Әдебиет • 28 Қараша, 2022
Адам жан-дүниесінің қатпар-қатпар сырына, құбылмалылығына, түу тереңде тыншып жатқан кей мінездердің кездейсоқ бір сәттерде шыға келетініне шын өмірден гөрі көркем шығармада анық көз жеткізіп жатамыз. Әрине, нағыз суреткер жазушы ғана кейіпкердің санасына дейін сәуле түсіріп, ішкі күйін, әр сезімін, түрлі оқиғадағы жылт еткен ойын, әсерін, толғанысын шебер жаза алады. Сұлу сөз, сылдыр сөйлем, жансыз теңеуден ада қаламгер ғана адам жанының әр толқуын шынайы жеткізе алады.
Қоғам • 25 Қараша, 2022
Кейінгі уақытта елімізде шығармашыл жастарды қолдау мақсатындағы түрлі жоба көбейіп келеді. Мемлекет басшысы Қасым-Жомарт Тоқаевтың тікелей тапсырмасымен қолға алынып жатқан бастамалар бұл күнде нәтижесін беріп те үлгерді.
Қазақстан • 24 Қараша, 2022
Біз залға кіріп келгенде белгісіз бір бояуға толы дауыс шығып жатты. Белгісіз бір бояу дейтініміз, әншінің кәдуілгі сыңғырлаған нәзік үні де емес, қобыздың үніндей қоңыр дауыс. Бір уақытта мұңды, енді бір сәтте зарлы әуезге ауысып, әншінің сонау жан түкпірінен талмаурап, тұншыға шығып жатқандай.
Қазақстан • 23 Қараша, 2022
Өзбек мәдениеті күндері басталды
Ауылы аралас, қойы қоралас жатқан ағайындардың қай-қайсысының да түп тарихы, өнері мен салт-дәстүрі, әдебиеті мен мәдениеті қазақ елімен тереңнен тамырласып жатыр. Бауырлас халықтардың түрлі тараптағы бекем байланысы бүгінгі таңда да жалғасып келеді. Мәселен, күні кеше ғана ел астанасында басталған ауқымды іс-шаралар өзбек халқының өнеріне арналды. Өзбекстан Республикасының Мәдениет күндері аясында өтіп жатқан рухани жиын екі күнге жалғасады.
Әдебиет • 21 Қараша, 2022
Мына жарық әлемге алғаш адам аяғы тиіп, тіршілік басталғалы бері айтылатын жалғыз ақиқат бар: өмір – күрес. Сонда жұлдыз аққандай бір сырғып өте шығатын ғұмырда адам не үшін, кім үшін күреседі дейсің. Жаны үшін бе, малы үшін бе, атақ-абырой, жақсы сөз үшін бе, әлде ел мен жер, тіл үшін бе? Бәлки, шындық үшін, әділдік үшін, арынан аттатпас көзқарасы үшін күресер? Ал мәңгілікке созылардай жан дүниеңнің парша-паршасы шығып, өзіңмен өзің күресудің ауырлығы тіпті сұмдық. Алашапқын өмірдің соңғы минуттары түгесілгенше бітпейтін әйтеуір бір күрес.
Кино • 02 Қараша, 2022
«Қазақанимация»: мақсат пен міндет
Тәуелсіздік алған жылдары елімізде көркем өндіріс саласы, атап айтсақ, әдебиет, театр, кино, анимация белгілі бір деңгейде нәтижесіздік күйінде болды. Әрине, отыз жылдағы мәдениет пен өнердегі жетістіктерді жоққа шығара алмаймыз. Десек те қазір ел руханиятындағы әр салада жүйесіздіктен туындаған үлкен мәселелердің бары анық. Барлығына кәсібилік һәм қаржылық қолдау жетіспейді. Анимациялық фильм тақырыбында да сол түйткіл: шектеулі уақыт, шала мультфильм, ізденіс жоқ, мүмкіндік аз, тендерге тірелген тірлік.
Театр • 02 Қараша, 2022
Тылсымын ішіне бүккен қуыршақ өнері ерте замандардағы жәрмеңкелерден бастау алып, бүгінде балаларға рухани-мәдени өмірдің алғашқы баспалдағы болып отыр. Сахнада тірі адам секілді ойнап-күлетін һәм түрлі-түсті образдарымен көңілді аулап, жақын досыңдай сыр шертетін қуыршақтар бала-көрерменнің санасына тез сіңіп, рухани иммунитетін қалыптастырады. Құндылықтар ауысқан қазіргі қоғам бала тәрбиесіне ықпал ететін сахналық мәдени іс-шараларға мұқтаж екені мәлім.
Ахмет Байтұрсынұлы • 01 Қараша, 2022
Ақаң мерейтойы – Түркия төрінде
Ұлт ұстазының 150 жылдық мерейтойына орай ТҮРKСОЙ аясында Ыстамбұл қаласында «Ахмет Байтұрсынұлы және түркі өркениеті» атты ғылыми конференция өтті. Алқалы жиынға Түркі мемлекеттері ұйымының Бас хатшысы Бағдат Әміреев, ТҮРКСОЙ Бас хатшысы Сұлтан Раев, Халықаралық Түркі академиясы президентінің міндетін атқарушы Маджидли Физули, Қазақстан Республикасының Түркия Республикасындағы Төтенше және өкілетті елшісі Еркебұлан Сәпиев, Қазақстан Республикасының Ыстамбұлдағы Бас консулы Әлім Байел, Ыстамбұл университетінің ректоры Махмут Ак, сондай-ақ осы шараны халықаралық деңгейге көтеруге атсалысып жүрген велошеруші, аудармашы Ернат Мелсұлы қатысты.
Өнер • 01 Қараша, 2022
Мың-сан бояудың толқыны есетін картинада бейнеленген пейзаж, портрет, образдан басқа көңіл күй де болады. Иә, суретшінің көңіл күйі. Мұны кейде автордың көзқарасы деп те жатамыз. Кез келген суретшінің шығармасынан кімде мұң көп, кімде шуақ көп, кім философиялық ойларға жиі барады – қолтаңбасы анық байқалады. Мәселен, француз суретшісі импрессионист Огюст Ренуарды өнертанушылар «бақыт суретшісі» дейді. Мына жарық әлемге ынтық Ренуар қолына қылқаламын алғанда ылғи реңді сәттерді, жақсы әсерлерді сездіруге тырысады.
Руханият • 01 Қараша, 2022
Астананың музыкалық өмірі ерекше джаз концертімен толықты. Еркеғали Рахмадиев атындағы Мемлекеттік академиялық филармониясы сахнасында пианист Сергей Ким елордалық Үрлемелі аспаптар оркестрімен бірге «All the Jazz» концертін ұсынды.
