Зерттеуге Алматы мен Астананы қоса алғанда, әлемнің 547 қаласы енді. Рейтинг азық-түлік, кафе мен мейрамханалардағы тамақтану, көлік, коммуналдық қызметтер және басқа да күнделікті шығындарды есепке алатын өмір сүру құны индексіне негізделген.
Қазақстан қалалары арасында ең жоғары орынды Алматы иеленіп, 409-орынға жайғасты. Оңтүстік астана өмір сүру құны бойынша Куала-Лумпур мен Тбилиси қалаларының арасында орналасқан. Ал Астана қаласы 469-орынға ие болды.
Рейтинг деректеріне сәйкес, Қазақстан астанасында өмір сүру Алматыға, Бакуге және Батумиге қарағанда арзанырақ, бірақ Киев пен басқа қалаларға қарағанда қымбатырақ.
Әлемдік рейтингте бірінші орынды Цюрих иеленді. Ол өмір сүру құны бойынша әлемдегі ең қымбат шаһар деп танылды. Алғашқы ондықтағы орындардың басым бөлігін Швейцария қалалары алды. Өмір сүруге ең қолжетімді қалалар қатарында Үндістанның шаһарлары болды.
