Экономика • 17 Қыркүйек, 2021
Құрылыс нарығындағы ахуал қандай?
Құрылыс нарығының қазіргі күйін тап басып айту қиынырақ. Бір қарағанда тұрғын үй нарығы қарқынды жұмыс істеуде. Оңды-солды ырғалып жатқан крандар мен биік ғимараттың әр қабатында жыпырлап жүрген жұмысшыда есеп жоқ. Бірақ үй бағасы, оның ішінде құрылыс материалдарының қымбаттауы нарыққа қысым жасайды. Бұл салушылардың да, алушылардың да көңіл-күйін бұзбай қоймайды. Оның үстіне нарыққа келетін, келуі тиіс жаңа трендтер де бар.
Қоғам • 15 Қыркүйек, 2021
Еңбек нарығын қандай өзгерістер күтіп тұр?
Пандемия кезеңінде еңбек нарығының бұрынғыдай болмасы айқындалды. Онсыз да өзгергелі жүр еді, індет келіп, бүкіл процес тіпті жеделдеп сала берді. Кәсіптердің форматы ауыса бастады, талаптардың өлшемі өзгерді. Мұндай алапат өзгеріс Қазақстанды да айналып өтпейді. Әрине, бажайлап қарасақ, жаһандық үрдістерді біз де сезіп жатырмыз. Жұмыс беруші, жұмысшы, бизнес және Үкімет – міне, осы төрттік өз мүддесін заманауи үрдіске қаншалықты тоқайластыра алады, мәселе сонда болып тұр.
Экономика • 15 Қыркүйек, 2021
Базалық мөлшерлеме баспана нарығына қалай әсер етеді?
Ұлттық банк базалық ставканы 9,5 пайызға көтерді. Бұл өз кезегінде несие пайыздарының өсуіне де ықпал етеді. Осы ретте ақша-несие саясатының қатаңдауы тұрғын үй нарығына қалай әсер етеді деген заңды сауал да туындайды.
Президент • 14 Қыркүйек, 2021
Президент Тоқаев соңғы екі Жолдау қатарынан бюджет мәселесіне айырықша тоқталды. 2020 жылы Мемлекет басшысы керек жобаға ғана қаржы бөлейік, ақшаны суша сапыратын заман келмеске кетті десе, биыл бюджет кірісін арттыру үшін жедел түрде шара қабылдау қажет деп тапсырма берді. Бұл – сөздері әртүрлі болғанымен, түпкі мазмұны бір мәселе. Бүтін елдің қаржылық тұрақтылығын меңзейтін проблема.
Қаржы • 09 Қыркүйек, 2021
Халықаралық қаржыландыруға мұқтажбыз ба?
Халықаралық даму банктерінің Орталық Азия елдерін қаржыландыруы бір жыл ішінде бір жарым есе өскен. Бүкіл қаржыландырудың 85 пайызы Өзбекстан мен Қазақстанға тиесілі. Ал екеуара бәсекеге салар болсақ, көрші ел халықаралық банктер қаржысын көбірек иеленген.
Қаржы • 09 Қыркүйек, 2021
Тұтынушылық мақсаттағы несиелеу ұлғайды
Биыл екінші тоқсанда отандық банктер капиталының орташа табыстылық көрсеткіші 37 пайыз, яғни рекордтық деңгейге жеткен. Несие бойынша резервтік шығындардың төмендеуінен және несиелеудің жылдам қарқынмен өсуі осыған себеп болған.
Қоғам • 08 Қыркүйек, 2021
Баспаналы болуға бастайтын тағы бір қадам
Баспана – біздің елдегі ең басты, аса өзекті мәселелердің бірі. Әрбір отбасының берекелі, баянды тіршілігінің бастауы баспаналы болудан басталатынын айтып жатудың өзі артық. Сондықтан мемлекет осы мәселені ұдайы назарда ұстап, түрлі бағдарлама арқылы шешімін табуға тырысып келеді. Бұл орайдағы нәтижелі қадамдардың бірі, сөз жоқ, Президенттің бастамасымен зейнетақы қорындағы қаражатты баспана алу, ипотекалық несиені жабу үшін пайдалануға рұқсат беру болғаны анық.
Технология • 03 Қыркүйек, 2021
«Цифрлы теңге» енгізіле бастады
Қазақстан Ұлттық банкі «Цифрлы теңге» қанатқақты жобасының жүзеге асырылу барысын талқылау үшін қаржы нарығына қатысушы тараптармен кезекті кездесуін өткізді. Пікірталасқа Қазақстан қаржыгерлер қауымдастығы, екінші деңгейлі банк өкілдері мен халықаралық сарапшылар қатысты.
Экономика • 03 Қыркүйек, 2021
Ұлттық банк экономиканың нақты секторындағы кәсіпорындар арасында сауалдама жүргізіп, екінші тоқсандағы негізгі көрсеткіштерді анықтаған. Оның нәтижесі бойынша, тау-кен өнеркәсібінен және көлік пен қоймада сақтау саласынан бөлек барлық салада дайын өнімге деген сұраныс біршама нашарлап кеткен. Сауалдамаға барлығы 2,6 мыңнан астам өндіруші мен өңдеуші өнеркәсіп, құрылыс, сауда, ауыл шаруашылығы, көлік және қойма ұстаушы кәсіпорындар қатысқан.
Экономика • 02 Қыркүйек, 2021
Дүниедегі игілік пен өнертабыс атаулының бәрі мұқтаждықтан, қажеттіліктен туындаған. Былтыр індеттің тырнағы қатты батып еді, қашықтан қызмет көрсету функциясы дамып, түрленіп шыға келді. Тамақ пен киімге онлайн тапсырыс береміз деп ойламаған жұрт, айналдырған алты айда бұл үрдіске қалай қосылып кеткенін де аңғарған жоқ. 2020 жылы бөлшек сауда бірден 4,1 пайыз минусқа кірген. Есесіне электронды сауда e-trading алға шықты. Елімізде онлайн сауда-саттық 57 пайызға ұлғайып, ақша айналымы 1,1 трлн теңгеге жеткен.
