Оқиға • 19 Желтоқсан, 2022
Жұлдыздарды бір арнаға тоғыстырды
«Астана Опера» театрында әлемге әйгілі опера және балет жұлдыздарының басын қосқан «Жібек жолы» атты халықаралық музыкалық фестивалі өз мәресіне жетті. Бір айға созылған өнер мерекесі көрермендерге ғана емес, оған қатысушыларға да жылы әсер қалдырды. Айтулы іс-шараға Мәдениет және спорт министрлігі қолдау көрсетті.
Әдебиет • 08 Желтоқсан, 2022
Астанада көрнекті жазушы, Мемлекеттік сыйлықтың лауреаты Қажығали Мұханбетқалиұлының туғанына 80 жыл толуына арналған іс-шаралар легі, алдымен Ұлттық академиялық кітапханада қабырғалы қаламгердің тұңғыш рет ағылшын тілінде жарық көрген «Troubled times» («Тар кезең») тарихи романының таныстырылымымен басталды. Іс-шараға Ақпарат және қоғамдық даму министрі Дархан Қыдырәлі, Қазақ ПЕН-клубының президенті Бигелді Ғабдуллин, аудармашы Саймон Холлингсуорт, Қазақстан Жазушылар одағының төрағасы Ұлықбек Есдәулет және зиялы қауым өкілдері қатысты.
Өнер • 05 Желтоқсан, 2022
«Өнерде шекара болмайды» деген тәмсілдің ақиқат екендігіне шүбәсіз сенесіз. Жалпы жұрт жадынан өшпейтін өнер жасаған таланттардың туындылары – адамзатқа ортақ құндылық. Осы ретте орыстың көрнекті композиторы Андрей Петров туралы айтқанды жөн көрдік. Айтпақшы, оны кеңес дәуірінде туған адамдар жақсы біледі. Әсіресе оның есімі жалпақ елге әйгілі режиссерлер Георгий Данелия мен Эльдар Рязановтың ғажайып көркем фильмдеріне жазған бірде мұңлы, бірде сырлы музыкасымен танылды.
Театр • 04 Желтоқсан, 2022
Астанадағы Л.Н.Гумилев атындағы Еуразия ұлттық университетінде студенттік театрлардың ІІ республикалық фестивалі өтіп жатыр. Оған еліміздегі жоғары оқу орындарының 11 шығармашылық ұжымы қатысып, өздерінің үздік қойылымдарын ұсынды.
Сұхбат • 01 Желтоқсан, 2022
Қасым Мәуленов: Cырбайдың ұлы екенімді мақтан етемін
Қазақ поэзиясына екінші дүниежүзілік соғыстан кейін соны леп, өзгеше өрнек қосып, оны шырқау биікке көтерген санаулы саңлақтардың бірі – Сырбай Мәуленов. Кезінде заңғар жазушы Мұхтар Әуезов: «Сырбайдың өзіне ғана тән қысқа жырларында әдемілік пен нәзіктік бар. Олар күйшінің домбырасынан шыққан күй секілді жан дүниеңе еніп кетеді», десе, қабырғалы қаламгер Әбіш Кекілбайұлы: «Сырбай – қазақ әдебиетінің классигі» деп бағалаған. Биыл ардақты ақынның туғанына 100 жыл толды. Соған байланысты айтулы тұлғаның туған жері –Қостанай облысы мен Астана және Алматы қаласында бірқатар іс-шара өтті. Осы орайда ақынның ұлы, белгілі ғалым, Ресей жаратылыстану академиясының академигі, гуманитарлық ғылымдар саласындағы Шоқан Уәлиханов атындағы сыйлықтың лауреаты Қасым Мәуленовпен кездесіп, әкесінің өмірі мен өнегесі туралы әңгіме өрбіттік.
Руханият • 28 Қараша, 2022
Астанада игі дәстүрге айналған Қазақстан халқы ассамблеясының «Мың бала» республикалық мәдени-ағартушылық жобасының жеңімпаздары марапатталды.
Қоғам • 27 Қараша, 2022
Астанадағы Ұлттық музейде белгілі археолог, тарих ғылымдарының докторы, профессор Зейнолла Самашевтың мерейтойына арналған іс-шара өтті.
Таным • 24 Қараша, 2022
Қостанай облысы Арқалық қаласындағы Дала өлкесі тарихы облыстық музейінде көне қыш құмыралардың алуан түрі сақталған. Солардың ішіндегі ерекшесі – түбі сүйірлеу, ернеуі шығыңқы формада жасалған мыс-тас (энеолит) дәуіріне жататын қыш құмыралар. Ол Торғай өңіріндегі Тоқанай деген жерден табылған.
Өнер • 23 Қараша, 2022
«Астана Опера» театрының дирижері, Қазақстанның еңбек сіңірген қайраткері Абзал Мұхитдин елімізге ғана емес, әлемдегі өнерсүйер қауымға жақсы таныс. Оның дирижерлік репертуарында 250-ден астам вокалдық-симфониялық, симфониялық және камералық музыка шығармалары мен 40-тан астам опералық-балет қойылымдары бар. Сондай-ақ қоюшы дирижер ретінде 20-дан астам туындыны сахналаған. Сонымен қатар ол Роберто Аланья, Мауриццио Барбаро (Италия), Жерар Коссе (Франция), Марк Холланд, Джеймс Керби (Ұлыбритания), Пьетро Масса (Германия), Олег Крыса (АҚШ), Миранда Кейс (Аустралия), Марианн Талаба (Аустрия), Зураб Соткилава (Ресей) секілді әлемдік деңгейдегі көптеген музыканттармен бірге өнер көрсетті.
Театр • 17 Қараша, 2022
Гүржі халқының ықыласына бөленді
Жақында «Астана Балет» театры әртістері Грузия астанасы Тбилисидегі З.Палиашвили атындағы опера және балет театрының сахнасында әлем жұртшылығына танымал «Саломея» және «A Fuego Lento» бір актілі балеттері мен «Ұлы дала мұрасы» атты концерттік бағдарламасын ұсынып, грузиялық көрермендердің ыстық ықыласына бөленді.
