Астана күніне арналған акцияда жаппай синхронды жаттығуларға 850 адам қатысты. Шараға Спорттық гір көтеруден халықаралық федерацияның президенті Анатолий Ежов пен Лондонда орналасқан штаб-пәтердің өкілдері арнайы келді.
«Іс-шара барысында Гиннестің рекордтар кітабының лондондық штаб-пәтері ұсынған жаттығуларды жаппай синхронды орындау бойынша бір мезетте ойдағыдай орындап шықтық. Осылайша, Гиннестің рекордтар кітабының спорттық аталымында жаңа есім пайда болды», – дейді университеттің тәрбие жөніндегі департамент директоры Бибігүл Дүйсенбаева.
Арнайы сертификат екі айдан кейін табыс етіледі.
Қатысушылар сондай-ақ оқу ордасының 80 жылдығына арнап ауқымды флешмоб ұйымдастырды.
Өмір Есқали,
«Егемен Қазақстан».
СолтүстікҚазақстан облысы
