Аймақтар • 15 Мамыр, 2023
«Jetisu IT-Hub» технопаркі ашылды
Мемлекет басшысы Жетісуға келген сапарында инновация және бизнес экожүйесін дамыту керектігін айтып, қажетті «IT-Hub» ашуды тапсырған еді. Жарты жылдан кейін игілікті істің тұсауы кесілді. Жастар ресурстық орталығы жанынан «Jetisu IT-Hub» ашылды. Технопарктің лентасын қиюға Ақпарат және қоғамдық даму министрі Дархан Қыдырәлі арнайы келді.
Өнер • 14 Мамыр, 2023
Бұл картина біздің дәстүрлі ұғымға кереғар интерьерге толы. Мақұлыққа мұнша мән берген шебердің зілді әзілі оқырманды біртүрлі ойға жетелейді. Әуелде жұмсақ орындықта шалқасынан жатқан ит күлкілі көрінгенімен, аздан кейін мазмұн түзеді. Сіз шығармаға қарап отырып, әлдекімге теңеу іздейсіз және бұл әрекетіңізге іштей разы да боласыз.
Құрылыс • 11 Мамыр, 2023
Жетісуда биыл құрылыс жұмыстары қарқынды жүріп жатыр. Пандемияның кесірінен тоқтап қалған кейбір нысандар еңсесін көтере бастады. Мәселен, осы жылы Сарқан ауданында бірнеше әлеуметтік-мәдени орындар ел игілігіне берілмек.
Экономика • 11 Мамыр, 2023
Салықтан жалтарғандар немесе есепте жоқ 692 шаруа қожалығы
Жетісулық шаруа қожалықтары жұмысшыларының табысы мен санын жасырған. Мәселен, өңірде 19 931 шаруа қожалығы тіркелсе, кірістер департаментінде 19 239 тұр. Қалған 692 қожалық санда бар да сапада жоқ. Кейбір кәсіп иелері артық салық төлеуден осылай амалдаса керек. Қазір департамент мамандары тексеру жұмыстарын жүргізіп жатыр.
Саясат • 08 Мамыр, 2023
Шаруалар мәселесі шетте қалмайды
Жетісуға жұмыс сапарымен Парламент Сенатының Аграрлық мәселелер, табиғатты пайдалану және ауылдық аумақтарды дамыту комитетінің депутаттары келді. Оларға қызылша егетін шаруалар тұқымға берілер субсидияның аз екенін әрі ауылдарда да кіші фермерлер одағын құру керектігін айтып, көкейде жүрген басқа да мәселелерін ортаға салды.
Аймақтар • 08 Мамыр, 2023
Мереке қарсаңында баспаналы болған талдықорғандықтардың қуанышы еселене түскендей. Бір сәтте 60 отбасы жаңа қонысқа көшкелі отыр. Жылдар бойы кезекте тұрып, сарыла күткен шаңырақтардың кілті иелеріне табысталды. Ел ерекше қуанышты. Әсіресе кішкентай балдырғандардың жүзі бал-бұл жайнайды. Біз осындай айтулы сәтте қуаныш иелерінің шаңырағынан дәм татып, ақ тілегімізді арнап, құттықтап қайттық.
Әскер • 06 Мамыр, 2023
Жетісу облысында әскери міндеттілердің саны шамамен 27 мың адам. Оның 9 мыңы әскерге шақырылса, 18 мыңы түрлі себеппен борышын өтеуден бас тартқан. Ал биыл жыл басынан бері жалпы өңірден 165 азамат мерзімді әскери қызметке кіріскен. Қазір жас жауынгерлер дайындық үстінде.
Аймақтар • 06 Мамыр, 2023
Жетісуда Екінші дүниежүзілік соғысқа қатысқан көзі тірі 8 ардагер ғана қалды. Оларды әлеуметтік қолдау іс-шаралары тұрақты жалғасын тауып отыр. Осыған орай биыл жергілікті бюджеттен біржолғы материалдық көмек төлеуге 12 млн теңге бөлінген. Одан бөлек, жыл басынан бері батырларымызға коммуналдық қызметтер үшін 250 мың теңге төленген екен.
Құрылыс • 06 Мамыр, 2023
Қараталдағы құрылыс нысандары. Бірі артық, бірі кем…
Қаратал ауданына қарасты Кәлпе ауылындағы орта мектепте 300-ге жуық бала тәлім алады. Өткен ғасырдың 70 жылдары қабырғасы қаланған білім ордасына күрделі жөндеу жүргізу үшін қазынадан 1,6 млрд теңге бөлінген еді. Бұл қаражат – негізінен 960 балалық мектепке арналған қаржы. Егер нысан заманауи тұрғыда қайта жаңғырып ашылатын болса, 60 пайызы бос қалатын түрі бар. Шағын ауылға үлкен мектеп шырай бергенімен, мерейін шығаратын шәкірт тапшы. Ал мамандар оны әу баста ескермеген.
Құрылыс • 05 Мамыр, 2023
Жетісудың орталығы – Талдықорған қаласында тұрғын үйге 15 мыңнан астам адам кезекте тұр. Биыл жоспарға сай 2 мыңға жуық адам баспаналы болмақ. Қазір осы өңірден шыққан меценаттар да шама-шарқынша жетісулықтарға пәтер сыйлап жатыр. Бұл – облыс бюджетіне үлкен көмек. Мәселен, жыл соңына дейін өңір орталығындағы 50 көппәтерлі үй ел игілігіне беріледі.
