Спорт • 08 Қараша, 2023
Биыл Е.Бөкетов атындағы Қарағанды университетіндегі филология факультетіне 85 жыл, журналистика кафедрасына 30 жыл толды. Осыған орай филология факультеті БАҚ өкілдері арасындағы волейболдан турнир өткізді. Турнир Костенко шахтасындағы қайғылы жағдайды ескере отырып, бір минут үнсіздікпен басталды.
Театр • 07 Қараша, 2023
Сәкен Сейфуллин атындағы театрдың қуыршақ труппасы Оман елінен олжалы оралды. Халықаралық қуыршақ фестивалі Маскат қаласында өтті. Онда қарағандылық өнер ұжымы «Қарлығаштың құйрығы неге айыр?» атты халық ертегісін сахналады. Сөйтіп, «Үздік сахналық костюм үшін» аталымы бойынша жеңімпаз атанды.
Әскер • 06 Қараша, 2023
Жанкештілікпен келген «күрең берет»
Арнайы жасақ сарбаздарына «күрең береттің» иесі атану үшін үлкен күрес қажет. Бұл дәрежеге сапта жүрген жігіттердің бәрі қол жеткізе бермейді. Айтуар Асқар да әуелгіде әлгі ауыр сынақтан сүрінеді. Екінші мәрте бағын сынап, қажыр-қайраты, қайсарлығының арқасында осы дәрежеге қол жеткізген.
Аймақтар • 05 Қараша, 2023
Облыстық маңызы бар қала және аудан әкімдерін сайлау Қарағанды облысында да өтті. Атап айтқанда, халық Приозерск қаласы мен Ақтоғай, Осакаров ауданы әкімдерін сайлауға дауыс берді.
Кәсіпкер • 03 Қараша, 2023
«Даму» қорының қолдауы қомақты
Кәсіпкерлер үшін мемлекет қолдауы аса маңызды. Осы орайда түрлі несие бағдарламалары олар үшін орасан көмек. Өңірдегі кәсібін жаңа ашқандарға «Даму» кәсіпкерлікті дамыту қоры» АҚ аймақтық бөлімшесі қомақты қолдау көрсетіп отыр. Қор мамандарымен бірге көмек алған бизнес мекемелерін аралап көрдік.
Мәдениет • 02 Қараша, 2023
Дәстүрлі ән өнерінің көрнекті өкілі Қазақстанның еңбек сіңірген қайраткері Жақсыгелді Кемаловтың «Айбоз ғұмыр асқақ ән» атты шығармашылық кеші Кеншілер мәдениет сарайында дүркіреп өтті. Өнер кешіне қазақ әнінің абызы Қайрат Байбосынов бастаған небір дүлдүлдер жиналды.
Қоғам • 02 Қараша, 2023
Көмір таппай ел дал, қызығын көрген делдал
Арқаға алғашқы қар жауып үлгерді. Ауылдағы ел-жұрт күздің қара суығы сезіле бастаған бетте пешке от салған. Көп ел көмір сарайын толтырып алған. Қарағандыда былтырғыдай көмір сататын орындарда дүрбелең жоқ. Арнайы орындарда жеткілікті көлемде әзірлеп қойған. Алайда ауылдағы ағайынның қалтасын делдалдар қағып тұр. Қолдарын ысқылаған әлгі алыпсатарлар «апарған көмірімізді бәрібір алады, басқа көмір қайдан келсін?» деген пейілде. Шалғайда жатқан ел шынымен қысқы отынға қалай қол жеткізсін? Амалы жоқ, алады...
Ұстаз • 31 Қазан, 2023
Қарағандыда Ахмет Байтұрсынұлы атындағы білім ошағы бар. Мектеп ұжымы ұлт ұстазының есімін білім ошағына беру мәселесін көп жыл бұрын көтергенімен, сәті кейінде ғана түсті. Осы игілікті шараға ұстаз Сәбира Күлпейісованың қосқан үлесі зор.
Төтенше жағдай • 30 Қазан, 2023
Қарағанды тағы да қара жамылды. Костенко шахтасындағы өрттен 45 кенші көз жұмды. Бір жұмыскер іздестіріліп жатыр. Бұл кен орны да алпауыт «АрселорМиттал Теміртау» АҚ иелігінде. Тағы да – трагедия. Кеше қыршын кеткен есіл ерлерді қабырғасы қайыса еске алған қайран елі аза тұтты. Қарағанды шахталарының мұндай апатты жағдайдан арылатын күні бар ма? Жеті қат жер астындағы еңбек етіп жүрген кеншілердің тағдырына кепіл бола алмаған ірі компанияға деген елдің назасы қатты. Бұл ел тарихындағы өндірісте болған ең ірі апат ретінде аталып отыр.
Оқиға • 28 Қазан, 2023
Костенко шахтасында 11 кенші қаза болды
«АрселорМиттал Теміртау» АҚ-ға қарасты Костенко шахтасынан өрт шықты. Өкінішке қарай, апат кезінде 11 кенші көз жұмып, 18 адам түрлі жарақат бойынша ауруханаға жеткізілді.
