Энергетика • 09 Ақпан, 2024
Мемлекет басшысы бас басылымдағы сұхбатында тұрғын үйлерді жылумен қамту мәселесіне мән беріп, тозығы жеткен орталықтардың жайына назар аударды. Расында, елімізде отын қоры жеткілікті болғанымен, қыс мезгілінде үйлерді жылыту мәселесі желілердегі апаттар салдарынан қиындап кететіні – үйреншікті жағдай. Жылыту маусымына дайындық ерте басталса да, үдесінен шыға алмайтын осы жүйедегі негізгі мәселе неде?
Несие • 08 Ақпан, 2024
Бүгінгі қоғамның ең түйткілді мәселесі – халықтың қарызбен өмір сүруі. Қарыз, несие алу жұртшылықтың ажырамас өмір салтына айналды деуге болатындай. Бұл – әрине, дабыл қағатын жағдай. Статистикалық деректер қарыздың ай сайын өсе түсуі және несие төлей алмайтын қарыз алушылар санының артып келе жатқанын айғақтайды. Ұзақмерзімді миллиондарға алынатын ипотекалық қарыздарды былай қойғанда, тіпті адамдар күнделікті тұтынатын азығын да несиеге алатын болған.
Экономика • 07 Ақпан, 2024
Қабылданған стратегияның тиімділігі
Таяуда «Қазақстанның Даму банкі» АҚ қаржы институты және Өнеркәсіпті дамыту қорының директорлар кеңесі мен топ-менеджменті мүшелерінің арасында басқосу өтті. Онда банк жұмысының негізгі бағыттары бойынша есептер мен жоспарлар тыңдалып, 2024-2033 жылдарға арналған жаңа даму стратегиясы талқыланды. Басты назар елдегі экономиканың шикізаттық емес секторын, инфрақұрылымды және экспортқа бағдарланған кәсіпорындарды одан әрі дамытуды қолдау арқылы халықтың әл-ауқатын арттыруға негізделіп отыр.
Депозит • 05 Ақпан, 2024
Таяуда еліміздің Бас қаржы реттеушісі – Ұлттық банктің Ақша-кредит саясаты комитеті базалық мөлшерлемені 15,25%-ға дейін 50 базистік тармаққа төмендету туралы шешім қабылдады. Бұған инфляциялық үдерістердің баяулауы ескеріліп, алдыңғы жылдан бері алғаш рет бір таңбалы мәнге жеткендігі бар. Осыған қарағанда, инфляцияның орнықты бөлігіндегі көрсеткіштер тұрақталып келе жатқан сыңайлы.
Экономика • 31 Қаңтар, 2024
Отандық өндірушілер зиян шекпеуге тиіс
Алдағы уақытта отандық өндірушілердің мүдделерін қорғауға және азық-түлік қауіпсіздігін қамтамасыз етуге бағытталған сауда саласын реттейтін заңға түзетулер енгізілмек.
Қоғам • 25 Қаңтар, 2024
Көгілдір отынды тұтынушылар көбейіп келеді
Бүгіндері отандық экономикаға өз үлесін қосып, қарқындылықпен танылып отырған газ – мұнайға ілеспе өнім екендігін ескерсек, ішкі нарықта тұтыну айтарлықтай өсіп келеді. Газ саласын дамытудың 2026 жылға дейінгі Кешенді жоспарында газдың ресурстық базасын ұлғайту, газ нарығын реформалау және азаматтардың әлеуметтік осал топтарына бағаны тежеу жөніндегі шаралар қарастырылған болатын. Елімізде тауарлық газ ресурстарын 30 млрд текше метрге дейін ұлғайту үшін жаңа газ өңдеу қуаттарын салу және елді газдандырудың кемінде 60 пайыз шамасында қамтамасыз ету керектігін, Мемлекет басшысы Үкіметке жүктеген еді. Белгіленген тапсырманы орындау мерзімі 2023-2029 жылдар аралығын қамтып, келесі бесжылдықта 12 млн адамды табиғи газбен жабдықтау жоспарланды.
Экономика • 24 Қаңтар, 2024
Макроэкономика сауалнамасының нәтижесі
Таяуда еліміздің Бас қаржы реттеушісі – Ұлттық банк сарапшылар қауымдастығы арасында жүргізілген макроэкономика сауалнамасының нәтижесін жариялады.
Еңбек • 19 Қаңтар, 2024
Адал еңбек өтемі – лайықты жалақы
Бүгінде Үкімет басында жұмыс берушілер мен кәсіподақ бірлестіктері арасында 2024-2026 жылдарға арналған Бас келісімді дайындау қызу жүріп жатыр. Мамандар аталған құжаттың мүмкіндігі мол екенін айтады. Әсіресе жұмысшылар мәселесімен етене таныс салалық кәсіподақтар келісім жобасын белсенді түрде талқылап, өз ұсыныстарын беріп жатыр.
Жоба • 16 Қаңтар, 2024
Ауқымды жоба аясындағы келісімдер
Осыдан екі жыл бұрын қыс ортасында еліміздегі жылу электр стансасы бір емес, бірнеше рет апатқа ұшырап, тұтас бір қала жылусыз қалғаны бар. Бұл салынғанына 60 жылдан асқан жылу электр орталықтарының апатты жағдайда тұрғандығын, тіпті тозығы жеткендігін көрсетіп, шешілмеген мәселенің түйінін тарқатып бергендей болды. Әрине, ескірген инфрақұрылым халықтың тұрмыс-тіршілігіне тікелей әсер етіп, индустрияландырудың қарқынды дамуына тежеу қоятындығын ескерсек, аталған сала уақыт оздырмай жедел түрде жаңғыртылуы керек.
Өндіріс • 15 Қаңтар, 2024
Еліміздегі экономиканың жалпы өсіміне жататын машина жасау мен металл өңдеу салалары әлі де болса импортқа тәуелділіктен арылмай келеді. 120 мыңға тарта жұмысшысы бар 4 мыңға жуық кәсіпорынның қай-қайсысы болсын өндірістік қорларын жаңартуды қажет етіп отырған жайы бар. Бұл салаға жататын ауыл шаруашылығы, теміржол, энергетика, электртехника, тау-кен-металлургия және мұнай-газ, машина жасау, автомобиль мен авиақұрылыстағы туындаған мәселелерді шешіп, қолданыстағы өндіріс тиімділігі мен бәсекеге қабілеттілігін арттырса, әлемдік экономикаға қосылуға мүмкіндік бар деген сөз. Әсіресе ауыл шаруашылығы саласындағы техниканың 80 пайызға жуығының тозығы жеткен.
