Пікір • 22 Ақпан, 2022
Шаршы метрге байланған шаңырақ
Былтыр елімізде 48 002 отбасы ажырасыпты. Айырылысқандар сол жылы тіркелген 90 873 некенің 53 пайызын құрайды. Бұл – негізі азайғаны. 2019 жылы 60 мыңға жуық шаңырақ шайқалған. Бұған әртүрлі себеп бар шығар. Бірақ енді ғана шаңырақ көтерген жұпқа ең алдымен не керек? Әрине, баспана қажет. Қазір көп жас отбасына 1 шаршы метр де арман болған. Неге?
Ғылым • 22 Ақпан, 2022
Көз ауруын емдеудің жеңіл жолы
Техника мен технология өмірімізді жақсартып, жұмысымызды жеңілдетті. Бірақ оның адам денсаулығына тигізетін зияны да көп болып тұр. Айталық, қазір өмірімізді компьютер мен смартфонсыз елестете алмаймыз. Ал бұл көз ауруларының көбеюіне себеп болып жатыр. Әлемде ғалымдар көру қабілетін бұзбаудың немесе жақсартудың жолдарын зерттеп келеді. Оған отандық зерттеушілердің де қосқан өзіндік үлесі бар.
Білім • 17 Ақпан, 2022
Еңбек пәнінің ендігі сипаты қандай?
Еліміздегі мектептер жаңартылған білім бағдарламаларына толық көшкен болатын. Жақында аяқталған осы реформа бойынша орта білім беру ұйымдарындағы бейнелеу өнері (яғни, сурет), сызу сабақтары алынып, оның мазмұны бұрынғы еңбекке баулу пәніне кіріктіріліп көркем еңбекке айналды. Жуырда механик, құрылысшы, дизайнер, архитектор, ағаш пен металл шеберлерін қалыптастыруға ықпал ететін пәннің қалай өтетінімен таныстық.
Ғылым • 09 Ақпан, 2022
Жас зерттеушілер биоотын шығарды
Қазір өсімдік майына қуырылған тағамдар тез өтеді. Жылдам дайындалатын тамақтарға кезек көп. Сұраныс толастамай тұрғанда тапсырыс та молынан орындалады. Ал сондай орындардан күніне қанша литр сұйық май қалады. Оны қайта-қайта пайдалану денсаулыққа зиян. Сондықтан бірнеше рет пайдаланылған сұйық майды қоқысқа жібереді. Осындай қалдықтан жас зерттеушілер биоотын жасап шығарды.
Білім • 08 Ақпан, 2022
Техникалық ғылымның дамуына не кедергі?
Мемлекет басшысы Қасым-Жомарт Тоқаев еліміздің экономикасы дамуы үшін технарь-мамандар керек екенін айтты және техникалық университеттер мен осы саладағы мамандықтарға айрықша көңіл бөлуді, шетелдік беделді техникалық университеттердің филиалын ашуды тапсырды. Тапсырма орындалды дейік, бірақ зерттеусіз, зерделеусіз жасалған жүйе де, жоспар да, бағдарлама да нәтиже бермейді. Ал оны зерттейтін сол саланың ғалымдары, техника ғылымы.
Ғылым • 08 Ақпан, 2022
Елімізде алғаш рет ғылым саласының сақалары сараланды. Былтырдан бастап қолға алынған республикалық «Үздік ғылыми қызметкер-2021» байқауы енді жыл сайын зерттеушілерді ынталандыру, олардың еңбегін бағалау мақсатында өткізілмек. Аталған ғылым бәйгесінің жақында шыққан қорытындысы бойынша 50 ғалым 6 млн теңге көлемінде сыйақы алды.
Білім • 04 Ақпан, 2022
Еуразия университеті көш бастап тұр
«Атамекен» ұлттық кәсіпкерлер палатасы қазақстандық жоғары оқу орындарының жаңа рейтингін жариялады. Мұндай зерттеу осымен төртінші жыл қатарынан Білім және ғылым министрлігінің тапсырысымен ұйымдастырылып келеді. Биылғы рейтинг қорытындылары туралы Президент жанындағы орталық коммуникациялар қызметінде өткен брифингте айтылды.
Ғылым • 02 Ақпан, 2022
Ғылымға бет бұрғандар қатары көбейіп келеді
Кейінгі жылдары мемлекет тарапынан жас ғалымдарға қолдау шаралары қарқынды қолға алынды. Бұған жас зерттеушілердің жобаларына арналған бөлек грант пен жыл сайын «Жас ғалым» жобасы аясында шетелдік ғылыми ұйымдарда тағылымдамадан өтуге берілген мүмкіндік дәлел бола алады. Соның нәтижесінде Қазақстанда кейінгі 2 жылда жас ғалымдардың саны көбейген.
Ғылым • 01 Ақпан, 2022
Отандық жас ғалымдар күріш қауызынан кремний диоксидін алды. Кремний диоксиді шыны, керамика, бетон жабдықтары, тіс пастасы, косметика өндірісінде қолданылады. Қазақстандық зерттеушілердің енді бір тобы энергия үнемдегіш шамның жаңа нұсқасын ойлап тапты. Ғылымды серік еткен жандар жаңа өнімін өндіріске шығаруды да бастап кеткен.
Білім • 28 Қаңтар, 2022
Білім сапасын көтеру жайы пысықталды
2022 жылы қазақстандықтардың сапалы білім алуға қолжетімділігі артады. Бұған жаңадан 200 мектеп салу арқылы оқушылар орнының көбеюі ықпал етеді. Балабақшалар тексеруден өтеді. Мектептерде математика пәні топтарға бөліп оқытылады. Колледждерде кәсіпорындармен бірлесіп білім беру жүйесі күшейтіледі. «Болашақ» бағдарламасы қайта қарастырылады. 2 мыңнан астам ғалымға алған гранттарына қарамастан тұрақты жалақы төленеді. Осы және өзге де өзгерістер туралы Білім және ғылым министрлігінің алқа отырысында айтылды.
