Аймақтар • 20 Маусым, 2022
Өндіріске кәсіби кадрлар қажет
Павлодар облысының білім беру жүйесі республикада үздіктердің қатарында. Мұны Ертіс-Баян өңіріне жұмыс сапарымен келген Оқу-ағарту министрі Асхат Аймағамбетов айтты. Еліміздің бас ұстазы саладағы жаңашылдықтарға көз жеткізіп, павлодарлық педагогтерді бәсекеге қабілетті болу үшін бәсеңдемеуге шақырды.
Аймақтар • 19 Маусым, 2022
Ауылдар ауыз суға жарымай отыр
Президент Қасым-Жомарт Тоқаев халықты сумен қамтамасыз ету керегін, таза су әрбір үйде, әрбір отбасында болуын міндеттеген тапсырма жүктеген болатын. Соңғы жылдары Павлодар облысында ауыл тұрғындарын сапалы ауыз сумен қамту жұмыстары жүйелі жалғасып келеді. Кез келген ауылға бара қалсаң, әкім-қаралар жобаның аяқталғаны яки жобалық-сметалық құжаттары әзірленіп жатқаны жайлы көкіректеніп сөйлейтіні бар. Іске қосылған жобалардың кейінгі тағдыры – бөлек әңгіме. Жасыратыны жоқ, бұған дейін сумен қамту көрсеткіші бойынша Павлодар облысы республикада көш соңында жүрген-ді. Сәйкесінше, олқылықтың орнын толтыру мақсатында жыл сайын республикалық қазынадан қомақты қаражат бөлінуде. Ендігі жерде қаржыны тиімді кәдеге жарату – басты міндет.
Аймақтар • 15 Маусым, 2022
Павлодар қаласында «Қымызмұрындықтың» қызығы қайта жалғасты. Олай дейтініміз, «Нұр-Ана әлемі» қоғамдық бірлестігі жыл сайын дүркіретіп тойлайтын дәстүр пандемия салдарынан екі жыл үзіліс алған болатын. Биыл тұрғындарға 750 литр қымыз үлестірілді.
Аймақтар • 15 Маусым, 2022
Павлодарда журналистердің басын қосып, бабын байқайтын жалғыз турнир бар. Жыл сайын үстел теннисіне икемді жергілікті тілшілер өңір журналистикасына сүбелі үлес қосқан Сәлімбай Ермұратовты еске алуға арналған жарысқа жан-жақтан жиылады. Биыл қатарынан 10-шы мәрте ұйымдастырылған бәсекеге ракеткамыздың шаңын сүртіп біз де қатыстық.
Аймақтар • 15 Маусым, 2022
Былтыр Ақсу қаласындағы кәріз құдықтарының біріне 13 жасар қыз құлап кетіп, жағымсыз жағдай шаһардың коммуналдық саласындағы біраз былықтың бетін ашып берген-ді. Қыз аман. Ал су құбырын жаңғыртуға бөлінген 1,6 млрд теңгенің 340 млн теңгесін жымқырған жылпостар ақыры сотталды. Сәл артқа шегініс жасайық.
Аймақтар • 14 Маусым, 2022
Павлодар қаласындағы 17 көшенің атауы өзгертілді. Әбден ескірген Таганрогская, Совхозная сияқты көшелердің тақтайшалары келмеске кетті. Пандемия салдарынан бұл бағыттағы жұмыстар біраз үзіліс алған еді. Енді, міне, маңызды шаруа қайтадан жалғасын тауып отыр. Атауы түкке тұрмайтын кент және қала атауларының да ауысатын уақыты жақындай түскендей.
Аймақтар • 14 Маусым, 2022
Еңселі Екібастұз қаласы 65 жылдығын дүркіретіп атап өтті. Еліміздің отын-энергетика кешенінің кемелденуіне үлкен үлес қосқан көмірлі шаһардың соңғы жылдары ажары келісе түскен. «Таза қала» деген атағы бұрыннан бар. Ендігі жерде моноқалаларды дамыту бағдарламасы шеңберінде Екібастұз дамудың даңғыл жолына түсіп, ел экономикасының өркендеуіне атсалысады деген сенім басым.
Аймақтар • 12 Маусым, 2022
Успен ауданы – «сен тимесең, мен тиме» деп тыныш жатқан өңір. Жергілікті тұрғындардың басым бөлігі мал және өсімдік шаруашылығымен айналысып, табиғи өнімнен нәпақа айырып отыр. Атағы республикаға жайылған «Галицкое» серіктестігі де осы ауданда орын тепкен. Успен десе, жұрттың аузында аталған шаруашылық қатар жүреді. Ал Кеңес дәуірінде Тобылжан көліндегі тұз өндірісі дүркіреп тұрған-ды. Қазіргі ахуалы қандай?
Ұлттық спорт • 09 Маусым, 2022
Павлодар қаласының іргесінде орналасқан Мойылды ауылында көкпардан облыстық жарыс өтті. Оны облыс орталығындағы «Ақмешіт» және «Бижан» мешіттері бірлесіп ұйымдастырды.
Қоғам • 08 Маусым, 2022
Кәсіпкерлердің барлығы шалқып өмір сүріп жатқан жоқ. Олардың да несиесі, проблемасы бар. Қазақстан кәсіпкерлерінің құқықтарын қорғау жөніндегі уәкіл Рустам Жүрсінов Павлодар облысына екі күндік жұмыс сапарымен келіп, жергілікті бизнесмендердің мәселелерімен танысты.
