Түсіндіру жүргізілді
Жұма, 27 сәуір 2012 1:29
Мемлекет басшысы құқық қорғау органдарының кадрлық әлеуетінің сапасын жақсартуға, сонымен бірге қоғам алдында олардың қызметінің ашықтығына тұрақты түрде назар аударып келеді. Осы мақсатта Президенттің «Қазақстан Республикасы құқық қорғау органдарының қызметкерлерін кезектен тыс аттестаттаудан өткізу туралы» Жарлығы да шықты.
Жұма, 27 сәуір 2012 1:29
Мемлекет басшысы құқық қорғау органдарының кадрлық әлеуетінің сапасын жақсартуға, сонымен бірге қоғам алдында олардың қызметінің ашықтығына тұрақты түрде назар аударып келеді. Осы мақсатта Президенттің «Қазақстан Республикасы құқық қорғау органдарының қызметкерлерін кезектен тыс аттестаттаудан өткізу туралы» Жарлығы да шықты.
Қазіргі уақытта аталған Жарлықты жүзеге асыру мақсатында, Бас прокуратура кешенді іс-шараларды бастап кетті. Көп кешікпей кезектен тыс аттестаттаудан 4 жарым мыңнан астам прокурорлар өтеді. Осыған орай кезектен тыс аттестаттаудан өткізудің мақсаты мен тәртібі туралы барлық деңгейдегі прокуратура органдарының жеке құрамына түсіндіру жұмыстары жүргізілді.
Прокуратура органдарының қызметкерлерін кезектен тыс аттестаттаудан өткізудің ашықтығын қамтамасыз ету үшін, Бас прокуратураның www.prokuror.kz ресми сайтында «Прокуратура органдарының қызметкерлерін кезектен тыс аттестаттау» атты арнайы айдар ашылды. Бұл айдар кезектен тыс аттестаттауды өткізу тәртібінің бұзылу деректері туралы, сондай-ақ прокуратура органдарының аттестаттауға жататын лауазымды тұлғаларының сыбайлас жемқорлық және басқа да құқық бұзушылықтар жасауы, қызметтік әдеп нормаларын сақтамауы туралы Бас Прокурорға тікелей өтініш жіберуге арналған.
«Прокуратура органдарының қызметкерлерін қайта аттестаттау» атты бөлімге түсетін мәліметтер және оған кірген адамдарға қатысты ақпараттар құпия болып табылады, азаматтардың өтініштері тікелей біздің арнайы электронды мекен-жайға түседі, олар Бас прокуратураның сайтында көрсетілмейді. Жеке және заңды тұлғалардан түсетін мәліметтер прокуратура органдарының тек құзырлы қызметкерлеріне ғана қолжетімді болады, қажет болған жағдайда қызметтік тексеру жүргізіледі, ал өтініштерді қараудың нәтижесі кезектен тыс аттестаттау кезінде комиссияларда ескеріледі.
Роза ДОСЫМБЕКОВА, Бас прокуратураның кадр жұмысы департаменті бастығының орынбасары.