Экономика • 01 Қаңтар, 2023
Банк секторының алдындағы міндеттер
Қаржы нарығын реттеу және дамыту агенттігі банк секторын қадағалау саясатының 2022 жылға арналған негізгі басымдықтары шеңберінде екінші деңгейдегі банктермен негізгі міндеттерді орындау мәселелері бойынша тоқсан сайынғы кездесу өткізді. Күн тәртібінде үш мәселе көтерілді, олар – активтер сапасын бағалау (AQR) нәтижелері бойынша қорытындылар, ESG тәуекелдеріне ұшырау дәрежесі туралы ақпаратты жария ету жөніндегі ұсынымдар және стрестік активтерді сату бойынша цифрлық платформа құру жайы.
Экономика • 01 Қаңтар, 2023
Экономика: 2023 жылдан күтеріміз қандай?
Былтыр экономиканың нақты секторлары мен қаржы саласы үлкен сынақпен бетпе-бет келді. Елдің экономикалық картасында үлкен өзгерістер болды. Қаржы саласының субъектілері де желдің қайдан соғарын аңдап үлгерді. Президент Қасым-Жомарт Тоқаев атап өткендей, биыл халықтың әл-ауқатын көтеру, экономиканы әртараптандыру, қаржы секторын берік ете түсу, ең бастысы, қымбатшылықтың алдын алу жаңа қарқынмен жүзеге аспақ.
Руханият • 30 Желтоқсан, 2022
Әсілі, жазушыға қажет қасиеттердің қандай және қанша боларын ешкім де дәл сипаттап, тізіп бере алмас. Әрине, таланты мейлінше тұнық, қиялы барынша ұшқыр болған сайын, жазушының да қаламы жүрдек бола түспек. Жазушы, Мемлекеттік сыйлықтың лауреаты Тұрысбек Сәукетаевтың «Желқайық» романын оқып отырып, авторда терең түйсік, астарлы юмор, асқан суретшілік, байыпты әңгімешілдік бар екенін анық аңғардық. Осының бәрін жалғыз қаламмен жусатып-өргізіп, таңдап алған тақырыбының өзегін ашуда қалауынша пайдаланады. Жазушы шеберлігіне сүйсінесің, ал жазылған шығарманы оқып күрсінесің.
Қаржы • 30 Желтоқсан, 2022
Соңғы бір жылымызға көз жіберіп, көңіл тоқтатсақ, сөздік қорымыздың рейтингі шамамен былай түзілер еді – қаңтар, бизнес, Украина, КТК, банк, кредит, инфляция, базалық ставка, релокация, мобилизация, IPO. Жыл қаңтар қасіретімен басталды, іле-шала Ресей Украинаға басып кірді, бұл Қазақстан экономикасына алапат кесірін тигізді. Салдарынан инфляция шарықтады, банк несиелері қымбаттай түсті. Базалық ставка бірнеше рет көтерілді. Қазақ мұнайының 90 пайызға жуық көлемін экспорттап отырған Каспий құбыр консорциумы (КТК) әлсін-әлсін жұмысын тоқтатты. Қазақстан балама экспорт маршрутын іздеуге белсене кірісті... Одан бері Ресейде ішінара мобилизация басталып, РФ азаматтары Қазақстанға ағылды. Үкімет Президент тапсырмасымен Ресейден кетіп жатқан компаниялар релокациясын жүзеге асыруға кірісті. Одан бері де халықтың несие тұтқынына түскені көп айтылды. Желтоқсанда «ҚазМұнайГаз» IPO-сы өткізілді. Стрестік активтер мәселесі мен жеке тұлғалар банкроттығының ау-жайы келер жылдың басында толық белгілі болмақ. Міне, жылдың қысқаша қаржы-экономикалық картинасы осындай.
Экономика • 29 Желтоқсан, 2022
Қазақ экономикасының басты, жаһан экономикасының жанама қуаты саналатын мұнайдың бағасы кейінгі кезде тұрақ таппай кетті. Қазіргі бағасы біз қуанатындай деңгейде емес. Өткен аптада лондондық ICE Futures биржасында Brent мұнайының ақпандағы фьючерстерінің құны барреліне 79,91 доллар болды. Нью-Йорк тауарлық биржасындағы WTI мұнайының бағасы барреліне 75,62 доллар болып бекіді.
Экономика • 28 Желтоқсан, 2022
Биыл басталған жылдық 4 пайызбен автонесие беру бағдарламасы 2023 жылғы қаңтардың екінші жартысында қайта жалғасады. Жеңілдетілген несие беру жобасы револьверлік механизм негізінде жүзеге асырылмақ. Қазақстан даму банкі хабарлағандай, бағдарламаға қатысатын екінші деңгейлі банктер қазір қарызды ай сайын төлеп отырған тұрғындардан түскен төлемді жинақтап жатыр.
Аймақтар • 27 Желтоқсан, 2022
Алматы облысы тұрғындарының салық берешегі қанша?
Биыл 23-25 желтоқсан күндері Алматы облыстық Мемлекеттік кірістер департаментінің бастамасымен азаматтардың салық берешегін тексеру шарасы басталды. Іс-шара облыстық Ішкі істер департаменті және Жеке сот орындаушылар палатасымен бірлесе ұйымдастырылды. Бастама аясында «Борышкер» рейдтік іс-шарасы Іле және Талғар ауданы маңындағы республикалық маңызы бар күре жолдың бойында өткізілді, деп хабарлайды Egemen.kz.
Қаржы • 27 Желтоқсан, 2022
Елімізде микроқаржы ұйымдарының әлеуеті артып келе жатыр. Бір жылда МҚҰ активтері 55 пайызға, ал несие беру көлемі 58 пайызға өсім көрсеткен. 2022 жылдың маусымындағы дерек бойынша елімізде 243 МҚҰ жұмыс істейді. Бұл 2021 жылдың көрсеткішімен салыстырғанда 12 пайызға көп.
Технология • 21 Желтоқсан, 2022
Смартфондардың 6 пайызы ғана 5G-ға сай
2022 жылдың қарашасындағы жағдай бойынша елімізде ең танымал мобильді телефон атағын Samsung смартфоны жеңіп алған. Statcounter GlobalStats дерегіне қарағанда, оның нарықтағы үлесі 35,6 пайызды құрайды. Басты бәсекелес – Apple үлесі 21,1-ден 24,1 пайызға өскен. Үштікті түйіндейтін қытайлық Xiaomi брендінің үлесі 15,9-дан 19,4 пайызға өскен.
Қаржы • 20 Желтоқсан, 2022
Ұлттық экономика және базалық мөлшерлеменің өзгеруі
Кейінгі бірнеше ай бойы базалық мөлшерлеменің инфляциямен күресте негізгі құралға айналғаны белгілі. Ұлттық банктің хабарлауынша, базалық пайыздық мөлшерлеменің өсуі кредитті қымбат етеді, ал халықтың несиені азырақ алуы түрлі тауарға деген сұранысты төмендетеді. Сөйтіп, инфляция баяулауға тиіс. Әзірге бұл амал өз жемісін беріп жатқан жоқ. Дегенмен Ұлттық банк базалық мөлшерлемені өсіру саясатының ұзақмерзімді перспективада жемісті болатынын меңзейді.
