Мәжілісмендер ЭКСПО-2017 кешені маңындағы «Ұлы Дала» даңғылы бойына 200-ден астам көшет отырғызды.
Даңғылдың жасыл жолағы қарағай, үйеңкі, шырша және жөке көшеттерімен толықты. Бұрынғы жылдардан бір айырмашылығы, жоғарыда аталған көшеттермен қатар, депутаттар шетен, аюбадам және тағы басқа ағаш түрлерін отырғызды.
Сенбілік қызған шақта парламентшілерге Астана әкімі Әсет Исекешев қосылды.
Сенбілікке Мәжілісте өкілдік ететін барлық депутаттық бірлестіктердің: «Нұр Отан», «Ақ жол», ҚКХП партияларының және Қазақстан халқы Ассамблеясының өкілдері қатысты.
Депутаттық корпуспен бірге, сенбілікте Мәжіліс аппаратының қызметкерлері де белсенді жұмыс істеді.
