Мемлекет қамқор болса, медицина сапалы болады

Бала кезімізде мұғалім мен дәрігерден артық мамандық жоқтай көрінуші еді. Ал қазіргі балаларға мұғалім не дәрігер бол десең, ат-тонын ала қашады. Адамзатқа ең қажетті екі мамандықтың еліміздегі қадір-қасиетін осыдан-ақ бағамдайсың. Қазір қайта мұғалімдердің мәртебесі айқындалды, әлеуметтік жағдайы да жақ­сарды. Есесіне дәрігердің статусы мен жағдайын әлі күнге жақсарта алмай отырмыз. Медицина саласының сапасы да сын көтермейді.

19 Маусым, 2022

Қаржы тапшылығы қажытпасын десек

«Табысының кемінде оннан бір бөлігін өзіне және отбасының болашағына жинайтын адамның басына түбінде байлық қонады». Бұл – әлемдік экономикалық әдебиеттің классикасына айналған әйгілі «Вавилондағы ең бай адам» кітабының авторы Джордж Клейсонның сөзі. Расы­мен отбасылық әмиянды сауатты жоспарлау­дың өзі – үлкен өнер. Дамыған елдерде қаржы сауаттылығына баулу, соның ішін­де ақшаны үнемдеуге, оны ұқсатып жұмсауға және бюджетті жоспарлауға жастайы­нан тәрбиелейді. Ал бізде бюджеттің өзі жабық тақырып деңгейінде.

01 Маусым, 2022

Өмір мен vip нөмір

Кейде даңғазалық пен дарақылыққа келгенде біздің ел алдына жан салмайтын сияқты көрініп кетеді. Мынаны қараңыз, пандемия мен дағдарыс алқымынан алып тұрған 2021 жылы 20 мың қазақстандық көліктерге арналған «әдемі нөмір» үшін жалпы сомасы 6 млрд-тай теңге жұмсапты. 2020 жылмен салыстырғанда бұл екі еседей артық көрсеткіш. Демек әлемді тығырыққа тіреген экономикалық қиындықтың өзі қазақстандықтардың «өзгелерден дараланамын» деген ниетіне кедергі бола алмапты.

27 Наурыз, 2022

Тоқшылықтың да аштығы болады

Ғалымдардың болжауынша, жер шары 12 млрд адамды асырауға қауқарлы. Ал был­тырғы статистика бойынша дүние жү­зін­дегі халық саны 8 млрд-қа жуық­та­ды. Де­мек, енді аз жылда адамзат азық-түлік тап­шылығын тартады деген сөз. Онсыз да қазір жылына миллиондай адам аш­тық­тан қайтыс болады екен.

06 Ақпан, 2022

Той – офлайн, журналистер – онлайн

Елде эпидемиялық жағдай тұ­рақ­тал­ды. Карантин шаралары да жұм­сар­ды. Бұ­рынғыдай қатаң локдаун жоқ. Тіпті қа­зақтың тойына да рұқсат берілді. Бірақ ше­неуніктер мен журналистер ара­сын­да­ғы байланыс қана әлі онлайн кү­йінде тұр.

13 Қазан, 2021

Жеңіл табыс – күмәнді мәміле

Нарық заманының қыспағы ма, қазір жеңіл жолмен қомақты қаржыға кенелгісі келетіндер көбейді. Жанды қинамай, көл-көсір байлыққа ие болғысы келгендер күмәнді ұйымдар құрған қақпанға түсіп те жатыр. Бірақ тауы шағылып, беті қайтып жатқан адамдар көрінбейді. Біріншісінің тұзағынан шықса, екіншісіне ұрынып жатады. Тек былтырдың өзінде он мыңдаған адам қаржы пирамидасына алданып қалған. Уәкілетті органдар 2020 жылы жалған қаржы ұйымдарына қарсы 217 қылмыстық іс қозғап, оның 116-сын сотқа жөнелткен.

29 Шілде, 2021

Ат қойғанда абай болған жөн

Қазақ журналистерінің телеграм чатында бір әріптесіміз: «Қала күніне орай мерекелік эфирге Саммит, Азиада, Бәйтерек есімді балаларды шақырамыз» деп хабарлама беріпті. Мұндай есімдер шынымен де бар ма деп ойлап қалдық басында. Іле интернетті ақтарып, статистиканы қарасақ, расымен Қазақстанда Саммит деген есімі бар 22 ер бала, Саммита атты үш қыз және 15 Саммитхан бар екен.

08 Шілде, 2021

Қарыз қайтару – парыз

Қазақтың көбі қарызға белшесінен батқандай көрінеді кейде. Банкке де қарызбыз, бір-бірімізге де қарызбыз, қыл аяғы, ораза ұстап, Құдайдың алдында да қарыз болатынымыз бар.

09 Маусым, 2021

Кері кеткендер

Әсілінде «дені дұрыс» кезек алға жылжиды. Бірақ жұртшылық балабақша орындарын әділ үлестіреді деп сенген indigo24.kz балабақша кезегі кері кетіп тұр.

06 Мамыр, 2021

Қазақ кітабының күні қажет

Ертең, яғни 23 сәуір – Халықаралық кітап және авторлық құқық күн. Осы атаулы күні әлемнің көптеген елі кітапқа, кітап оқуды ынталандыруға байланысты жалпыхалықтық сипаттағы мерекелер өткізіп жатады. Ал Қазақстандағы іс-шаралар тек кітапханалар деңгейінен аспайды.

22 Сәуір, 2021

Түтін тұмшалаған қала

Бас шаһар түтінге тұншығып тұр. Әсіресе таңертеңгілік және кешкі мезгіл­де мұржалардан шығатын қою көк түтін астана аспанын торлап, иісі қолқаны қабады. Әдетте қаламыздың аяғын жерге тигізбей мақтаймыз. Бірақ көк түтінге келгенде, үніміз шықпай тұр. Былтыр «Қазгидромет» РМК дерегіне сәйкес, Нұр-Сұлтан елдегі ең лас қалалардың қатарына қосылған еді. 2019 жылы елор­да­­да атмосфераға 108 мың тонна лас­тау­­шы зат таралыпты. Оның 33,5%-ы (59 мың тоннасы) – жылу-электр орта­лық­тарына, 29%-ы – жеке секторға, 32,5%-ы ескі көліктерге тиесілі болған.

16 Сәуір, 2021

Теңдік пен кемдік

Қазіргі қазақ қоғамында еркек кін­діктілер­ден гөрі әйелдердің қоғамдық белсенділігі ерекше болып тұр. Осыдан екі жыл бұрын періште бес қыз қапияда қаза болғанда бас көтеріп, көшеге шыққан да әйелдер еді. Осы аналардың арқасында көп балалы отба­сыларға берілетін жәр­демақы бірден төрт еселеп өскенін жұрт­шылық жақсы біледі. Бұдан кейін әйел­дердің митингіге шығуы жиілеп кетті. Алдыңғы күні әртүрлі плакат ұстаған қыз-келіншектер Алматыда тағы бір шеру өткізді. Бірақ бұл жолы олардың талабы деген сұрапыл...

10 Наурыз, 2021

Патерналистік пиғыл

Нұр-Сұлтан қаласындағы гүл сататын дүкеннің алдында жиналған қара­құрым халық бірнеше күннен бері әлеу­меттік желіде шу болып жатыр. Жай­шы­лық күндері жұртшылықтың бір жерде осынша көп жиналуы − шынымен де сирек құбылыс. Күннің суығына, ви­рус­тың өршіп тұрғанына қарамастан, елді ала таңнан тұрғызып, кішкентай бір дүкен­нің алдында алып келген не дейсіз ғой? Сөйтсек, мұнда ұтыс ойнатылатын көрі­не­ді, жұртшылықтың көксегені – ұтыстан тегін көлік ұтып қалармыз деген дәме екен.

09 Ақпан, 2021