Әдебиет • 16 Қазан, 2020
Сары ала күз. Сағыныш. Сарыала қаз
«Күз аспаны күңгірт, бұлыңғыр. Ауада дымқыл сыз бар. Таң салқыны қазір күздің суық желіне айналған. Маңайда қызарып солған қурайлар көп көрінеді. Бүрінен айырылған тобылғы да қуқыл реңді. Ұзарып сарғайған селеу мен бозғыл көде, жусан – бәрі де жел лебінен қалтырайды. Бас шұлғып, елбек қағады. Қара жел қуған қаңбақ та Ерілінің кең жазығында көп бұлаңдап, тынымсыз кезіп, жосып өтеді. Таң жаңада атқан. Салқын түннің қалың шығы жүргіншілердің аттарының тұяғын жылтыратып, шашасына шейін суландырған». Мұхтар Әуезов, «Абай жолы»
Сұхбат • 16 Қазан, 2020
Жұмабай Шаштайұлы: ...Абайға ғана жарасады
Әдебиетте өзін «үлкен адамға» баламайтын, мақтау-мадақ, жағымпаздық сынды «шығармашылық» ғадеттерден ада жазушыларды кездестіру өте қиын. Қазақ прозасына «Аспанқора», «Шал мен жылқы», «Құралайдың салқыны» сынды классикалық шығармаларды сыйлаған жазушы Жұмабай Шаштайұлы – сол саптағы аздаған қаламгердің бірі. Өмірде де, жазуда да тым шынайы қаламгермен жаттанды сұрақтарымызды жиып, әдеби өмірдің соқпағы мен сүрлеуі һәм азын-аулақ бақыты жөнінде шын сөйлесуге ниеттендік.
Әдебиет • 15 Қазан, 2020
Жазудың ғұмыры ең соңғы адамға дейін
Ғалымдардың зерттеуінше, осыдан бес мың жыл бұрын алғашқы жазу пайда болыпты. Ежелгі адамдар өз ойларын жеткізу үшін әр сөзге сурет, яки бір шартты белгі қойыпты деседі. Содан бері талай ғасыр сырғыды. Уақыт өткен сайын адамзат қарыштап дамып, түбі өркениетке жетті. Әуелде тасқа қашалған жазулар кейін көркем сөзге айналып, әдебиет деген үлкен өнер кеңістігін құрды.
Руханият • 13 Қазан, 2020
Рахымжан Отарбаев атындағы стипендия тағайындалды
«Рахымжан Отарбаевтың Руханият Қоры» жеке қоры жыл қорытындысы ретінде қазіргі әдебиеттегі талантты жастарды қолдау мақсатында арнайы стипендия тағайындады.
Өнер • 13 Қазан, 2020
Сынаптай зырғыған уақыт бәрін ұмыттырады дейді. Жас қартаяды, дүние ескіреді, көне жоғалады. Яғни тірлікте ештеңенің мәңгілік баяны жоқ. Бұл, әрине ғарыштық өлшеммен қарағанда. Алайда жақсы адамдар һәм жақсы шығармалар, жақсы әндер ұмытылмаса, кейінгілердің көңіл түкпірінде сақталса екен дейсің. Қазақ өнерінің бергі тарихында тасада қалған немесе өмірден ерте озған таланттар баршылық. Қазіргі ұрпаққа беймәлім сол дарындарға іздеу салып, өмірінен бір үзік сыр тарту мақсатында біраз уақыттан бері «Ұмытпаңдар мені» айдарын қайта жаңғыртқан едік. Осы орайда ақын, Қазақстанның еңбек сіңірген қайраткері Ғалым Жайлыбай сазгер Қасымхан Асанов туралы әсерлі әңгімесін баяндап берді.
Руханият • 12 Қазан, 2020
Бүгінде мына әлем «қанша жазушы болса, сонша оқырман қалды» деп дүрлігуде. Сөз-ақ. Бұл дабыл, әсіресе қазақ қоғамына шақ келіп тұр (һәм бұнымыз «оқымайдылап» өзеурегеніміз емес). Тіпті бұдан да ауыр «қылмысымызды» еске түсіріп, жүректі сыздатады. Ол қайсы десеңіз, айналамызда кітап оқымайтындар көп, ал оқитындары қазақ авторларын оқымайды. Біздің мәселе ішіндегі мәселеміз осы.
Әдебиет • 12 Қазан, 2020
Жуырда ақын, әнші-сазгер Елена Әбдіхалықованың «Менің жалғыз жұлдызым» атты жыр жинағы мен «Сағыныш-ғұмыр» атты ән жинағы жарық көрді.
Әдебиет • 12 Қазан, 2020
Мың жұлдыздан бір жұлдыз (Әдебиет саласы бойынша биылғы Нобель сыйлығының иегері – Луиза Глюк)
Өткен бейсенбіде Швед академиясы Әдебиет саласы бойынша Нобель сыйлығының иегерін жариялады һәм үздіге күтіп отырған бәрімізді сұмдық таңғалдырды. Алады-ау деген франциялық Конде аңтарылған күйі қалды, ал көрші елдегі Улицкая бір жылап алып, келесі жылдан тағы үмітті. Нобель айқасында бұлардың бәрі бір төбе болса, «өзіміздің» Мураками бір төбе («өзіміздің» дейтініміз Муракамиді оқитын қазақ оқырмандары өте көп). Оның осы жолы да, әдеттегідей, аты озбады. Бірақ беті қайтып, аһ ұрып отырған ол жоқ. Дегенмен қазақы кең пейілімізге салып, қайтпас қайсар Муракамиге «көңіл айтамыз».
Абай • 09 Қазан, 2020
Елорда төрінде қазақ халқының дара һәм дана ақыны Абай Құнанбайұлының 175 жылдық мерейтойына арналған «Абай және адамзаттық гуманизм» атты халықаралық форум өз жұмысын бастады. Абай шығармаларындағы өзекті тақырыптарды ғылыми тұрғыдан терең зерделеуге һәм абайтану саласындағы түрлі тенденцияларды саралауға арналған форумның бүгін – екінші күні.
Әдебиет • 08 Қазан, 2020
Толстой «менсінбеген» Нобель (Бүгін – Лев Толстой Нобель сыйлығынан бас тартқан күн)
Бір ғасыр бұрын, яғни 1906 жылдың 8 қазанында орыстың ұлы жазушысы Лев Толстой әйгілі Нобель сыйлығынан бас тартыпты. Һәм «әлдеқандай керосин сатушы Нобель сыйлығын ұсынады, бұл қалай болды?» деп мысқылдапты-мыс.
