Қоғам • 09 Желтоқсан, 2022
Балет – сұлу өнер, сахнаның құдіреті сол болар, биші өз өнерінен гөрі сұлуырақ көрінеді. Бір аяғының ұшымен еденді тіреп, бір аяғымен дөңгелене айналып, кенет ту сыртынан біреу ұртын толтырып үрлеп қалғандай, үлпілдеген қауырсын секілді қалықтап ұша жөнелгенде, бір мезет тыныс алғаның өзіңе де сезілмей, тым-тырыс қаласың. Қанатын керіп, көлде жүзген аққу сахнаға адасып келіп қалғандай, құс патшасын айна-қатесіз кейіптеген мынау шебердің өнері тәнті болмасыңа қоймайды.
Әдебиет • 08 Желтоқсан, 2022
«Айбоз» ұлттық әдеби сыйлығының жеңімпаздары марапатталды
Мәдениет және спорт министрлігі маусым айында елімізде алғаш рет «Айбоз» ұлттық әдеби сыйлығы тағайындалатынын хабарлаған болатын. Әдебиет пен баспа ісінің өрісін кеңейтуге бағытталған байқау мәресіне жетіп, кеше Алматыдағы Жамбыл атындағы Қазақ мемлекеттік филармониясында қорытындысы жарияланып, жеңімпаздар жүлдесі салтанатты түрде табысталды. Министрлікпен бірге, ақын-жазушылар, зиялы қауымның қолдауымен бекітілген ауқымды жобаның мақсаты – төл әдебиетті тың дүниелермен толықтыру, жазушылық өнердің айрықша әлеуметтік маңызын қоғамға көрсету.
Сұхбат • 08 Желтоқсан, 2022
Қазақ киносы әлемге таныла бастады
Қазақ киносын түп-тамырымен танитын және ол жайлы бәрін білетін бір тұлға болса, ол – Гүлнар Әбікеева. Жетекші отандық кинотанушы, өнертану докторы, Қазақстан киносыншылары қауымдастығының президенті, Қазақстан және Орталық Азия кинематографиясы туралы он екі кітаптың және топтама жинақтарда, альманахтарда, журналдарда, интернет-порталдарда үзбей жарияланатын жүздеген мақаланың авторы, Кино саласындағы баспасөз өкілдері халықаралық қауымдастығының (ФИПРЕССИ) және Азия киносын ілгерілету ұйымының (НЕТПАК) мүшесі, көптеген халықаралық кинофестивальдің қазылар алқасының мүшесі. 2005 жылдан бастап оның кәсіби тағдыры «Еуразия» кинофестивалімен қатар өріліп келеді – өткен кинофестивальдердің көпшілігінде ол арт-директор міндетін атқарды. Ал биыл XVI «Еуразия» ХКФ бағдарламалық директоры ретінде бірнеше сауалымызға жауап берді.
Өнер • 30 Қараша, 2022
29 қараша мен 3 желтоқсан аралығында Алматыда студенттік және дебюттік фильмдердің X Халықаралық «Бастау» кинофестивалі өтеді. Он жыл бойы тұрақты өтіп келе жатқан халықаралық фестиваль биыл алғашқы мерейлі белесін бағындырып отырғандықтан, байқау бағдарламасынан бірқатар ілкімді өзгеріс пен жаңалық орын алды.
Өнер • 28 Қараша, 2022
Жамбыл атындағы Қазақ мемлекеттік филармониясында Казақстанның халық әртісі, әнші Бақыт Әшімованың туғанына 85 жыл толуына арналған «Күндер-ай» атты ән кеші өтеді, деп жазады Egemen.kz.
Кино • 28 Қараша, 2022
Шығармашылық жол «Бастаудан» басталады
Ертең 29 қарашада, Алматыда студенттік және дебюттік фильмдердің Х халықаралық «Бастау» кинофестивалі өз жұмысын бастайды. Фестиваль құрылған күнінен бастап жас кинематографистер арасындағы ынтымақтастықты дамыту, олардың жұмысын қолдау және ілгерілетуді мақсат етіп келеді. «Бастау» алаңдарында әлемнің түкпір-түкпірінен келген жас авторлар өз замандастарының жұмысымен танысады, танымал мэтрлердің фильмдерін тамашалайды және бірлескен жобалар жасайды. Биылғы оныншы рет өткелі отырған мерейтойлық фестивальдің жаңалығы туралы, қонақтар мен қатысушылардың қарымы жайлы сұрағымызға «Бастау» кинофестивалінің арт-директоры, продюсер Диана Әшімова жауап берген еді.
Қоғам • 25 Қараша, 2022
Форум мақсаты – жас авторларды қолдау
Алматы қаласында 2-4 желтоқсан аралығында «Сөз – жастарға. Жастар туралы сөз» тақырыбымен жазушылар мен публицистердің үшінші Халықаралық форумы өтеді. Жас әдебиетшілер мен публицистердің кәсіби деңгейін көтеруге арналған халықаралық әдеби басқосудың ұйымдастырушысы Қазақ ПЕН-клубы қоғамдық бірлестігі Алматыға әлемнің әртүрлі елдерінен әдебиет пен публицистиканың әр жанры бойынша семинар жүргізуге белгілі жазушылар мен публицистердің шақырылып отырғанын хабарлады. Форумға 12 елдің белгілі қаламгерлері және Қазақстанның 40-43 жас жазушысы мен публицисі қатысады.
Өнер • 17 Қараша, 2022
Ұлттық балет өнерінің биігін бағындырған біртуар биші, КСРО халық әртісі Рамазан Бапов жарық дүниемен ерте қоштаспағанда, биыл 75 жасқа толар еді. Мәскеу хореографиялық училищесінің үздік түлегін Үлкен театр аттай қалап, балет труппасының құрамына қабылдамақ болғанда, Отанына оралуды жөн көрген Рамазан қазақ өнерінде жаңадан бүр жарып келе жатқан балетті өркендетуді ғана ойлаған екен. Абай атындағы Опера және балет театрына биші болып орналасқан күннен бастап өзін тек өнерге ғана арнап, жиырма жылдан аса барлық жетекші партияларда билеп, есімін классикалық би өнерінің тарихына алтын әріппен жазып кетті.
Сұхбат • 17 Қараша, 2022
Мүсілім Әмзе: Дирижерлік – бекзат өнер
Қазақстанның классикалық музыка өнерінде Ахмет Жұбанов бастаған дарынды дирижерлер көшін кәсіби түрде жалғастырып келе жатқан қалың шоғыр бар. Солардың арасында өзіне сенімді, байсалды, маңғаз мәнерінен зиялылық байқалатын Мүсілім Әмзені айрықша атауға болады. Алматының жанға жайлы мақпал кешін сахнаның сырлы әуенімен әрлей түсіп, көрермен көңіліне қанат байлап, ықыласпен шығарып салатын, шығармашылық концерттерде жиі бой көрсететін маэстроның өнерін көрермен қашан да құрметпен қабылдайды. Сиқырлы таяқшамен ауада өрнек салып, бүкіл аспапты үйлесімді ырғаққа ұйыстырып, оркестрді бір тыныспен басқаратын дирижер әр шығарманың өзегіне жан беріп, оны қайта тірілтіп қана қоймай, шабыт шеберлігі мен өнердің өлмес құдіретіне еріксіз бас идіреді. Ұлттық консерваторияда білім алып, түрлі оркестрмен шет ел сахналарында шеберлігін шыңдаған Мүсілім Әмзе – Жамбыл атындағы қазақ мемлекеттік филармониясы құрамындағы Т.Әбдірашев атындағы Қазақстан Республикасының мемлекеттік академиялық симфония оркестрі мен Н.Тілендиев атындағы мемлекеттік академиялық фольклорлы-этнографиялық «Отырар сазы» оркестрінің дирижері. Сонымен қатар музыка өнеріндегі ғылыми-педагогика бағытында қызмет етіп жүрген ұстаз.
Ұлттық спорт • 16 Қараша, 2022
Қазақстан Республикасы Мемлекеттік орталық музейі Балалар жылына орай Алматы қалалық мектеп-интернаттары арасында ұлттық ойындар бойынша «Музей кубогі» спорттық турнирін өткізді. Алматы қаласы Білім басқармасы қалалық дене шынықтыру және спорт орталығымен бірлесіп ұйымдастырылған дүбірлі додада төрт топ тартысқа түсті.
