Фото: telegram.bagdat_mussin_official
ARC Drones дрон құрылғысының 3 данасы Америкадан сатып алынды.
«Қазір ARC Drones өкілдері Атырау қаласында жүр, олар ТЖМ қызметкерлерімен бірлесіп ең шалғай және жеткізу қиындық туғызатын жерлерге азық-түлік, дәрі-дәрмек пен басқа да өмірлік маңызды заттарды шұғыл тасымалдау жұмыстарына кірісуге дайын», деп жазды Бағдат Мусин.
ARC Drones – отандастарымыз Әлібек Ерсай мен Әсел Тұрсын негізін қалаған америкалық стартап. Бұл дрондар 10 км радиуста 30-40 келіге дейін жүк көтеріп, күніне 100-ге дейін рейс жасай алады.
Министр аталған дрондар су сынамаларын да жинауға қауқарлы екенін айтты.
Сондай-ақ ARC Drones дрон құрылғысы құтқарушылар мен еріктілердің қауіпсіздігін қамтамасыз етіп, жұмысын жеңілдетеді.
