Тарих • 07 Қыркүйек, 2021
«Рухани жаңғыру» бағдарламасының шеңберінде Көкшетау өңірінің жергілікті өлкетанушысы Мұрат қажы Ыдырысұлы бастаған топ былтырдан бері «Абылайдың қара жолы» атты маршрутпен экспедиция жүргізіп келеді. Олардың мақсаты – Абылай хан мен оның ұрпақтары, батырлары мен билерінің, атақты адамдардың туған, болған жерлеріне сапарлап, халықтың назарын тарихи оқиғаларға аудару.
Аймақтар • 05 Қыркүйек, 2021
Рефрижератор вагондар шығарылады
«Петропавл ауыр машина жасау зауыты» деп аталып, бұрын әскери өнімдер ғана өндірген ең ірі кәсіпорынның аумағында 2019 жылдан бері Солтүстік Қазақстанның әлеуметтік экономикалық дамуының кешенді жоспарының аясында Cool Infinity атты ЖШС ашылып, жұмыс істеуде. Бұл кәсіпорын бұрынғы зауыт аумағын түгел қамтымаса да инфрақұрылымдары барынша жетілдірілген өндірістік аймақтың үлкен бөлігін ұстап отыр.
Тәуелсіздік • 03 Қыркүйек, 2021
Сәбит Мұқанов атындағы облыстық әмбебап кітапханада еліміз Тәуелсіздігінің 30 жылдығына арналған «Тәуелсіз Қазақстан: Жасампаздыққа толы жылдар. Солтүстік Қазақстан облысының басты жетістіктері» атты дөңгелек үстел өтті. Оған мемлекеттік органдардың, азаматтық қоғам секторының, жастардың, ҚХА филиалының, оқу орындарының, БАҚ өкілдері қатысты.
Аймақтар • 01 Қыркүйек, 2021
Қоныс аударушыларға көзқарас түзелгендей...
Биылғы 24 мамырда «Казахстанская правда» газетінде «Еңбек» мемлекеттік бағдарламасының аясында жұмыс күші артық өңірлерден Солтүстік Қазақстан облысына қоныс аударып келген ағайындарға жергілікті атқарушы билік басшылары сапасыз баспаналар ұсынып, қиын жағдайда қалдырғаны туралы «Немқұрайлық тұтқындары» («Заложники равнодушия») мақаласы жарияланған еді.
Әдебиет • 26 Тамыз, 2021
Қазақстандық орыс тілді жазушылар арасында Иван Шуховтың есімі айрықша аталады. Өйткені оның шығармашылығы негізінен қазақ даласын, оның тыныс-тіршілігін, халықтардың өзара сыйластығын суреттеуге арналған. Ол Солтүстік Қазақстан облысындағы казактардың Пресновка станицасында 1906 жылы өмірге келген. Бұл өңірде қазақтың атақты жазушылары Сәбит Мұқанов пен Ғабит Мүсірепов те туғаны белгілі. Бір түкпірде үш бірдей ірі жазушының туғандығы да бұл топырақтың қасиетін айғақтайды.
Аймақтар • 23 Тамыз, 2021
Әртістерді күшпен ұстап тұра алмайсың...
Сәбит Мұқанов атындағы облыстық қазақ сазды-драма театрынан тағы да шу шықты. Өнер ұжымының алты бірдей белгілі әртісі жұмыстан шығамыз деп арыз жазған.
Коронавирус • 23 Тамыз, 2021
Мониторингтік топтардың жұмысы мардымсыз
Облыстың санитарлық-эпидемиологиялық бақылау департаментінің бастығы Әсет Жұматаевтың баяндамасында мониторинг жасайтын топтардың жұмысы мардымсыз екені айтылды. Соңғы екі аптада олар барлығы 142 рейд жасап, 30 бұзушылықты ғана анықтағаны жеткізілген еді. Сондай-ақ Айыртау, Ақжар, Аққайың, Есіл, Жамбыл, М.Жұмабаев, Қызылжар, Мамлют, Уәлиханов және Шал ақын аудандарында бірде-бір бұзушылықтың анықталмағаны атап өтілген.
Аймақтар • 19 Тамыз, 2021
Биылғы қыркүйек айында Президенттік жастар кадрлық резервіне екінші іріктеу өткізілетіндігі жайлы жақсы хабар болашағынан үлкен үміт күттіретін жас мамандарды елең еткізгені анық. Жалпы, қазір елімізде білікті басшы кадрлар даярлау мәселесіне мемлекеттік деңгейде жіті назар аударылып отырғандығы көңілге үлкен үміт ұялатады. Дегенмен, осы орайда ойланарлық жайттар да бар.
Білім • 17 Тамыз, 2021
Биыл республика мектептерінің бәрінде оқу жаман індетке қарамай, дәстүрлі түрде оқытылатыны туралы жуырда Білім және ғылым министрі Асхат Аймағамбетов ресми түрде мәлімдеді. Оқуға ұмтылатын жасөспірімдер мұны қуанышпен қабылдады. Өйткені құрбыларын көрмей, олармен ойнап-күлмей, жарысып оқымай, үйге қамалып отырып алған оқушылардың өткен оқу жылындағы білімі төмен екені іс жүзінде көрінген.
Аймақтар • 17 Тамыз, 2021
Мағжан музейінің берері мол...
Солтүстікке қонақ болып немесе қызмет бабымен келген санасы биік жандар көбінесе «Абылайдың ақ үйін», сосын Мағжан Жұмабаевтың іздерін көргісі келеді. Өкінішке қарай, ақынның музейі облыс орталығында емес, қаладан 120 шақырымдай жердегі Сарытомар ауылында. Ол жаққа жақсы жол тартылған, бірақ қыстың қытымыр күндері мен жаздың аптабында бәрібір ешкім бара қоймайды. Сондықтан музейді Қызылжар қаласына көшіру керек деген әңгімелер кезінде жиі айтылған. Тіпті мұнда Мағжан мен Злиханың тұрған үйлері де бар.
