Рауан Қайдар
210 материал табылды

Қоғам • 07 Қараша, 2019

Басты мақсат – сұранысқа сай маман даярлау

Елордада Еңбек және халықты әлеуметтік қорғау министрі Біржан Нұрымбетовтің төрағалығымен Кәсіптік стандарттарды әзірлеу жөніндегі басқарушы комитеттің отырысы өтті. Отырыста «Ақпараттық технологиялар», «Байланыс», «Инновациялық қызмет» және «Энергетика» салалары үшін кәсіби стандарттарды дайындау барысы талқыланды.

Әдебиет • 04 Қараша, 2019

Жақсылық жасауда ысырап жоқ, ысырапта жақсылық жоқ

Қазақ баласын үш-ақ ауыз сөзбен тәрбиелеген. Бұл – ұят болады, жаман болады, обал болады. Ұят болады дегені – өлімнен ұят күшті, ұятты істі істеме, «жаным – арымның садағасы» дегені. Жаман болады дегені – «жақсы сөз – жарым ырыс», жамандықтан аулақ жүр дегені, жақсының шарапаты, жаманның кесапаты тиеді деп бағамдағаны. Обал болады дегені – әр нәрсенің сұрауы бар, саған түкке тұрғысыз болған бір нәрсе басқа біреуге өте қымбат болуы мүмкін дегені, ешкімге көлеңкең түспесін деп ескерткені. Иә, бала күнімізден мұндай ескертудің талайын естіп өстік. Одан бөлек «ысырап болмасын», «ысырап қылмаңдар» дейтін қариялардың қатаң қағидалары әлі күнге жадымызда жаңғырып тұр.

Қазақстан • 01 Қараша, 2019

Олжалы он жыл

Ұлтаралық татулық пен бейбіт келісімде өмір сүру – Тәуелсіз Қазақстанның басты ұстанымы. Осы орайда Қазақстан халқы Ассамблеясының алар орны айрықша, атқарар ісі ауқымды екенін айтып өткен абзал. Екі тілде сөйлейтін халықты етене жақындастыратын орталықтың ілгері істері жетерлік. Күні кеше Ассамблеяның Ғылыми-сарапшылық кеңесінің 10 жылдығына арналған «Әралуандықтағы бірлік: қазақстандық және халықаралық тәжірибе» атты ғалымдар мен сарапшылар форумы өтті.

Әлем • 30 Қазан, 2019

«Қазақтың Моцарты» оқуын тәмамдады

Топқа салса тоқтамайтын, сөз сөйлесе сүрінбейтін өне бойы өнерге толы өрендер көп­шіліктің батасымен көгеретіні белгілі. Елден алған батасын екі еселеп қайтарып жатқан же­тіс­­тігіне жұрт сүйсінген оғыландарымыз же­тер­­лік. Бүгінгі кейіпкеріміздің де тұла бойы тұн­ған өнер. Сол өнерінің арқасында Қазақ­стан­ның мәдени мәртебесін әлем алдында асқақ­татып жүр.

Қазақстан • 28 Қазан, 2019

Баспасөзге жазылу басталды

Жақында «Қазпошта» акционерлік қоғамының Нұр-Сұлтан қалалық филиалында кезекті мерзімді баспасөзге жазылу науқанына арналған акция өтті. Жыл сайын «Қазпошта» АҚ мерзімді басылымдардың өкілдері мен қалалық оқырмандардың арасында баспасөзге жазылу күнін өткізеді. Бұл күні оқырмандар өздерінің сүйікті газет-журналдарына жазылып, редакция өкілдеріне сауалдарын қойып, шара барысында жылы лебіздерін арнап, мәре-сәре болып қалады.

Спорт • 25 Қазан, 2019

Мейкатон марафоны өтеді

«Мүмкіндігі шектеулі жандарға арналған жаңа прототиптерді ойлап табу мейкатон TOM: Nur-Sultan» жобасы 25-28 қазан күндері Нұр-Сұлтан қаласында өтеді. Шарапатты шараның мәні мен маңызы туралы баспасөз мәслихатында «Қазақстандағы Тель-Авив университетінің достар қауымдастығы» ЗТБ вице-президенті Сания Арапова, «Астана жастары» жастар ресурстық орталығының басшысы Чингиз Маратұлы, «Қазақстан мүгедектер конфедерациясы» РҚБ атқарушы директорының орынбасары Александр Хоркин кеңінен айтты.

Қоғам • 24 Қазан, 2019

Қос ғылымды серік еткен Серікболсын

Домбыра алса әнші, доп ойнаса спортшы болып кететін жаратылысынан жан-жақты жандар айналасына қашанда ардақты. Абыройы да асқақ, беделі де биік. Аудан түгілі аумағына, орта түгілі облысына танымал осындай кейіпкерлерді кездестіру қиын емес. Болмыс-бітімі, тұлға-тұрпаты келіскен өн бойы өнерге, сымбаты спортқа бейім жандарды құрбылары құрметтеп, ағайыны ардақтап, қоршаған ортасы қолынан келгенше әлпештеп, әспеттеп жүретінін көресіз. Оның бәрі адам бойына біткен қабілет пен қасиет деген ерекше екі ұғымның ұштасуынан туған бірегей дүние. Сондай соқпақты жасап, көпшіліктің көзайымына айналып үлгерген үміткерлерге біздің қазақ «сегіз қырлы, бір сырлы» деп тарихи таңба боларлықтай мәртебелі мөр басқан. Баянауылдың бауырынан, Жаяу Мұсаның ауылынан шыққан Серікболсын Дүйсембай да бір бойына қаншама қабілет дарыған дарынды жас азаматтардың бірі.

Аймақтар • 24 Қазан, 2019

Мемлекеттік тіл мерейі қайтсе көтеріледі?

Келелі кеңесте кемел ой, кестелі сөз сөйлеу үшін кемеңгерге керегі алдымен көркем тіл. «Тілі жоғалған жұрттың өзі де жоғалады», деп Ах­мет Байтұрсынұлы айтқан ата­лы сөз ұрпақтан-ұрпаққа жалғасқан тәлімді тәмсілге айналды.

Қоғам • 22 Қазан, 2019

Арақтың ақыры ажалға апарады

Ұлттық ұстанымымызға, болмыс-бітімімізге сай келмейтін кейбір келеңсіз іс-әрекеттер орын алса «қап, әттеген-ай» деп қапаланбайтын қазақ кемде-кем. Жаһандану көшіне ереміз деп жүргенде еңсеміз төмендеп, рухани құндылықтарымыз құлдырап, отбасының, әке-шешенің алар орнын аласартып алған жоқпыз ба?!

Қазақстан • 21 Қазан, 2019

Биометриялық төлем жүйесі де жақын

Елордада «Астана LRT» ЖШС Face pay биоме­триялық мәлімет­тер ар­қылы жолақы төлеу­дің жаңа тәсілі туралы бас­пасөз мәслихатын өт­кіз­ді. Шара барысында жаңа төлем жүйесінің ерек­шеліктері айтылды.