Аймақтар • 15 Қыркүйек, 2023
Зауыттар қант қызылшасын қабылдауға кірісті
Әп, бәрекелді десек болатын шығар! «Көктен жаудыр, жерден өңдір» дегендей, биыл шаруалардың көңілі шат. 400 мың тоннаға жуық өнім жинауды мақсат тұтқан өңірдің күзгі науқаны қызып тұр. Зауыт алдында кезек күткен қант қызылшасын тиеген көліктер көңіл сүйіндіреді. Биыл Көксу мен Ақсу қант зауыттары қатар жұмыс істемек. Яғни өнім де мол болады деген үміт зор.
Әскер • 13 Қыркүйек, 2023
Отан алдында борышын өтеп жүрген сарбаздар ұлттың мәдени жауһарларымен жіті таныс болғаны жөн. Әсіресе Жетісу өңірінде елдің айнасына айналған рухани жәдігер жетерлік. Соның бірі – Мұхаметжан Тынышбаев атындағы облыстық тарихи-өлкетану музейі. Жақында Үштөбе гарнизонындағы 15603 әскери бөлімнің сарбаздары рухани шаңыраққа бас сұғып, тұңғыш теміржол инженерінің өмір дерегіне үңілді.
Қоғам • 12 Қыркүйек, 2023
Заман құбылып барады. Байырғы халықтың мәдени келбеті уақыт шекарасынан шығып, бүгінгі субмәдениет өкілдері жаңа ереже қалыптастырды. Бұл үрдіс қоғамды ізгіліктен алыстатып, бүтін мемлекеттің болашағына балта шабуда. Әсіресе жастар жағы рухани тұрғыдан әлсіреп, қатыгездікке ұрынуда. Сондықтан да Жетісуда «Әдеп-тәрбие жөніндегі ментор» жобасы қолға алынды.
Аймақтар • 11 Қыркүйек, 2023
Бикен Римованың 100 жылдығына арналған халықаралық театр фестивалі өтеді
Жетісуда театр саңлағы, әйгілі актриса Бикен Римованың 100 жылдығына арналған «BIKEN» I Халықаралық театр фестивалі өтеді. Айтулы іс-шараға өңір әкімі қолдау көрсетіп отыр. Одан бөлек ТҮРКСОЙ халықаралық ұйымы да атсалыспақ. Онға жуық мемлекеттен келген театр майталмандары Талдықорған төрінде бақ сынайды, деп хабарлайды Egemen.kz.
Аймақтар • 07 Қыркүйек, 2023
Талдықорғанға ақылды аялдама қажет пе? Осы бір сауал жетісулықтарды көптен бері мазалап жүр. Биыл Талдықорғандағы аялдама кешендерін күтіп-ұстауға әрі жөндеуге 80 млн теңге бөлінді. Бұған тұрғындар таңғалып отыр. Себебі смарт аялдамалар өз міндетін толықтай атқарып жатқан жоқ. Әрі шағын шаһардың біртүрлі сәнін құртып тұрғандай...
Аймақтар • 06 Қыркүйек, 2023
Талдықорғандағы Зияткерлік мектептің командасы роботтехникадан ұйымдастырылған олимпиаданың жеңімпазы атанды. Алматы қаласында өткен бәсекеде жетісулық өрендер ерекше көзге түсті. Роботтехникадан республикалық олимпиада Біріккен Ұлттар ұйымының тұрақты даму мақсаттарын орындауға бағытталған. Іс-шара логистика мен цифрлық инфрақұрылымға көмектесетін роботтарды жасау үшін қатысушыларды бір алаңға жинайды.
Мектеп • 05 Қыркүйек, 2023
Көксуда екі жаңа мектеп ашылса, Қараталда гуманитарлық колледж пайдалануға берілді. Одан бөлек, күрделі жөндеуден өткен бірнеше білім ордасы оқушыларды қабылдады. Жарты ғасырдан астам жөндеу көрмеген білім шаңырақтары алыстан көз тартады, заман талабына сай жабдықталған. Ең бастысы, оқушылар мен ата-аналар дән риза.
Мәдениет • 05 Қыркүйек, 2023
Жер жәннаты Жетісуда детектив жанрының шебері, жазушы, журналист, майдангер Кемел Тоқаевтың 100 жылдық мерейтойы өтті. Қасиетті Қаратал өңірінде ірге жайған ұлан-асыр тойға халық көп жиналды. Қазақ күресі, ұлттық ойындар жұртшылықты серпілтті. Әсіресе аламан бәйге ағайынның рухын бір көтерді. Іс-шараны ұйымдастырған – Кемел Тоқаев атындағы қайырымдылық қоры.
Спорт • 04 Қыркүйек, 2023
Тауға шығудың да мәдениеті бар. Қазір өңірде туризмге барынша көңіл бөлініп келеді. Осы ретте Бұрқанбұлаққа бауыр басып, Шаған шыңына шығуға асыққан жастардың саны арта түсті. Олардан үлкендер де қалысар емес. Күні кеше Көксу ауданына қарасты Ақтекше ауылында «Адалдық шыңында бол!» ұранымен республикалық «Шаған тау – 2023» марафоны өтті.
Өнім • 01 Қыркүйек, 2023
Жетісу: жабайы сауданың «жәрмеңкесі»
Талдықорғандағы орталық көшелерде заңсыз саудамен айналысушылар азаяр емес. Бүгінде қала басшысы Ернат Бәзіл сол жабайы сауда жасайтындармен алысып жүр. Жолды бөгеп, кептеліс жасаған ағайынның айтар уәжі – бала-шағаның қамы. Ал әкімдік заңға сүйеніп, шаһардың сәнін бұзуға болмайтынын ескертеді. Тіпті сатушыларға жаңадан жұмыс орнын тауып беруге пейілді.
