы түрлі салалардың, атап айтқанда құқық қорғау органдарының мамандарын даярлау, қайта даярлау және біліктілігін арттыру жүйесінің маңызды рөліне баса назар аударды.

Сонымен қоса, тараптар Агенттіктің орталық аппараты мен территориялық бөлімшелері қызметкерлерінің жетекші шетелдік жоғары оқу орындарының, сондай-ақ танымал әлемдік ғылыми-зерттеу орталықтарының, компаниялар мен салалық ұйымдардың базасында қысқа мерзімді тағылымдамадан өту мәселесін талқылады.

Кездесу соңында Айнұр Карбозова Алик Шпекбаевқа Халықаралық бағдарламалар орталығының бастамасын қолдағаны үшін алғыс айтып, алдағы ынтымақтастыққа дайын екендігін білдірді.

«Халықаралық бағдарламалар орталығы» АҚ Президенті Меморандумға қол қою Сыбайлас жемқорлыққа қарсы қызмет қызметкерлерінің біліктілігін үздік әлемдік тәжирибеге сәйкес арттыруға тың серпін беретінін атап өтті.  

Аталған мақсаттарға қол жеткізу үшін тараптар Агенттік пен Халықаралық бағдарламалар орталығы күшін жұмылдыра отырып, сыбайлас жемқорлыққа қарсы саясатты іске асыруда және оның кез-келген көріністеріне жол бермеуде өзара әрекеттесуді арттыруға келісті.

 

Соңғы жаңалықтар

Жүз жыл

100 • Кеше

Тапа тал түстегі қарақшылық

Аймақтар • 20 Қараша, 2019

Ұқсас жаңалықтар