Барлығы қарапайым: қағаз шыныаяқта сұйықтықты ұзағырақ сақтауға мүмкіндік беретін қосымша полиэтилен қорғаныс қабаты бар. Бір топ ғалымдар мұндай ыдыстан ыстық сусындарды ішудің қауіпсіз екенін анықтауға шешім қабылдады.
Зерттеушілер бес түрлі маркадағы қағаз шыныаяқтарға ыстық суды (85-90 градус Цельсий) құйып, қорғаныс қабатынан фторид, хлорид, сульфат және нитрат сияқты иондардың бөлінетінін анықтады.
Тәжірибе барысында 25 000 микрон пластмасса бөлшектері бір стакан ыстық суға (100 миллилитр) 15 минутта түсетіні белгілі болды. Сонымен қатар, ғалымдар ауыр металдар, атап айтқанда палладий, хром, кадмий және гидрофобты жабындарда қолданылатын кейбір қауіпті қосылыстар да шыныаяқтардан ыстық суға түсетініне көз жеткізді.
"Шәй мен кофе сияқты ыстық сусындарды күнделікті тұтыну арқылы микропластиктердің, иондардың және ауыр металдардың тұрақты әсер етуі болашақта адамдардың денсаулығына қауіп төндіруі мүмкін", деп ескертеді зерттеушілер.
