Қоғам • 19 Желтоқсан, 2022
Балалар жылы аясында Астана қаласында халықаралық конференция өтіп, онда балалардың құқығын қорғау саласындағы өзекті мәселелер талқыланды, ауқымды жоспарлар пысықталды. Айтулы іс-шараға Чехия, Хорватия, Мажарстан және Қырғызстан елдерінен келген сарапшылар қатысты. БҰҰ-ның елдегі тұрақты үйлестірушісі, Қазақстандағы БҰҰ Балалар қорының (ЮНИСЕФ) елдегі өкілі, бала құқықтары, адам құқықтары жөніндегі уәкілдермен қатар педагогтер, ата-аналар мен балалар да осы кездесудің ортасында болды.
Қоғам • 09 Желтоқсан, 2022
Қоғамда мәдениет, әдебиет, спорт, өнер сынды түрлі салада талмай еңбектеніп, елдің ықыласына бөленіп жүрген жастар көп. Талантымен танылған шын шеберлерге ел Үкіметі де қажетінше қолдау көрсетуде. «Жаңа белестегі жастар» форумы аясында Ақпарат және қоғамдық даму министрлігі жариялаған «Дарын» мемлекеттік жастар сыйлығының иегерлерін марапаттау салтанаты өтті.
Коронавирус • 08 Желтоқсан, 2022
Елдің есін алған коронавирус инфекиясы қазір халық арасында көп айтылмаса да, мутацияланған вирустың жаңа түрлеріне нақты тосқауыл табылмай тұр. Ал эпидемиолог дәрігерлер вирустың тарауына жол бермеудің жалғыз амалы қоғамдық иммунитет қалыптастыру екенін бұған дейін де талай мәрте айтқан.
Қоғам • 08 Желтоқсан, 2022
Астаналықтар осы аптада Тәуелсіздік күні қарсаңында 30-дан аса мерекелік іс-шараны тамашалай алады.
Спорт • 05 Желтоқсан, 2022
Жасөспірімдерге жол ашқан біріншілік
«Алау» мұз айдынында өтіп жатқан конькимен жүгіру спортынан қаланың ашық чемпионаты таяды. Дүниежүзілік коньки тебу күніне орай ұйымдастырылған «astana open» турнирінің тартысты өтуіне өзге өңірлерден келіп қатысуға ниет білдірген балалар мен жасөспірімдер, спорт мектебінің ұландары себепші болды.
Қоғам • 30 Қараша, 2022
Астанада жылдар бойы құрылысы тоқтап тұрған нысандар баршылық. Күрделі мәселеге жергілікті әкімдік пен қала халқы алаңдаулы. Мәселенің шешімі ретінде қала әкімдігі осыдан 5 жыл бұрын құрылысы тұралаған нысандар туралы жақсы бастама көтерген еді. Ізінше несиелік қаражат есебінен мерзімінен әлдеқайда кешіккен құрылыс жобаларын қаржыландыру мақсатында Астана қаласы әкімдігіне қарасты «Елорда құрылыс компаниясы» ЖШС уәкілетті ұйымы құрылды.
Қоғам • 29 Қараша, 2022
Қоғам емі күрделі немесе айықпас дертке шалдыққан балалардың көңілін аулап, өмірге құштарлығын оятумен шектелмей, қолдан келгенше жәрдемдесуге әркез дайын. Мұның дәлелі, «Армандар орындалады» жобасы аясында демеушілер 3 пен 14 жас аралығындағы 110 баланың арман-мұратын орындады. «Қазақстан медицина жастары» қоғамдық бірлестігі қолға алған әлеуметтік жоба Ақпарат және қоғамдық даму министрлігінің қолдауымен Азаматтық бастамаларды қолдау орталығынан бөлінген грант арқылы үйлесімді іске асырылды.
Елорда • 29 Қараша, 2022
Жастар – ел болашағы. Сондықтан бәсекеге қабілетті, дені сау ұрпақ қалыптастыру мәселесі қашанда назардан түспейді. Л.Н.Гумилев атындағы Еуразия ұлттық университетінде «Жастар есірткіге қарсы! Біз саламатты өмір салтын қолдаймыз!» деген ұранмен өткен акция да соның дәлелі болса керек.
Қоғам • 27 Қараша, 2022
Еліміздің барлық аймағындағы Халықты жұмыспен қамту орталықтары жыл сайын бос жұмыс орындар жәрмеңкесін ұйымдастыруды дағдыға айналдырғалы қашан. Себебі жәрмеңкеде жұмыс беруші мен жұмысшы бәзбіреудің нұсқауынсыз тікелей жүздесіп, кеңесіп, бірер күнде-ақ еңбек шартын жасаса болады. Жуырда Астана қаласындағы Жастар сарайында оныншы рет ұйымдастырылған жәрмеңкеде де осы тәртіппен 43 жұмыс беруші 669 бос жұмыс орнын ұсынды.
Медицина • 23 Қараша, 2022
Оңалту орталығындағы орайлы істер
Елімізде балаларды оңалту орталықтарына сұраныс жылдан-жылға артып келеді. Қазір бірнеше өңірде балаларды оңалту орталықтары ашылса, онда көрсетілетін қызмет сапасын жақсартуға да баса мән берілуде. Бірақ ерекше бала тәрбиелеп отырған отбасылар перзентін қолдан келсе, елордадағы University Medical Center корпоративтік қорының Балаларды оңалту ұлттық орталығына апаруды құп көреді. Біз аталған орталықтың тыныс-тіршілігімен танысуға барғанда осыған көз жеткіздік.
