Қазақстан • 30 Сәуір, 2021
Бәйтерек бейнелі елдің діңі – бірлік
Қазақ елі жапырақ жайған алып бәйтерек іспетті. Жайқалып өсіп, жыл өткен сайын бұтағына бұтақ қосып келеді. Бұтақ дегеніміз – татулығы балталаса да бұтарланбайтын этностары, жапырағы – жаңа өмірге жаны құштар жастары. Діңі – бір атаның баласындай біте қайнасқан бірлігі, тамыры – қатпар-қатпар тарлан тарихы. Тамырдан нәр алмаса, жаңа өмір жаралмайды. Тамыр бүлінсе, тарих үзіледі. Дің босайды, бұтақ қуарады. Тәубе, тәуелсіз елдің тәу етер татулығына сызат түсіп көрген жоқ. Айрандай ұйыған ынтымағымыз, келісімге деген кемел ынтызарымыз бар.
Саясат • 29 Сәуір, 2021
Қоғамдық кеңестер қызметі күшейтіледі
Елімізде азаматтық бастамаларды қолдау және дамыту мәселелері бұған дейін де аз айтылған жоқ еді. Әлі де айтылып жатыр. Мемлекетімізді алға бастыратын айқын қадамдарға ең алдымен осындай бастамалар қозғау болатыны анық. Осыған байланысты Орталық коммуникациялар қызметінің алаңында баспасөз мәслихаты ұйымдастырылып, бұл бағытта атқарылып жатқан бірқатар жұмыс сараланды.
Қоғам • 27 Сәуір, 2021
Ұлттық ұланның жауынгерлері қала көшелеріндегі қоғамдық тәртіпті сақтауға атсалысып, аса маңызды мемлекеттік нысандар мен түзеу мекемелерін күзетеді. Күн сайын 6 мыңнан астам әскери қызметші полициямен бірге жауынгерлік қызметке шығады. Бұл туралы Орталық коммуникациялар қызметінің алаңында өткен «Ұлттық ұландағы қызметтің ерекшеліктері» тақырыбындағы баспасөз мәслихатында айтылды.
Қоғам • 26 Сәуір, 2021
Адами капиталды дамытудың үздік үлгісі
Білектің күшіне, найзаның ұшына арқа сүйеген батырлар заманы өтіп, білім мен ғылымның салтанат құрған дәуіріне ат байлап тұрмыз. Алаш ардақтысы Абылай ханның «Білекке сенген заманда ешкімге есе бермедік, білімге сенген заманда қапы қалып жүрмелік» деген аталы сөзі – соның дәлелі. Тәу етер тәуелсіздік жылдарында нақ осы білім саласына баса назар аударылып, талай игі іс тындырылғаны анық. Мәселен, Елбасы Жарлығымен бастау алған халықаралық «Болашақ» бағдарламасы түлектерінің саны бүгінде 11 мыңнан асып отыр.
Қоғам • 15 Сәуір, 2021
Есірткі: Интернеттегі сауда ерік бермей барады
Құқық қорғау органдары әлемдегі «көлеңкелі бизнестің» көш басында адам, қару-жарақ және есірткі саудасы тұрғанын айтады. Аталған қылмыстардың алғашқы екеуі Қазақстанда қарқын алып тұрмағанымен, есірткі саудасына қатысты жағымсыз жайттар әлі де тыйылар емес.
Саясат • 13 Сәуір, 2021
Осыдан тұп-тура 60 жыл бұрын Байқоңыр ғарыш айлағынан «Восток-1» кемесі әуеге көтеріліп, адамзат баласы алғаш рет ғарыш кеңістігіне көтерілген болатын. Содан бері 12 сәуірді Дүниежүзілік авиация және ғарышкерлер күні ретінде атап өтіп келеміз. Биыл да солай. Елордадағы Ұлттық әскери-патриоттық орталығында қазақстандық тұңғыш ғарышкердің аспан әлемін бағындырғанына 30 жыл толуына орай «Ғарышқа жол» тақырыбында келелі кездесу ұйымдастырылды.
Қоғам • 09 Сәуір, 2021
«Сәуір болмай, тәуір болмайды» екен. Қазақстанның солтүстік, шығыс, батыс, орталық өңірлерінде енді-енді қасат қардың көбесі сөгіліп, Жер-Ананың бауыры жіби бастады. Алайда алты ай жауған қардан аяқ асты құтыла салмайтынымыз анық. Өзендер ернеуінен асып, қызыл су қырға жайылып жатыр. Төтенше жағдайлар министрлігінің мәліметіне сүйенсек, ел аумағында 43 мыңнан астам адам тұрып жатқан 171 елді мекенді су басу қаупі бар.
Қоғам • 29 Наурыз, 2021
Бақылаусыз жүрген бала көп (Сол үшін былтыр 57 мың ата-ана жауапқа тартылды)
Сәт сайын түрленіп жатқан әлемде арманымызды сабақтап, алдағы күнге үмітімізді жалғайтын балалардың қауіпсіздігі мен амандығы қай ата-ананы болсын алаңдатады. Қолда барымызды сәбилеріміздің аузына тосып, оларды көзіміздің қарашығындай қорғағымыз келеді. Әр отбасының, ол аз десеңіз бүтін бір Отанымыздың мүддесі – осы. Өкінішке қарай, бәрі біз қалағандай бола бермейді. Кейде балалардың да құқығы бұзылып, ар-намысы аяқ астында тапталып жатады...
Саясат • 26 Наурыз, 2021
Қатаң жазадан қаймыққан ұры шамалы...
Елімізде сан жылдап табан етін тоздырып, маңдай терін төккен малшыны әп-сәтте сан соқтырып кетіп жүрген ұры-қарының айла-шарғысы тыйылар емес. Өткен жылдың өзінде осы қылмысқа қатысы бар деген күдікпен 1433 адам қамауға алынып, тиісті жаза қолданылды. Бүгінгі «барымташыларға» қолды болған 14 мың бас түліктің 6 мыңы ғана иелеріне қайтарылса, қалғаны қара ниеттілердің қанжығасында кеткен көрінеді.
Қоғам • 26 Наурыз, 2021
Барысымыз барда – намысымыз бар
Әлеуметтік желіде теңіз деңгейінен 2900 метр биіктікте түсірілген теңдессіз кадр тарап жатыр. Бейнетаспада Ақсу-Жабағылы мемлекеттік табиғи қорығында фототұзаққа түсіп қалған мемлекетіміздің символы – қар барысы анық аңғарылады. Жағымды жаңалықты Экология, геология және табиғи ресурстар министрлігі Telegram-дағы ресми парақшасында бөлісті.
