Рауан ҚАБИДОЛДИН«Egemen Qazaqstan»
334 материал табылды

Қоғам • 22 Маусым, 2022

Әуелгі назарды әлеуметтік қолдауға аударған жөн

Жаңа Қазақстанның алдында тұрған жарқын міндет – жұртты жұдырықтай жұмылдырып, ұлтты балталаса бұзылмайтындай етіп ұйыстыру. Әрине, жылдар жылжыған сайын тұрғындардың тұрмысы түзеліп, белгілі бір деңгейде жағдайы жақсарып келеді. Алайда бес саусақ бірдей емес. Өмір болған соң адамзат баласы түрлі қиындықтарға тап болып, оқыс оқиғаларға ұшырап жатады. Сондықтан әлеуметтік көмек көрсету, қолдау шаралары жолға қойылған мемлекетте ғана халықтың өмір сапасы артады, ұлт болып ұйысады.

Медицина • 21 Маусым, 2022

МӘМС: Сақтандырылған пациенттің сағы сынбауға тиіс

Отандастарымыздың денсаулығын сақтау мәселесі күн тәртібінен түспейтін күрделі мәселе екені анық. Әсіресе жаһанды жайлап алған COVID-19 инфекциясы кезінде бұл салаға ерекше мән берудің маңызы артты. Алайда әбігерге салған індетті әупірімдеп жүріп еңсеріп, аурудың беті бері қараған шақта да ақ желеңді азаматтардың иығында тұрған жауапкершілік жүгі бір мысқал кеміген жоқ. Кемігені былай тұрсын, атқарылар жұмыстың ауқымы кеңейді. Бұған еліміздегі міндетті әлеуметтік медициналық сақтандыру жүйесінде қолға алынып жатқан қыруар жұмыс дәлел бола алады.

Қазақстан • 19 Маусым, 2022

Дәрігерлерге сұраныс екі есе өсті

Былтыр Мемлекет басшысы Атырау облысының әлеуметтік-экономикалық даму мәселелері жөніндегі кеңесте маман тапшылығы мәселесіне тоқталып, «Білікті мамандардың тапшылығы да жағдайды ушықтырып отыр. Облыста 207 дәрігер жетіспейді. Соның ішінде, ауылдық жерлерге 52 дәрігер қажет», деген еді. Бұл бір ғана өңірдегі жағдай. Ал ел аумағындағы жалпы көрсеткішті біреу білсе, біреу біле бермейді.

Қоғам • 16 Маусым, 2022

Аумақтарды дамыту үшін бірыңғай стандарт қажет

Жаһандану дәуірі дүниежүзілік дамудың даңғыл жолын ауылмен емес, қаламен байланыстыратыны бесенеден белгілі. Соның жарқын дәлелі ретінде, еліміз егемендік алған жылдардан бері қалаға ағылған тұрғындардың қарасы көбейгенін айта аламыз. Әрине, оның да өзіндік себебі бар. Елді мекендердегі жаппай жұмыссыздық ауыл тұрғындарын амалсыз қалаға итермеледі. Есесіне, елімізде урбан­далу процесі жылдар жыл­жыған сайын арта түсті.

Медицина • 15 Маусым, 2022

Жүктілікті жоспарлау: Ұрпақ саулығы құрсақтан басталады

Шаңырақтың шаттығы – нәрестенің тәтті үні. Солай бола тұрғанымен, жүктілікті жоспарлау мәселесіне келгенде оған бас қатырып, ой елегінен өткізіп жүрген отандастарымыз некен-саяқ. Ашық айтыла бермейтін аса нәзік мәселе десе де болады мұны. Неге? Себебі Жаратқанның ісіне жағаласудың қажеті не деп жазғыратындар да табылады. Алайда әрбір әйел заты өзіне, өзінен бұрын дүниеге әкелетін нәрестенің денсаулығына қатысты жауапкершілік жүгін арқалайтынын да қаперден шығармаған абзал.

Қоғам • 14 Маусым, 2022

Еңбек нарығындағы еншімізден айырылмайық

Еліміздегі еңбек нарығында білікті мамандар мен жауапты жұмысшыларға қашан да сұраныс бар. Соған қарамастан жыл басынан бері Электронды еңбек биржасында жұмыс іздеп жүрген 157,8 мың адам тіркеліп отыр. Әрине әрбір жұмыс беруші тұлға маманды қарым-қабілетіне, біліміне, тәжірибесіне қарай қызметке қабылдайтыны анық. Себебі жұмыс өнімділігі – кадрдың кәсібилігіне тікелей байланысты. Бір өкініштісі сол, 160 мыңға жуық отан­да­сымыз екі қолға бір күрек таппай жүрген кезде, 15 мыңға жуық шетел азаматы қалтасын Қазақстанға келіп қалыңдатып жатыр.

Қоғам • 07 Маусым, 2022

Әуелгі басымдық балаларға беріледі

Елімізде міндетті әлеуметтік медициналық сақтандыру жүйе­сінің жұмысы жыл санап сәтімен жүзеге асып келе жатқаны анық. Әсіресе, балаларды емдеу мәселесінде ілкімді істер атқарылып келеді. Мәселен, 2022 жылдың 1-тоқсанында бала­ларға аталған жүйе бойынша 2,77 млн-нан астам стома­тологиялық қызмет көрсетілді. Алайда жүйелі жұмыс, маңыз­ды міндет мұнымен шектеліп қалмайтыны белгілі.

Қоғам • 06 Маусым, 2022

Жұмыссыздықты жою үшін жұмылды

Жастар қауымын жұмыспен қамту мәселесі қашан да өзекті. Әрине, елімізде түрлі себепке байланысты екі қолға бір күрек таба алмай жүрген бозбала мен бойжеткен жетіп артылады. Бұл ретте, нақ осы салаға жа­уапты тұлғалар қанаты қа­тайып, буыны бекіген ел азаматтарын еңбекпен қамту ісіне маңызды мән беріп жатқаны анық.

Қоғам • 31 Мамыр, 2022

Ұрпақ амандығы – ортақ жауапкершілік

Әр адамның мойнына жүктелген басты парызы, кісілік борышы өмірге ұлағатты ұрпақ әкеліп, оны аман-есен өсіріп жеткізу болса керек-ті. Өкінішке қарай, жалғанның жарығына келген нәрестенің бәрі бірдей есейіп, ер­жетіп кете бермейді. Оның себебін өмірдің заңы деп түсіндіретіндер де табылар еді. Сонда ата-ана жауапкершілігі, бала қауіпсіздігі мәселесін қайда қоямыз? Әсіре­се қараусыз қалған балалар қауіп-қатерге неғұрлым жиі ұшырай­тынын мойындайтын кез келді.

Медицина • 31 Мамыр, 2022

Қатерлі ісік: Балалар дерті адамзатты алаңдатады

Жаһанды жайлап алған онкологиялық аурулар өкінішке қарай, балаларды да айналып өткен жоқ. Дүниежүзілік денсаулық сақтау ұйымының мәліметі бойынша, жыл сайын жер бетінде 400 мыңға жуық бала мен жеткіншек қатерлі ісікке шалдығады. Ал Қазақстанда жыл сайын шамамен 600 балақай жас талғамайтын жаман аурудан жапа шегеді. Соған қарамастан, отандық дәрігерлер қолдан келген көмегін жасап, күрделі дертпен күн демей, түн демей күрес жүргізіп келеді.