Қазақстан • 19 Маусым, 2018
Доллардың қымбаттауы бәсеңдер емес
Кеше Қазақстан қор биржасы (KASE) күндізгі сауда сессиясының нәтижелерін жариялады. Саудаға KASE валюталық нарығының 22 мүшесі қатысты. Өткен аптаның басында байқалған АҚШ долларының қымбаттау қарқыны әлі бәсеңдер емес. Кешегі сауда сессиясында оның бағамы 1 долларға шаққанда 339,15 теңгені құрап, тәулік ішінде 2 теңгеге көтерілгенін көрсетті.
Қазақстан • 19 Маусым, 2018
Өркендеудің өркениетті жолы. Бағалы қағаздар нарығының бүгіні мен болашағы қандай?
Биікке өрлеген сайын жолдың қиындай беретінін тауға шыққандар мен асулардан асқандар жақсы біледі. Жылдан- жылға дамып келе жатқан Қазақстанның қаржы нарығындағы жағдай да осыған ұқсас. Тәуелсіздіктің елең-алаң шағындағы ең әуелгі міндет ептеп қаржы тауып, бюджет жыртықтарын бүтіндеу болатын. Оған қол жеткіздік. Мұнан кейін экономиканы қорландыру қажет болды. Ол да сәтімен жүзеге асып, инвестиция үшін тартымды елдердің біріне айналдық. Енді алдымыздан заңды тұлғалар мен қарапайым халықтың қолында, зейнетақы жинақтаушы қорларда жинақталған қаржыны қайда жұмсаймыз, қалайша тиімді пайдалануға болады, бір саладағы басы артық қаржыны оған мұқтаж болып отырған екінші салаға берудің қандай жолдары бар деген сұрақтар бас көтерді. Үкіметке оның да айла-амалы белгілі. Ол үшін бағалы қағаздар рыногын дамыту қажет. Сонда ғана халық пен заңды тұлғалар қолындағы қаржы оны қажет ететін тиімді салаларға инвестиция болып ағылады.
Қазақстан • 19 Маусым, 2018
Темекі тартуды қоюға не кедергі?
Қазақта «Бірінші байлық – денсаулық» деген сөз бар. Алайда қазіргі таңда осы баға жетпес байлығымызды будақ-будақ темекі түтініне тұншықтырып отырған жайымыз бар. Бұл қазіргі ғана емес, болашақ ұрпақтың да денсаулығына ерекше қауіп төндіретін қатер. Сонымен қатар темекі адам денсаулығынан бөлек, ел экономикасына, әлеумет әлеуетінің де күрт әлсіреуіне бірден-бір көлденең кесел. Дүниежүзілік денсаулық сақтау ұйымының деректеріне қарағанда, бүгінде Еуразия құрлығының жарты миллион тұрғыны жылына осы темекіден көз жұмады.
Аймақтар • 19 Маусым, 2018
Әйелдер кәсіпкерлігі – үлкен күш
Қостанайда «Шекара бойындағы ынтымақтастық – әйелдер кәсіпкерлігін дамытудың жаңа мүмкіндіктері» атты әйелдер форумы өтті. Облыс әкімдігі Қазақстан Республикасы Президентінің жанындағы Әйелдер істері және отбасылық-демографиялық саясат жөніндегі ұлттық комиссияның қолдауымен ұйымдастырған бұл алқалы басқосуға Ресейдің Қорған, Орынбор, Челябі, Қазақстанның Ақмола, Ақтөбе, Қарағанды және Солтүстік Қазақстан облыстарындағы іскер орталардан барлығы 250 өкіл қатысты.
Қазақстан • 19 Маусым, 2018
Елорда меймандарды қарсы алуға дайын ба?
Астананың Арқа төріне қоныс аударғанына да аттай жиырма жыл заулап өте шықты. Елдегі және халықаралық аренадағы сан салалы мәселелер талқыланатын басты алаң болғандықтан, шаһарға әрісі – алыс шетелдерден, берісі – өзіміздің өңірлерден келушілердің қарасы қалың екені түсінікті. Ал қалаға келген әр мейманның ұмытылмас әсер алып, жақсы пікірде қалуы үшін қызмет көрсетудің жоғары деңгейде жүргізілуі аса маңызды.
Қазақстан • 19 Маусым, 2018
Айман Мұсақожаева: Астана арманыма жол ашты
Менің Астанаға келуім де, Арқа төрінде өзім өмір бойы армандаған Өнер университетін ашуым да тек қиял-ғажайып ертегілерінде ғана болатын таңғажайып оқиғадай көрінеді.
Қазақстан • 19 Маусым, 2018
Ұлттық экономика министрі халыққа есеп берді
Ұлттық экономика министрі Тимур Сүлейменовтің халыққа есеп беру кездесуі өтті. Жиында ол Ұлттық экономика министрлігі қызметінің 2017 жылдың негізгі қорытындылары және үстіміздегі жылдың міндеттері туралы баяндады.
Қазақстан • 19 Маусым, 2018
Жатақхана мәселесі оң шешіледі
Кеше Үкімет үйінде Білім және ғылым вице-министрі Бибігүл Асылова мен Ұлттық тестілеу орталығының директоры Рамазан Әлімқұловтың қатысуымен баспасөз мәслихаты өтті. Онда Президенттің «Бес әлеуметтік бастамасын» іске асыру аясында студент жастарды жатақханамен қамту мәселесі кеңінен сөз болды.
Қазақстан • 19 Маусым, 2018
Түркілік сананы жаңғыртатын форум
Кеше Астанада Халықаралық Түркі академиясы ұйымдастырған Халықаралық III «Ұлы Дала» гуманитарлық ғылымдар форумы өтті. Жиынға Мемлекеттік хатшы Гүлшара Әбдіқалықова қатысты.
Қазақстан • 19 Маусым, 2018
«Әдебиет бульвары» мен «Ғарыш саябағы»
Көзіқарақты қала тұрғындары жаз шыққаннан бері Есілдің оң жағалауындағы көшелердің бойында абаттандыру жұмыстары қызу қарқын алғанына тәнті болуда. Бұл бос алаңқайлардағы қызу еңбек таңмен таласа басталып, көз байлана толас табады. Жұмысшылардың Қала күні мерекесіне дейін тапсырылған міндетті еңсеріп тастауға деген құлшынысы көңіл марқайтады.
