Дүниежүзі қазақтары қауымдастығы төрағасының орынбасары Сұлтанәлі Балғабаевтың хабарлауынша, құрылтай барысында шетелдегі қазақ мәдени орталықтарын қаржыландыру, басқа да көмек көрсету, шетелдік жастарды Қазақстанға білім алуға шақыру сынды мәселелер талқыланатын болады.
«Құрылтайдың мақсаты - шетелдегі қазақтарды Қазақстанға көшуге ынталандыру, олардың қандай қажеттіліктері барын анықтау», - дейді Балғабаев.
Ұйымдастырушылардың айтуынша, биылғы құрылтайға шақырылғандардың басым көпшілігі - әртүрлі салада жетістіктерге жетіп жүрген шетелдік қазақ жастары. Құрылтайға 40-тан астам мемлекеттен 350 адам және әртүрлі халықаралық ұйымдардың өкілдері қатысады деп күтілуде.
