Қоғам • 14 Наурыз, 2024
Қамкөңіл балалардың қатары көбейген
Мүмкіндігі шектеулі азаматтарға билік тарапынан жан-жақты қолдау көрсетіліп жатыр. Бір қарағанда оларды оңалту жұмыстары да ойдағыдай іске асып жатқандай көрінетіні анық. Ал өңірдегі жағдай қалай? Неден ұтып, неден ұтылып жатырмыз?
Сұхбат • 14 Наурыз, 2024
Ербол АХМЕТЖАНОВ: Заңды білмеу жауапкершіліктен босатпайды
Жүйелі түрде жүргізіліп жатқан сот реформасы азаматтардың құқы мен бостандығының, заңды мүддесінің әділ қорғалуын қамтамасыз ету, сол арқылы елімізде заң үстемдігін орнату мақсатын көздейді. 2023 жыл сот саласындағы әкімшілік қызметкерлері үшін қызмет сапасын жандандыруға бағытталған стратегиялық және операциялық менеджменттің жаңа моделінің енгізілуімен маңызды. Өткен жылдың басында Соттардың қызметін қамтамасыз ету департаменті Сот әкімшілігі ретінде қайта құрылып, ол айрықша мәртебеге ие болды. Айрықша деп отырғанымыз, Сот әкімшілігі атауын өзгертіп қана қойған жоқ, оның мәртебесі Үкімет аппаратының деңгейімен теңесті. Сот саласындағы, оның ішінде өңірдегі сот ісіне қатысты соны бастамалар мен қолға алынған қанатқақты жобалар жөнінде Жамбыл облыстық сотының төрағасы Ербол АХМЕТЖАНОВҚА бірер сауал қойған едік.
Аймақтар • 11 Наурыз, 2024
«Анаға тағзым» орталығына қарасты «Бойтұмар» дизайн және қолөнер үйірмесінің қыздары қолдан тоқылған моншақты сөмкелер жәрмеңкесін ұйымдастырды. Орталық басшысы Эльмира Мырзағалидың айтуынша, үйірмеге қатысушы жасөспірімдер аз ғана уақыттың ішінде көптеген бұйымды тоқуды үйреніп алған.
Футбол • 11 Наурыз, 2024
«Тараз» премьер-лигамен неге «араз»?
Жамбыл футболының әуелгі жеңісті жорығы тәуелсіздіктің елең-алаңындағы 90-жылдармен тұспа-тұс келеді. Бастапқыда «Фосфорит» атауымен топқа түскен жамбылдық команда 1992-1993 жылдары ел кубогының финалына шықса, 1994 жылы сары құрлықтың үздік сегіз ұжымының қатарынан көрінді. Ал қазір «Тараз» футбол клубы бірінші лигада сүйретіліп жүр...
Шаруашылық • 06 Наурыз, 2024
Аквамәдениет: Балық өсіру де сауаттылықты талап етеді
Кейінгі уақытта елімізде аквамәдениетті қалыптастыруға айрықша назар аударылып отыр. Бұл өз кезегінде балық өсіруге бел буған азаматтардың кәсібіне сауаттылықпен қарауына мүмкіндік туғызатыны анық. Шерхан Мұртаза атындағы Халықаралық Тараз инновациялық институтында ашылған аквамәдениет ғылыми зерттеу орталығы шаруалардың өз ісіне ұқыптылықпен қарауына зор ықпал етіп отырғаны даусыз.
Айтыс • 04 Наурыз, 2024
Жыр алыбы Жамбыл Жабаевтың туған күні аясында өтетін «Жамбыл – менің жай атым, халық – менің шын атым» атты республикалық ақындар айтысына 16 жыр жүйрігі қатысып, өзара кім мықты деген сауалға жауап іздеді. Жергілікті сегіз айтыскер еліміздің әр қиырынан келген жыр дүлдүлдерімен топқа түсті.
Аймақтар • 03 Наурыз, 2024
Бауыржан Момышұлы ауылында дүниеге келген Судаба Металимова ұлты әзербайжан болса да, жергілікті қазақтармен тонның ішкі бауындай араласып өсті. Қазақ тілін де бір кісідей үйреніп алған.
Бокс • 01 Наурыз, 2024
Тәуелсіздік алғаннан кейінгі алғашқы Жазғы Олимпиада ойындарының өзінде жамбылдық боксшылар бірнеше медаль жеңіп алды. Жамбыл бокс мектебімен еліміздің барлық өңірі санасатын. Жалпы, қазіргі Жамбыл спорты қай бағытта дамып жатыр? Неден ұттық, неден ұтылдық? Тарқатып көрейік.
Аймақтар • 28 Ақпан, 2024
Кей ауылдағы ағайын әлі күнге ауыз суға зар болып отыр. Тіпті ауыз судың ащы шуын талай рет көзбен көріп, құлақпен естідік. Мәселен, Тұрар Рысқұлов ауданына қарасты Жарлысу аулының тұрғындары миллиондаған қаржы жұмсалған жұмыстың соңы сиырқұйымшақтанып, салдарынан «ауыз суға жарымай отырмыз» деп бірнеше рет техникалық судың зардабын шегіп отырғанын айтқан болатын. Тіршілік нәрінен тарыққан ауылдар шынында да аз емес...
Аймақтар • 26 Ақпан, 2024
Уақытында аудан орталығы ретінде аты дүркіреген Ақкөл ауылы тәуелсіздіктің елең-алаңында талай қиындықты бастан өткерді. Жылдар жылыстаған сайын жергілікті атқарушы билік елді мекен тұрғындарының талап-тілегін ескеріп, әлеуметтік мәселелер оңынан шешіле бастады. Енді, міне, ауыл тұрғындары талай жыл «жырлаған» көгілдір отын мәселесі де шешімін тапты.
