Үкімет • 03 Ақпан, 2020
Білім мен ғылым саласын дамытудың алдағы міндеттері айқындалды
Білім және ғылым министрлігі 2019 жылғы жұмысын қорытындылап, алдағы жоспарымен бөлісті. Ведомствоның кеңейтілген отырысына Премьер-Министрдің орынбасары Бердібек Сапарбаев, Президент Әкімшілігінің өкілдері, сенаторлар, мәжілісмендер, білім мен ғылым саласының қызметкерлері қатысты.
Қоғам • 31 Қаңтар, 2020
Редакциямызға жас ғалымдар хабарласып, алдағы жұмыстарын жоспарлау үшін былтыр жарияланған Жас ғалымдардың жобаларына арналған байқау нәтижесін асыға күтіп, 2019 жылдың аяғында шығуы тиіс қорытындының кешігу себебін біле алмай жүргенін жеткізді. Осы мәселе бойынша тиісті ведомствоға хабарластық.
Қоғам • 31 Қаңтар, 2020
Бруцеллезге қарсы екпені ойлап тапқан ғалым
Хакім Абай «Ғылым таппай мақтанба» деген еді. Біз бас басылымда ұлы ақынның осы бір өміршең өлең жолын алып, ғылым тапқан, жаңалық ашып, адамзат игілігіне еңбек етіп жүрген ғалымдарымызды үлгі етуді жөн көрдік. Айдарымыздың алғашқы кейіпкері – Ветеринария ғылымдарының кандидаты, профессор Қайсар Табынов. Ол әлемде алғаш рет ірі қара малда (ІҚМ) кездесетін бруцеллез жұқпалы ауруына қарсы екпені әзірлеген.
Қоғам • 21 Қаңтар, 2020
Қазақ тілінің қолданыс аясы кеңейіп келеді
«Отандастар» қорының дерегіне сүйенсек, қазіргі таңда Ресей Федерациясында 1 млн 310 мың қазақ тұрады. Солтүстіктегі көршіміздің оңтүстік шекарасындағы өңірлерінде қазақтар көптеп қоныстанған. Ұлт ұстазы Ахмет Байтұрсынұлы «Тілі жоғалған ұлттың өзі де жоғалады» деген еді. Осы орайда, тілінің жоғалмауына жанын салып жүрген қандастарымызға Ресейде қолдау көрсетілгені көңіл қуантады. Соның бір айғағы болар, жақында Түмен облысында тағы бір қазақ сыныбы ашылды.
Қоғам • 13 Қаңтар, 2020
Мінеки, біраздан бері қоғамның қызу талқысына түскен «Педагог мәртебесі туралы» заң қолданысқа енгізілді. Құжаттың ресми жарияланғанына 2 аптадан аса уақыт өтсе де көпшілік қауымнан, әсіресе ұсыныстар беру мен ойын ортаға салуда мұғалімдер тарапынан бұған дейін болған белсенділік байқалмайды. Неге?
Қоғам • 10 Қаңтар, 2020
Полиция капитаны Айсұлу Каримова таңертең әдеттегідей мектепке келді. Артынша оқушылар да білім ұясына ағыла бастады. Капитан қырағылықпен бәрін бақылап жүр. Сол сәтте оған бір оқушының телефоны ұрланғанын хабарлады. Дереу камерадан қарап, мектеп ауласын торуылдап жүрген белгісіз адамның оқушы қалтасына қол салғанын анықтады. Іле-шала жедел қызмет өкілдерінен күдіктіні суреттеп, табуын сұрады. Операция сәтті аяқталып, ұрланған зат иесіне қайтарылды. Ал ұрының жайымен әрі қарай полиция айналысады. Осыдан соң елордадағы № 22 мектептің ата-аналары оқу ордасындағы инспекторға арнайы алғыс хат берді.
• 30 Желтоқсан, 2019
Әсия Ермұхамбетова: Бізде ғалымдардың еңбек құқықтары ешқандай ескерілмеген
Журналистік жолда күн сайын сан түрлі шаралар мен жиындарға қатысасың. Соның бірінен шыққанда электронды «күнделікке»: «Қазақ ғылымының екінші тынысы ашылып келеді екен. Бүгін көздерінен жалын көрген жас ғалымдар осы ойға бекінтті. Олар өздерін-өздері қалыптастырып жүр», деп жазған ек. Сол сөзге, қоғам ішіндегі «Бізде өзі ғылым бар ма?» деген күмәнді сейілтуге себепкер болған, ғылым түгілі жаңа әрі жалынды ғылыми ортаның негізі қаланғанына көзімізді жеткізген жандардың бірі, Жас ғалымдар альянсының төрайымы Әсия Ермұхамбетовамен сұхбаттасудың сәті түсті.
Қоғам • 16 Желтоқсан, 2019
Ирактағы террористік әрекетке қатыстылығы үшін жазасын өтеп жатқан аналардың балалары өткен айдың аяғында Мемлекет басшысы Қасым-Жомарт Тоқаевтың тапсырмасымен гуманитарлық акция аясында елге қайтарылған еді. Көп өтпей олар туыстарына табысталды.
Қоғам • 13 Желтоқсан, 2019
Әне-міне дегенше, жыл басында жарияланған Жастар жылы да аяқталуға жақын. Аталған бастама аясында биыл жас ғалымдардың жобаларына мемлекеттен тағы 3 млрд теңге бөлінген. Жұмыстарын өткізгендер «тақым қысып жүр». Жыл ортасында «Қазақ ғылымы қашан жасарады?» деген мақала жазғанбыз. Сондағы түйін – жас ғалымдарды қолдау. Әлбетте қолдау қажет, бұл қадам тиісті ведомстволар тарапынан да жасалды. Десе де қолдау кімге керек? Демеу, көмек, қамқорлық – қай-қайсысы болсын өз иесін тапқанда ғана жемісін береді. Ал бізде мұның бәрі дәл егесін тауып жатыр ма? Мәселе – сонда.
Қоғам • 12 Желтоқсан, 2019
Мемлекет басшысы Қасым-Жомарт Тоқаевтың тапсырмасына сәйкес, студенттердің шәкіртақысы 2020 жылдың қаңтар айынан бастап 25 пайызға көтеріледі. Бұл туралы Білім және ғылым министрі Асхат Аймағамбетов стипендияны көтеру және ЖОО-дағы мәселелер сөз болған брифингте хабарлады.
